[1] مَتّان اوغلو شِفَطیا، پَشخور اوغلو گِدَلیا، شِلِمیا اوغلو یَهوکال و مَلکئیا اوغلو پَشخور اِرِمیا‌نین بوتون خالقا ددئیی بو سؤزلری اشئتدئلر:
[2] «رب بله دیئر: ”بو شهرده قالان آدام قیلینجدان، آجلیقدان و وبادان اؤله‌جک. لاکئن کَلدانئلره تسلئم اولان یاشایاجاق؛ اؤز جا‌نینی قورتاریب صاغ قالاجاق.“
[3] رب بله دیئر: ”بو شهر قطعن بابئل پادشاهینین قوشونونا تسلئم ادئله‌جک و او بو شهری اَله کچئرده‌جک.“»
[4] او واخت باشچیلار پادشاها ددئلر: «بو آدام گرک اؤلومه ورئلسئن. او بو سؤزلرله شهرده قالان دؤیوشچولرئن و خالقین اورَکلرئنی اوزور. یقئن بو آدام خالقا یاخشیلیق دیئل، پئسلئک آرزولاییر.»
[5] صئدقئیا پادشاه ددی: «اونو سئزئن اَلئنئزه ورئرم، چونکی پادشاه سئزئن ضئدّئنئزه بئر ائش گؤره بئلمز.»
[6] او زامان اونلار اِرِمیانی توتوب پادشاهین اوغلو مَلکئیانین کشئکچئلر حیطئنده اولان قویوسونا آتدیلار. اِرِمیانی ائپله اورایا سالدیلار. قویودا سو یوخ ائدی، فقط پالچیق وار ائدی. اِرِمیا پالچیغا باتدی.
[7] پادشاه ساراییندا وظئفه‌لی اولان کوشلو عِبِدمِلِک اشئتدی کی، اِرِمیا قویویا آتیلیب. بو زامان پادشاه بِنیامئن دروازاسیندا اوتورموشدو.
[8] عِبِدمِلِک پادشاه ساراییندان چیخیب پادشاها ددی:
[9] «آغام پادشاه، بو آداملارین اِرِمیا پیغمبره بوتون اتدئکلری پئسدئر. اونو قویویا آتیبلار او اورادا آجیندان اؤله‌جک، چونکی داها شهرده چؤرک قالماییب.»
[10] پادشاه کوشلو عِبِدمِلِکه امر ادئب ددی: «اؤزونله اوتوز نفر گؤتور و اِرِمیا پیغمبری اؤلمه‌مئشدن قاباق قویودان چیخارت.»
[11] عِبِدمِلِک اؤزو ائله آداملار گؤتوروب سارای خزئنه‌سئنئن آلتیندا اولان بئر اوتاغا گئردی و اورادان ییرتیق پالتارلار، جیریق اَسکئلر گؤتوردو. سونرا اونلاری ائپلرله قویودا اولان اِرِمیایا ساللادیلار.
[12] کوشلو عِبِدمِلِک اِرِمیایا ددی: «ییرتیق پالتارلاری و اَسکئلری قولتوقلارینین آلتینا قوی و ائپلری اونلارین اوستوندن کچئرت.» اِرِمیا بله ده اتدی.
[13] اِرِمیانی ائپلرله چکئب قویودان چیخارتدیلار. اِرِمیا کشئکچئلر حیطئنده قالدی.
[14] صئدقئیا پادشاه آدام گؤندَ‌رئب اِرِمیا پیغمبری اؤز یانینا-ربّئن معبدئنئن اوچونجو گئرئشئنه گتئرتدی. پادشاه اِرِمیایا ددی: «سندن بئر شی سوروشاجاغام، مندن هچ نه گئزلَتمه.»
[15] اِرِمیا صئدقئیایا ددی: «اگر سنه بئلدئرسم، آیا منی اؤلدورمیه‌جکسن؟ حتّا اگر سنه نصئحت ده ورسم، منه قولاق آسمایاجاقسان.»
[16] لاکئن صئدقئیا پادشاه اِرِمیایا گئزلئجه آند ائچئب ددی: «بئزه نفس ورن، وار اولان تارییا آند اولسون کی، نه سنی اؤلدوره‌جیم، نه ده سنی، جا‌نینی آلماق ائسته‌ین آداملارا تسلئم اده‌جیم.»
[17] اِرِمیا صئدقئیایا ددی: «ائسرایئلئن تاریسی اولان قوشونلار تاریسی رب بله دیئر: ”اگر سن بابئل پادشاهینین باشچیلارینا تسلئم اولاسان، جانین قورتاراجاق و بو شهر ده اوددا یانمایاجاق؛ عایئلَنله بئرلئکده صاغ قالاجاقسان.
[18] لاکئن اگر بابئل پادشاهینین باشچیلارینا تسلئم اولمایاسان، بو شهر کَلدانئلره تسلئم ادئله‌جک و اونو یاندیراجاقلار؛ سن اؤزون ده اونلارین اَلئندن قاچیب قورتارا بئلمیه‌جکسن.“»
[19] صئدقئیا پادشاه اِرِمیایا ددی: «کَلدانئلرئن طرفئنه کچن یهودئلردن قورخورام. کَلدانئلر منی اونلارین اَلئنه وره بئلرلر، اونلار دا منئمله پئس رفتار اِدَرلر.»
[20] اِرِمیا ددی: «سنی اونلارین اَلئنه ورمزلر. ربدن ائطاعت ات و سنه دِدئیئم سؤزلری یرئنه یتئر. او واخت خیئر تاپارسان، جانین دا آماندا قالار.
[21] لاکئن اگر تسلئم اولماقدان ائمتئناع اده‌سن، رب منه بونو گؤرسه‌دئر:
[22] یهودا پادشاهینین ساراییندا قالان بوتون آروادلار بابئل پادشاهینین باشچیلارینا تسلئم ادئله‌جک. او آروادلار سنه دئیه‌جکلر: ”اِعتئماد اتدئیئن دوستلار سنی آلدادیب مغلوبئیّته دوچار اتدئلر. آیاقلارین پالچیغا باتیب، دوستلارین سنی قویوب قاچیبلار.“
[23] سنئن بوتون آروادلارین و اوغوللارین کَلدانئلره تسلئم ادئله‌جک. سن اؤزون ده اونلارین اَلئندن قاچیب قورتارا بئلمیه‌جکسن، بابئل پادشاهی سنی اَله کچئرده‌جک؛ بو شهر ده یاندیریلاجاق.»
[24] او واخت صئدقئیا اِرِمیایا ددی: «بو صؤحبتی هچ کسه بئلدئرمه، یوخسا اؤله بئلرسن.
[25] اگر باشچیلار اشئتسه‌لر کی، سنئنله دانیشمیشام و سنئن یانینا گلئب دِسه‌لر: ”پادشاها نه ددئن و پادشاه سنه نه ددی، بئزه بئلدئر، بئزدن گئزلَتمه، یوخسا سنی اؤلدوره‌رئک.“
[26] اونلارا دِه: ”پادشاها یالواریردیم کی، منی یوناتانین اِوئنه قایتارماسین و اورادا اؤلمه‌یئم.“»
[27] بوتون باشچیلار اِرِمیا‌نین یانینا گلئب اوندان سوروشدولار. او دا پادشاهین امر اتدئیی کئمی بوتون بو سؤزلری اونلارا ددی. داها اونا بئر سؤز دِمه‌دئلر، چونکی بو صؤحبتی هچ کس اشئتمه‌مئشدی.
[28] بله‌جه اورشلئمئن اَله کِچئرئلدئیی گونه‌جک، اِرِمیا کشئکچئلر حیطئنده قالیردی.