[1] یهودا پادشاهی یوشئیا اوغلو صئدقئیانین پادشاهلیغینین اوّلئنده ربدن اِرِمیایا بو سؤز نازئل اولدو:
[2] «رب منه بله ددی: ”اؤزونه قاییشلارلا باغلانان بئر تخته، بئر یوغ دوزَلت و بوینونا تاخ.
[3] سونرا اورشلئمه، یهودا پادشاهی صئدقئیانین یانینا گلن قاصئدلر واسئطه‌سی‌ائله اِدومون، موآبین، عَمّون اؤولادلارینین، صورون و صئدونون پادشاهلارینا خبر گؤندَر.“
[4] آغالارینا دمک اوچون اونلارا بئلدئر: ائسرایئلئن تاریسی اولان قوشونلار ربّی بله دیئر: ”آغالارینیزا بونو دیئن:
[5] دونیانی دا، یِر اوزونده اولان ائنسانی دا، حیوانی دا بؤیوک گوجومله و اوزانان قولوملا من یاراتدیم و کئمه ائسته‌سم، اونا دا وره‌رم.
[6] ائندی بوتون بو اؤلکه‌لری بابئل پادشاهی قولوم نِبوکَدنِصّرئن ائختئیارینا ورئرم. حتّا چؤلون وحشی حیوانلارینی دا اونا تابع اتدئره‌جیم.
[7] اؤلکه‌سئنئن آخیری چاتانا قدر بوتون مئلّتلر اونا، اوغلونا و نوه‌سئنه قوللوق اده‌جکلر. سونرا بئر چوخ مئلّتلر و بؤیوک پادشاهلار اونو اؤزلرئنه قول اده‌جک.
[8] هانسی مئلّت و اؤلکه بابئل پادشاهی نِبوکَدنِصّره قوللوق اتمه‌سه، اونون یوغونا گئرمه‌سه، همئن مئلّتی قیلینج، آجلیق و وبا ائله جزالاندیرجاغام، اله کی، اونون اَلی ائله اونو کامئل محو اِدئم.“ رب بویورور.
[9] ”بله‌جه اؤز پیغمبرلرئنئزه، فالچیلارینیزا، یوخو گؤرنلرئنئزه، گله‌جیی دئیَنلرئنئزه و جادوگرلرئنئزه قولاق آسمایین کی، سئزه دیئرلر: بابئل پادشاهینا قوللوق اتمیه‌جکسئنئز.
[10] اونلار سئزه یالاندان نبئلئک ادئرلر. بونون نتئجه‌سئنده اؤز اؤلکه‌نئزدن قووولاجاقسینیز. سئزی آتاجاغام و سئز محو اولاجاقسینیز.
[11] آمّا بابئل پادشاهینین یوغونا گئرن و اونا قوللوق ادن مئلّتی اؤز تورپاغیندا ساخلایاجاغام. تورپاغی اَکئب اورادا یاشایاجاقلار.“ رب بویورور.»
[12] من همئن سؤزلری یهودا پادشاهی صئدقئیایا بئلدئرئب ددئم: «بوینونو بابئل پادشاهینین یوغونا اَی؛ اونا و اونون خالقینا قوللوق ات کی، دئری قالاسان.
[13] بابئل پادشاهینا قوللوق اتمک ائستمه‌ین هر مئلّت ربّئن ددئیی کئمی محو اولاجاق. نه اوچون سن و خالقین قیلینج، آجلیق و وبادان اؤله‌سئنئز؟
[14] پیغمبرلرئن سؤزلرئنه قولاق آسمایین کی، دیئرلر: ”بابئل پادشاهینا قوللوق اتمیه‌جکسئنئز.“ چونکی اونلار سئزه یالاندان نبئلئک ادئرلر.
[15] رب بویورور: ”اونلاری من گؤندَرمه‌مئشم، اونلار منئم آدیملا یالاندان نبئلئک ادئرلر. بونون نتئجه‌سئنده من سئزی آتاجاغام و سئز هلاک اولاجاقسینیز؛ هم سئز، هم ده سئزه نبئلئک ادن پیغمبرلر.“»
[16] او واخت من کاهئنلره و بوتون بو خالقا ددئم: «رب بله دیئر: سئزه نبئلئک ادن پیغمبرلره قولاق آسمایین کی، دیئرلر: ربّئن معبدئندن گؤتورولَن اشیالار تزلئکله بابئلدن گری قایتاریلاجاق. اونلار سئزه یالاندان نبئلئک ادئرلر.
[17] اونلارا قولاق آسمایین. بابئل پادشاهینا قوللوق ادئن و دئری قالارسینیز. بو شهر نئیه وئران اولسون؟
[18] اگر اونلار پیغمبردئرلر و ربّئن سؤزونو دیئرلر، قوی ائندی قوشونلار ربّئنه یالوارسینلار کی، ربّئن معبدئنده، یهودا پادشاهینین ساراییندا و اورشلئمده قالان اشیالار بابئله آپاریلماسین.»
[19] سوتونلار، حوووض، پایالار و بو شهرده قالان باشقا اشیالار باره‌ده کی،
[20] بابئل پادشاهی نِبوکَدنِصّر، یهودا پادشاهی یِهویاقئم اوغلو یهویاکئنی و یهودا ائله اورشلئمئن بوتون اعیانلارینی اورشلئمدن بابئله اسئر اتدئیی زامان آپارمادی، قوشونلار ربّی بله دیئر.
[21] بلی، ربّئن معبدئنده، یهودا پادشاهینین ساراییندا و اورشلئمده قالان اشیالار باره‌ده ائسرایئلئن تاریسی قوشونلار ربّی بله دیئر:
[22] «اونلار بابئله آپاریلاجاقلار و بابئللی‌لرئن ائشئنه باخاجاغیم گونه قدر اورادا قالاجاقلار. او زامان اونلاری اورادان چیخارداجاغام و بو یِره قایتاراجاغام.» رب بویورور.