[1] بابئل پادشاهی نِبوکَدنِصّر یهودا پادشاهی یِهویاقئم اوغلو یِهویاکئنی، یهودا باشچیلارینی، اوستالاری و صَنَتکارلاری اورشلئمدن اسئر ادئب بابئله آپاراندان سونرا، رب منه ائکی سبد انجئر گؤرستدی کی، اؤز معبدی قاباغیندا قویولموشدو.
[2] بئر سبدده ائلک محصولا اوخشایان چوخ یاخشی انجئرلر، او بئری سبدده ده یاوا انجئرلر وار ائدی، او قدر یاوا کی، اونلاری یمک اولمازدی.
[3] او واخت رب مندن سوروشدو: «نه گؤرورسن، اِرِمیا؟» جاواب وردئم: «انجئر. یاخشی انجئرلر چوخ یاخشی‌دیرلار، آمّا پئس انجئرلر او قدر پئسدئرلر کی، اونلاری یمک اولماز.»
[4] او واخت ربّئن بو سؤزو منه نازئل اولدو:
[5] «ائسرایئلئن تاریسی رب بله دیئر: ”بورادان کَلدانی اؤلکه‌سئنه اسئرلئیه گؤندَردئیئم یهودا اسئرلرئنی بو یاخشی انجئرلر کئمی یاخشی حساب ادئرم.
[6] گؤزلرئم اونلارین اوستونده اولاجاق کی، یاخشی یاشاسینلار. و اونلاری گئنه بو اؤلکه‌یه قایتاراجاغام. اونلاری دئرچَلده‌جیم، ییخمایاجاغام؛ اونلاری اَکه‌جیم، چیخارتمایاجاغام.
[7] اونلارا اِله اورَک وره‌جیم کی، منی تانی‌ییب منئم رب اولدوغومو بئلسئنلر. اونلار منئم خالقیم، من ده اونلارین تاریسی اولاجاغام، چونکی اونلار بوتون قلبلری ائله منه اوز توتاجاقلار.“
[8] رب بله دیئر: ”آمّا یهودا پادشاهی صئدقئیانی، اونون باشچیلارینی، اورشلئمدن سالامات قالانلاری، ائستر بو اؤلکه‌ده قالسینلار، ائستر مئصئرده یاشاسینلار، یاوا و یِمه‌یی مومکون اولمایان انجئر کئمی اده‌جیم.
[9] اونلاری یِر اوزونون بوتون اؤلکه‌لرئنئن گؤزونده پئس و دهشتلی بئر حالا سالاجاغام. اونلاری اسئر آتدیغیم هر یرده، اونلار روسوای اولوب هامینین آغزیندا مَثَل اولاجاقلار، هامی اونلاری اَله سالیب اونلارا لعنت اده‌جک.
[10] اونلارین اوستونه قیلینج، آجلیق و وبا گؤندَ‌ره‌جیم، اِله کی، اونلاری اونلارا و آتالارینا وردئیئم تورپاقدان بوسبوتون سئلئب محو اتسئن.“»