[1] یهودا پادشاهی یوشئیا اوغلو یِهویاقئمئن پادشاهلیغینین دؤردونجو ائلئنده ربدن اِرِمیایا بو سؤز نازئل اولدو:
[2] «بئر طومار گؤتور، یوشئیانین دؤورونده سنئنله ائلک دفه دانیشدیغیم گوندن ائندئیه قدر ائسرایئل، یهودا و باشقا بوتون مئلّتلر حاقّیندا سنه دِدئیئم بوتون سؤزلری اورایا یاز.
[3] بلکه یهودا خالقی، باشلارینا گتئره‌جَیئم بوتون فلاکتلر باره‌سئنده اشئدنده، اؤز پئس یوللاریندان دؤنَرلر، من ده اونلارین تقصئرلرئنی و گوناهلارینی باغیشلایارام.»
[4] او زامان اِرِمیا نِرئیا اوغلو باروکو چاغیردی. باروک دا ربّئن اِرِمیایا ددئیی بوتون سؤزلری اونون دئلئندن اشئدئب طومارا یازدی.
[5] سونرا اِرِمیا باروکا امر ادئب ددی: «من محبوسام، ربّئن معبدئنه گده بئلمه‌رم.
[6] سن اوروج گونو ربّئن معبدئنه گت. اوراداکی خالقا ربّئن سؤزلرئنی کی، منئم دئلئمدن اشئدئب طومارا یازدین، اوخو. یهودا شهرلرئندن گلن بوتون خالقا بونو اوخو.
[7] بلکه اوندا یالواریشلا ربّه گلئب اؤز پئس یوللاریندان دؤنَرلر. چونکی ربّئن بو خالق باره‌ده اعلان اتدئیی قضب و حئدّت بؤیوکدور.»
[8] نِرئیا اوغلو باروک اِرِمیا پیغمبرئن امر اتدئیی هر شیه عمل اتدی؛ ربّئن معبدئنده طوماردا یازیلمیش ربّئن سؤزلرئنی اوخودو.
[9] یهودا پادشاهی یوشئیا اوغلو یِهویاقئمئن پادشاهلیغینین بِشئنجی ائلئنئن دوقّوزونجو آییندا، اورشلئمده یاشایان و یهودا شهرلرئندن اورشلئمه گلن بوتون خالقا ربّئن حوضوروندا اوروج اعلان اولوندو.
[10] شافان اوغلو مئرزه گِمَریانین یوخاری حَیَطده، معبدئن تزه دروازاسینین گئرئشئنده‌کی اوتاغیندا، باروک طوماردان اِرِمیا‌نین سؤزلرئنی ربّئن معبدئنه ییغیشمیش بوتون خالقا اوخودو.
[11] شافان اوغلو گِمَریا اوغلو مئکایا طوماردان اوخونان ربّئن سؤزلرئنی اشئدن واخت،
[12] آشاغی اِنئب سارایداکی مئرزه اوتاغینا گتدی. بوتون باشچیلار اورادا اوتورموشدولار: مئرزه اِلئشاماع، شِمَعیا اوغلو دِلایا، عَکبور اوغلو اِلناتان، شافان اوغلو گِمَریا، خَنَنیا اوغلو صئدقئیا و باشقالاری.
[13] مئکایا باروکون خالقا اوخودوغو طوماردان هر شیی اونلارا دانیشدی.
[14] بوندان سونرا بوتون باشچیلار کوشی اوغلو شِلِمیا اوغلو نِتَنیا اوغلو یِهودئنی باروکون یانینا گؤندَردئلر کی، باروکا دسئن: «خالقا اوخودوغون طوماری گؤتور و گل.» نِرئیا اوغلو باروک اَلئنده طومار اونلارین یانینا گتدی.
[15] باشچیلار اونا ددئلر: «بویور اَیلَش، بونو بئزه ده اوخو.» باروک دا طوماری اونلارا اوخودو.
[16] اونلار بوتون بو سؤزلری اشئدنده، قورخو ائچئنده بئربئرلرئنه باخیب باروکا ددئلر: «بوتون بو سؤزلری قطعن پادشاها بئلدئرمه‌لی‌یئک.»
[17] سونرا باروکدان سوروشدولار: «ائندی بئزه دِه، بوتون بو سؤزلری نجه یازدین؟ اِرِمیا اونو دئکته اتدی؟»
[18] باروک اونلارا ددی: «بوتون بو سؤزلری اِرِمیا منه دئکته اتدی، من ده مورکّبله طومارا یازدیم.»
[19] باشچیلار باروکا ددئلر: «هم سن، هم ده اِرِمیا گدئن، گئزله‌نئن. هارادا اولدوغونوزو هچ کس بئلمه‌سئن.»
[20] سونرا اونلار طوماری مئرزه اِلئشاماعین اوتاغیندا قویوب حیطده پادشاهین یانینا گتدئلر. اشئتدئکلری هر شیی اونا خبر وردئلر.
[21] پادشاه یِهودئنی گؤندَ‌ردی کی، گدئب طوماری گتئرسئن. یِهودی طوماری مئرزه اِلئشاماعین اوتاغیندان گؤتوروب گتئردی. اونو پادشاها و پادشاهین یانیندا دوران بوتون باشچیلارا اوخودو.
[22] بو زامان دوقّوزونجو آی ائدی و پادشاه قیش ساراییندا یاشاییردی. اونون قاباغیندا اودلو مانقال یانیردی.
[23] یِهودی طوماردان حله اوچ-دؤرد سوتون اوخوموشدو کی، پادشاه مئرزه بیچاغی ائله اونلاری کَسئب مانقالداکی اودا آتدی. بونو او قدر اتدی کی، بوتون طومار مانقالدا یانیب-قورتاردی.
[24] طومارداکی بوتون سؤزلری اشئدن پادشاه و اونون اعیانلاری نه قورخویا دوشدولر، نه ده پالتارلارینی جیردیلار.
[25] گرچی اِلناتان، دِلایا و گِمَریا پادشاها یالواردیلار کی، طوماری یاندیرماسین. آمّا پادشاه اونلارا قولاق آسمادی.
[26] عکسئنه، او، شاهزاده یِرَخمِه‌‌اِله، عَزری‌اِل اوغلو سِرایایا و عَبدی‌اِل اوغلو شَلَمیایا امر اتدی کی، مئرزه باروکو و اِرِمیا پیغمبری توتسونلار. لاکئن رب اونلاری گئزلَتمئشدی.
[27] او واخت کی، پادشاه باروکون اِرِمیا‌نین دئلئندن اشئدئب یازدیغی طوماری یاندیرمیشدی، رَبدن اِرِمیایا بو سؤز نازئل اولدو:
[28] «آیری بئر طومار گؤتور، بوتون اوّلکی طوماردا اولان سؤزلری کی، یهودا پادشاهی یِهویاقئم اونو یاندیردی، اورایا یاز.
[29] یهودا پادشاهی یِهویاقئمه ده دِه: رب بله دیئر: ”سن او طوماری یاندیریب ددئن: نه اوچون بو طوماردا یازدین کی، بابئل پادشاهی قطعن گلئب بو اؤلکه‌نی خارابالیغا چِوئره‌جک، اوراداکی ائنسانلاری و حیوانلاری محو اده‌جک؟“
[30] بونا گؤره ده یهودا پادشاهی یِهویاقئم باره‌ده رب بله دیئر: ”اونون نسلئندن هچ کس داوودون تختئنده اوتورمایاجاق؛ جسدی گوندوزون ائستئسئنه، گجه‌نئن آیازینا آتیلاجاق.
[31] اؤزونو، نسلئنی و اعیانلارینی تقصئرلرئندن اؤتری جزالاندیرجاغام؛ اعلان اتدئیئم بوتون فلاکتلری اونلارین، اورشلئمده یاشایانلارین و یهودا آداملارینین باشینا گتئره‌جیم، چونکی قولاق آسماییبلار.“»
[32] اِرِمیا باشقا بئر طومار گؤتوروب نِرئیا اوغلو مئرزه باروکا وردی. یهودا پادشاهی یِهویاقئمئن اودا آتیب یاندیردیغی طومارداکی بوتون سؤزلری، باروک اِرِمیا‌نین دئکته‌سی ائله طومارا یازدی. او سؤزلره بَنزه‌ر بئر چوخ سؤز ده اورایا علاوه اولوندو.