[1] یهودا پادشاهی صئدقئیانین پادشاهلیغینین دوقّوزونجو ائلئنئن اونونجو آییندا، بابئل پادشاهی نِبوکَدنِصّر بوتون قوشونو ائله اورشلئمئن قاباغینا گلئب شهری موحاصئره‌یه آلدی.
[2] صئدقئیانین پادشاهلیغینین اون بئرئنجی ائلئنده، دؤردونجو آیین دوقّوزونجو گونو شهر دوواریندا دَلئک آچیلدی.
[3] بابئل پادشاهینین بوتون باشچیلاری-سامگارلی نِرگال‌شِر-اِزِر، نئظامی مشورتچی نِبو سار-سَکئم، باش مأمور نِرگال‌شِر-اِزِر و بوتون باشقا اعیانلار ائچه‌ری گئرئب اورتا دروازادا اوتوردولار.
[4] یهودا پادشاهی صئدقئیا و بوتون دؤیوشچولر اونلاری گؤرنده قاچدیلار؛ اونلار گجه واختی شهردن، پادشاهین باغچاسی یولوندان، ائکی دووارین آراسینداکی قاپیدان چیخیب قاچدیلار و عَرَبایا طرف گتدئلر.
[5] لاکئن کَلده قوشونو اونلاری تعقئب ادئب اَرئحا اووالاریندا صئدقئیایا چاتدیلار. صئدقئیانی توتوب خَمات تورپاغینداکی رئبلایا، بابئل پادشاهی نِبوکَدنِصّرئن یانینا آپاردیلار. او، صئدقئیا باره‌ده حؤکم وردی.
[6] بابئل پادشاهی رئبلادا صئدقئیانین گؤزو قاباغیندا اوغول‌لارینی اؤلدورتدو. بابئل پادشاهی بوتون یهودا اعیانلارینی دا اؤلدورتدو.
[7] سونرا صئدقئیانین گؤزلرئنی چیخارتدی و اونو بابئله آپارماق اوچون زنجئرله‌دی.
[8] کَلدانئلر پادشاه سارایینی و خالقین اِولرئنی یاندیردیلار، اورشلئمئن دووارلارینی اوچورتدولار.
[9] کشئکچئلر ریئسی نِبوزَره‌دان شهرده صاغ قالان خالقی، اونون طرفئنه کِچَنلری-صاغ قالان بوتون اهالئنی بابئله اسئر آپاردی.
[10] کشئکچئلر ریئسی نِبوزَره‌دان خالقدان هچ بئر شیی اولمایان بعضی یوخسوللاری یهودا تورپاغیندا ساخلادی، اونلارا اوزوم باغلاری و زَمئلر وردی.
[11] بابئل پادشاهی نِبوکَدنِصّر اِرِمیا باره‌ده کشئکچئلر ریئسی نِبوزَره‌دانا بله امر اتمئشدی:
[12] «اونو آپار و اونا یاخشی یِتئش؛ اونونلا پئس رفتار اتمه. سندن نه ائسته‌سه، اونو ات.»
[13] کشئکچئلر ریئسی نِبوزَره‌دان، نئظامی مشورتچی نِبوشَزبان، باش مأمور نِرگال‌شِر-اِزِر و بابئل پادشاهینین بوتون باشقا اعیانلاری
[14] آدام گؤندَ‌رئب اِرِمیانی کشئکچئلر حیطئندن گتئردئلر. اِرِمیانی شافان اوغلو اَخئقام اوغلو گِدَلیایا تاپشیردیلار کی، اونو اِرِمیانین اؤز اِوئنه آپارسین. بله‌جه اِرِمیا اؤز خالقی آراسیندا قالدی.
[15] کشئکچئلر حیطئنده محبوس ائکن اِرِمیایا ربّئن بو سؤزو نازئل اولموشدو:
[16] «گت، کوشلو عِبِدمِلِکه دِه؛ ائسرایئلئن تاریسی اولان قوشونلار ربّی بله دیئر: ”بو شهرئن اوستونه یاخشیلیق یوخ، پئسلئک گتئره‌رک دِدئیئم سؤزلری یرئنه یتئره‌جیم. او گون بونلار سنئن گؤزلرئن قاباغیندا باش وره‌جکلر.
[17] لاکئن او گون سنی خئلاص اده‌جیم.“ رب بویورور. ”قورخدوغون آداملارا تسلئم ادئلمیه‌جکسن.
[18] من سنی خئلاص اده‌جیم، سن قیلینجلا هلاک اولمایاجاقسان. اؤز جا‌نینی قورتاراجاقسان، چونکی سن منه بِل باغلاییرسان.“ رب بویورور.»