[1] رب بویورور: «او زامان من بوتون ائسرایئل قبئله‌لرئنئن تاریسی اولاجاغام، اونلار دا منئم خالقیم اولاجاقلار.»
[2] رب بله دیئر: «قیلینجدان قاچیب قورتولان خالق چؤلده لوطف تاپاجاق؛ من ائسرایئله دئنجلئک ورمه‌یه گله‌جیم.»
[3] رب کچمئشده بئزه گؤرونوب ددی: «سنی ابدی بئر محبّتله سِومئشم، سِوگی ائله سنی اؤزومه طرف چکمئشم.
[4] سنی تزه‌دن بئنا اده‌جیم، سن ده تزه‌دن بئنا اولوناجاقسان، ای باکئره قیز ائسرایئل! سن گئنه دفلر اَله آلیب شادلیق ادنلرله بئرلئکده اوینایاجاقسان.
[5] گئنه ده سامئره داغلاریندا اوزوم باغلاری سالاجاقسان، باغ سالانلار اَکه‌جکلر، اونون میوه‌لرئندن یئیه‌جکلر.
[6] بئر گون گله‌جک کی، اِفرایئمئن داغلیق بؤلگه‌سئنده کشئکچئلر قیشقیراجاق: ”قالخین صحیونا، گلئن، تاریمیز ربّئن یانینا چیخاق.“»
[7] بودور ربّئن ددئیی: «یعقوب اوچون شادلیقلا ترنّوم ادئن، مئلّتلرئن باشچیسی اوچون سَس قالدیرین! قویون حمدلرئنئز اِشئدئلسئن، دیئن: ”یارب، خالقینی، ائسرایئلدن صاغ قالانلاری خئلاص ات!“
[8] باخ، من اونلاری شئمال اؤلکه‌سئندن قایتاراجاغام، دونیانین اوزاق یِرلرئندن بئر یِره ییغاجاغام. آرالاریندا کور، توپال، حامئله و دوغان آرواد دا اولاجاق؛ بؤیوک بئر جاماعات بورایا قاییداجاق.
[9] اونلار آغلایا-آغلایا گله‌جکلر، اونلاری من گری گتئره‌رَک، اونلار دوعا اده‌جکلر. اونلاری آخار سولار بویونجا، بودره‌میه‌جکلری دوز یوللا آپاراجاغام. چونکی من ائسرایئلئن آتاسی‌یام، اِفرایئم دا ائلک اوغلومدور.
[10] ای مئلّتلر، ربّئن سؤزونو اِشئدئن، اوزاقلارداکی ساحئللرده اعلان ادئب دیئن: ”ائسرایئلی سَپه‌له‌ین، اونو بئر یِره ییغاجاق، سوروسونو قورویان چوبان کئمی اونو قورویاجاق.“
[11] چونکی رب یعقوبو خئلاص ادئب! اونو، اوندان گوجلو اولانین اَلئندن قورتاراجاق.
[12] اونلار صحیونون اوجا تپه‌سئنه گلئب شادلیقدان هارای چکه‌جکلر؛ ربّئن وردئیی بول نعمتلردن - تاخیلدان، تزه شرابدان، زیتون یاغیندان، قویون-کچی بالالاریندان، مال-حیوان بالالاریندان شادلیق اده‌جکلر. جانلاری سولانمیش باغچا کئمی اولاجاق، بئر داها قوصّه‌لی اولمایاجاقلار.
[13] او زامان باکئره قیزلار، جاوان و قوجا کئشئلر بئرلئکده اویناییب سِوئنه‌جکلر، من اونلارین یاسینی شادلیغا چِوئره‌جیم؛ قوصّه یرئنه اونلارا تسلّی ورئب اونلاری سِوئندئره‌جیم.
[14] کاهئنلری بول یمکله دویدوراجاغام، خالقیم یاخشیلیقلاریملا دویاجاق.» رب بویورور.
[15] رب بله دیئر: «رامادا بئر سَس، یاس و آجی آغلاشما سَسی اِشئدئلئر. راحئل اوشاقلاری اوچون آغلاییر، تسلّی تاپماق دا ائسته‌مئر. چونکی اونلار داها یوخدور.»
[16] رب بله دیئر: «سَسئنی آغلاماقدان، گؤزلرئنی یاش تؤکمکدن قورو، چونکی چکدئیئن زحمتئن عوضی ورئله‌جک، اونلار دوشمن اؤلکه‌سئندن قاییداجاقلار.» رب بویورور.
[17] «گله‌جیئن اوچون اومئد وار، اؤولادلارین اؤز یوردلارینا دؤنه‌جکلر.» رب بویورور.
[18] بلی، من اِفرایئمئن ناله‌لرئنی اشئتمئشم: «سن منی اویرَدئلمه‌مئش دانا کئمی تَنبه اتدئن، من ده تَربئیه آلدیم. منی گری قایتار، من ده قاییداجاغام، چونکی تاریم رب سنسن.
[19] من یولومدان آزاندان سونرا تؤوبه اتدئم، عاغلیم باشیما گلنده سئنَمه دؤیدوم. جاوانلیغیمدا اتدئیئم عاییب ائشلردن اوتاندیم، روسوای اولدوم.
[20] مگر اِفرایئم عزئز اوغلوم دیئل؟ مگر منئم راضی اولدوغوم اؤولاد دیئل؟ هر دفه ضئدّئنه دانیشاندا، گئنه اونو یادیما سالیرام. اوره‌یئم اونون اوچون سیزلاییر؛ اونا حدسئز رحمئم گلئر.» رب بویورور.
[21] «یول علامتلری قوی، یول گؤرسه‌دن لؤوحه‌لر دوزَلت. بؤیوک یولا، گتدئیئن یولا فئکئر ور. گری دؤن، ای باکئره قیز ائسرایئل، اؤز شهرلرئنه قاییت!
[22] نه واختا قدر سرگردان گَزه‌جکسن، ای وفاسیز قیز؟ رب دونیادا تزه بئر شی یاراداجاق؛ آرواد کئشئنی قورویاجاق.»
[23] ائسرایئلئن تاریسی اولان قوشونلار ربّی بله دیئر: «من اونلارین اسئر اولونموشلارینی گری قایتاراندا، یهودا تورپاغیندا و اونون شهرلرئنده گئنه بله دئیه‌جکلر: ”ای عدالت یوردو، ای موقدّس داغ، رب سنه برکت ورسئن!“
[24] خالق-اَکئنچئلر، سورولری ائله گَزَن چوبانلار یهودادا و اونون بوتون شهرلرئنده بئرلئکده یاشایاجاقلار.
[25] چونکی من یورغون آدامین جانینی تزه‌لَندئره‌جیم، طاقتسئز آدامی دویدوراجاغام.»
[26] بو زامان اویانیب باخدیم، یوخوم شئرئن اولموشدو.
[27] رب بویورور: «باخ، او گونلر گلئر کی، من ائسرایئل و یهودا تورپاقلاریندا ائنسان توخومو و حیوان توخومو اَکه‌جیم.
[28] کؤکوندن چیخاردیب یوخ ادنده، ییخیب-داغیداندا و بلا گتئرنده اونلارا نجه نظارت اتدئم، دئرچَلدئب یِرلَشدئرنده ده اِله‌جه نظارت اده‌جیم.» رب بویورور.
[29] «او واخت آداملار داها دمیه‌جکلر: ”آتالار کال اوزوم یدئلر، اوغوللارین دئشلری قاماشیر.“
[30] هر کس اؤز تقصئرئنه گؤره اؤله‌جک؛ کال اوزوم یئیه‌نئن اؤز دئشلری قاماشاجاق.»
[31] رب بویورور: «باخ، او واخت گلئر کی، ائسرایئل و یهودا خالقی ائله تزه بئر عهد باغلایاجاغام.
[32] بو عهد آتالاری ائله باغلادیغیم عهده بنزه‌میه‌جک، او گون کی، اونلارین اَللرئندن توتوب مئصئر تورپاغیندان چیخارتدیم. چونکی اونلارین اَری اولدوغوم حالدا، اونلار منئم عهدئمی پوزدولار.» رب بویورور.
[33] «او گونلردن سونرا ائسرایئل خالقی ائله باغلایاجاغیم عهد بله‌دئر: قانونومو اونلارین فئکئرلرئنه قویوب اورَکلرئنه یازاجاغام. من اونلارین تاریسی، اونلار دا منئم خالقیم اولاجاقلار.» رب بویورور.
[34] «بوندان سونرا بئر کس اؤز قونشوسونو و یا قارداشینی بئر داها اؤیرَتمه‌یئب دمیه‌جک: ”ربّی تانی!“ چونکی هامی، بؤیوکدن کئچئیه قدر، منی تانییاجاق. چونکی من اونلارین تقصئرلرئنی باغیشلایاجاغام، گوناهلارینی بئر داها یادا سالمایاجاغام.» رب بویورور.
[35] «گوندوز ائشیق اولسون» دیئب گونشی چیخاردان، «گجه ائشیق اولسون» دیئب آیا و اولدوزلارا قایدالار قویان، «شپه‌لر کوکره‌سئن» دیئب دهنزی قاباردان رب - آدی قوشونلار ربّی اولان بله دیئر:
[36] «اگر قویولان بو قایدا-قانونلار قاباغیمدان گؤتورولر، اوندا ائسرایئل نسلی ده ابدئلئک بئر مئلّت اولماقدان چیخار.» رب بویورور.
[37] رب بله دیئر: «اگر یوخاریدا گؤیلر اؤلچوله بئلسه، آشاغیدا یِرئن بونؤوره‌لری اوزه چیخاردیلا بئلسه، من ده اوندا بوتون ائسرایئل نسلئنی، بوتون اتدئکلری ائشلردن اؤتری ردّ اده‌رم.» رب بویورور.
[38] رب بویورور: «باخ، او گونلر گلئر کی، خَنه‌نِل بورجوندن کونج دروازاسینا قدر، شهر منئم اوچون تزه‌دن تئکئله‌جک.
[39] اورادان دا اؤلچو ائپی گارِب تپه‌سئنه طرف موستقئم اوزانیب گوعاتا دؤنه‌جک.
[40] اؤلولرئن و کول‌لرئن آتیلدیغی بوتون دره، قئدرون دره‌سئنه قدر اوزانان زَمئلر، شرقده آت دروازاسینین کونجونه‌جک رب اوچون موقدّس اولاجاق. شهر بئر داها کؤکوندن چیخاردیلمایاجاق، هچ واخت داغیدیلمایاجاق.»