[1] ربّئن ددئیی بودور: «گت، کوزه‌گردن بئر گئل کوزه آل. خالقین آغساقّاللاریندان و کاهئنلردن بئر نچه‌سئنی یانیندا گؤتور،
[2] بِن‌هئنّوم دره‌سئنه کی، ساخسی قیریغی دروازاسینین گئرئشئنده‌دئر، گت. سنه دئیه‌جیئم سؤزلری اورادا اعلان ادئب دِه:
[3] ”ای یهودا پادشاهلاری، ای اورشلئمده یاشایانلار، ربّئن سؤزونو اِشئدئن. ائسرایئلئن تاریسی اولان قوشونلار ربّی بله دیئر: باخ، من بو یِرئن اوستونه اِله بئر بلا گتئره‌جیم کی، هر اِشئده‌نئن قولاغی جئنگئلده‌یه‌جک.
[4] چونکی اونلار مندن اوز دؤندَرئبلر و بورانی یاد بئر اؤلکه حالینا گتئرئبلر. اورادا اِله آللاهلارا بوخور یاندیریبلار کی، نه اؤزلری تانی‌ییردیلار، نه آتالاری، نه ده یهودا پادشاهلاری. و بو یری گوناهسیز قانلا دولدوروبلار.
[5] بَعَل پرستئشگاهلاری تئکئبلر کی، اؤز اوشاقلارینی اوددا بَعَل بوتلرئنه یاندیرما قوربانی تقدئم اتسئنلر. من بله بئر شیی نه امر اتدئم، نه ددئم، نه ده آغلیما گتئردئم.“
[6] رب بویورور: ”بونا گؤره ده، باخین، اِله گونلر گلئر کی، بو یِره داها توفِت و یا بِن‌هئنّوم دره‌سی یوخ، قیرغین دره‌سی دیئله‌جک.
[7] بو یرده یهودا ائله اورشلئمئن نئیّتلرئنی بوشا چیخارداجاغام. اونلاری، دوشمنلرئنئن قاباغیندا، جانلارینی آلماق ائسته‌ینلرئن اَلی ائله قیلینجلا هلاک اده‌جیم. جسدلرئنی گؤیده‌کی قوشلارا و یرده‌کی حیوانلارا یِم وره‌جیم.
[8] بو شهری وئران اده‌جیم، رئشخند هدفئنه چِوئره‌جیم. اورادان کچن هر کس اونون باشینا گلن بلالاردان حیرت ائچئنده فئت چالاجاق.
[9] اوغوللارینین و قیزلارینین اَتئنی اؤزلرئنه یِدئرده‌جیم. جانلارینی آلماق ائسته‌ین دوشمنلری اونلاری موحاصئره‌یه آلاندا، چکدئکلری سیخینتیدان اؤتری بئربئرلرئنئن اَتئنی یئیه‌جکلر.“
[10] سونرا سنئنله گِدن آداملارین گؤزو قاباغیندا کوزه‌نی سیندیر
[11] و اونلارا دِه: ”قوشونلار ربّی بله دیئر: کوزه‌گرئن کوزه‌سی نجه قیریلیب بئر داها دوزَ‌لمز، من ده بو خالقی و شهری بله‌جه محو اده‌جیم. اؤلولری او قدر توفِتده باسدیراجاقلار کی، اوندا بئر داها یِر قالماسین.
[12] بو یِر و ساکئنلری ائله بله رفتار اده‌جیم، بو شهری توفِت کئمی اده‌جیم.“ رب بویورور.
[13] ”اورشلئمئن اِولری و یهودا پادشاهلارینین سارایلاری توفِتئن یری کئمی نجئس اولاجاق، چونکی بوتون اِولرئن داملاری اوستونده گؤی جئسئملرئنه بوخور یاندیردیلار، یاد آللاهلارا مایع تقدئملری گتئردئلر.“»
[14] او واخت اِرِمیا توفِتدن قاییتدی، اورادان کی، رب اونو نَبئلئک اتمک اوچون گؤندَرمئشدی. او، ربّئن معبدئنئن حیطئنده دایانیب بوتون خالقا ددی:
[15] «ائسرایئلئن تاریسی اولان قوشونلار ربّی بله دیئر: ”قولاق آسین! من بو شهر باره‌ده دِدئیئم بوتون فلاکتلری اونون و اطرافیندا اولان کندلرئن اوستونه گتئره‌جیم، چونکی عئنادکارلیقدان بویونلارینی بَرک اتدئلر، اونا گؤره ده سؤزلرئمه قولاق آسمادیلار.“»