[1] او زامان کی، بابئل پادشاهی نِبوکَدنِصّرله اونون بوتون قوشونو، حاکئمئیّتی آلتینداکی بوتون پادشاهلیقلارلا خالقلار، اورشلئم و اونون اطرافینداکی شهرلرله دؤیوشوردولر، ربدن اِرِمیایا بو سؤز نازئل اولدو:
[2] «ائسرایئلئن تاریسی رب بله دیئر: یهودا پادشاهی صئدقئیانین یانینا گت و اونا ده: رب بله دیئر: ”باخ، بو شهری بابئل پادشاهینا تسلئم اده‌جیم و او، بورایا اود ووراجاق.
[3] سن اونون اَلئندن قاچیب قورتولمایاجاقسان، قطعن توتولوب اونا تسلئم ادئله‌جکسن. بابئل پادشاهینی اؤز گؤزونله گؤره‌جکسن، او سنئنله اوزبه اوز دانیشاجاق. سونرا بابئله آپاریلاجاقسان.“
[4] آنجاق، ای یهودا پادشاهی صئدقئیا، ربّئن وعده‌سئنه قولاق آس. رب سنئن حاقّیندا بله دیئر: ”سن قیلینجلا اؤلدورولمَیه‌جکسن؛
[5] اَمئن-آمانلیقدا اؤله‌جکسن. سندن قاباق پادشاه اولان آتالارینین شرفئنه عطرئیّات یاندیردیقلاری کئمی، سنئن ده شرفئنه عطرئیّات یاندیریب آه، آغامیز دئیه‌رَک یاس توتاجاقلار. من اؤزوم بو سؤزو ورئرم،“ رب بویورور.»
[6] اِرِمیا پیغمبر بوتون بو سؤزلری اورشلئمده یهودا پادشاهی صئدقئیایا ددی.
[7] همئن واخت بابئل پادشاهینین قوشونو اورشلئمه و یهودانین حله اَله کچئرئلمه‌مئش شهرلرئنه کی، لاکئش و عَزِقا اولسون، هوجوم ادئردی. یهودانین قالالی شهرلرئندن فقط بونلار قالمیشدی.
[8] او واخت کی، صئدقئیا پادشاه اورشلئمده‌کی بوتون خالقلا عهد باغلاییب قوللارین آزادلیغینی اعلان اتمئشدی، ربدن اِرِمیایا سؤز نازئل اولدو.
[9] بو عهده گؤره هر کس عئبرانی خالقیندان اولان کئشی و آرواد قوللارینی آزاد اتمه‌لی ائدی؛ هچ کس یهودی هموطنئنی یانیندا قول کئمی ساخلامایاجاق ائدی.
[10] بئربئرلری ائله بله عهد باغلایان بوتون باشچیلار و خالق قبول اتدئلر کی، اؤز کئشی و آرواد قوللارینی آزاد اتسئنلر و بئر داها هچ کسی اؤزلرئنه قول اتمه‌سئنلر. اونلار بو عهدی قبول ادئب قوللارینی آزاد اتدئلر.
[11] آمّا سونرا فئکئرلرئنی دیئشئب آزاد اتدئکلری کئشی و آرواد قوللاری گئنه اؤزلرئنه قول اتدئلر.
[12] بوندان سونرا ربدن اِرِمیایا بو سؤز نازئل اولدو:
[13] «ائسرایئل تاریسی رب بله دیئر: ”من آتالارینیزی مئصئر تورپاغیندان-اسئرلئک اِوئندن چیخارتدیغیم گون اونلارلا عهد باغلاییب ددئم:
[14] یِدّئنئجی ائلده اؤزونو سئزه ساتان هر عئبرانئنی گرک آزاد اده‌سئنئز. سئزه آلتی ائل قوللوق ادندن سونرا، گرک اونو آزاد اده‌سئنئز. آنجاق آتالارینیز سؤزومه قولاق آسماییب اونا اهمئیّت ورمه‌دئلر.
[15] ائندی آمّا سئز تؤوبه ادئب گؤزومده دوغرو اولانی اتدئنئز: هامینیز هموطنلرئنئزئن آزادلیغینی اعلان اتدئنئز. منئم حوضورومدا، منئم آدیملا چاغیریلان معبدده بو باره‌ده عهد باغلادینیز.
[16] آمّا سونرا فئکرئنئزی دیئشئب آدیما حؤرمتسئزلئک اتدئنئز: ائستَکلرئنه گؤره آزاد اتدئیئنئز کئشی و آرواد قوللارینیزی تزه‌دن زورلا قول ادئبسئنئز.“
[17] بونا گؤره ده رب بله دیئر: ”سئز مندن ائطاعت اتمه‌یئبسئنئز؛ اؤز هموطنلرئنئزئن آزادلیغینی اعلان اتمه‌یئبسئنئز. ائندی من ده سئزه آزادلیق اعلان ادئرم؛ قیلینج، وبا و آجلیقدان محو اولماغینیز اوچون آزادلیق اعلان ادئرم. سئزی یِر اوزونون بوتون اؤلکه‌لرئنئن قاباغیندا دهشتلی حالا سالاجاغام.
[18] عهدئمی پوزان، حوضورومدا باغلادیقلاری عهدئن شرطلرئنه عمل اتمه‌ین بو آداملارلا او دانا کئمی رفتار اده‌جیم کی، اونو ائکی شقّه ادئب، شقّه‌لرئن آراسیندان کچئرلر.
[19] دانا شقّه‌لرئنئن آراسیندان کچمئش یهودا و اورشلئم باشچیلارینی، سارای اعیانلارینی، و بوتون اؤلکه خالقینی
[20] اؤز دوشمنلرئنه-جانلارینی آلماق ائسته‌ینلره تسلئم اده‌جیم. جسدلری گؤیده‌کی قوشلارا و یرده‌کی حیوانلارا یِم اولاجاق.
[21] یهودا پادشاهی صئدقئیانی و اونون باشچیلارینی جانلارینی آلماق ائسته‌ین دوشمنلرئنه-بابئل پادشاهینین اوستونوزدن چکئلَن قوشونونا تسلئم اده‌جیم.“
[22] رب بویورور: ”باخ، من امر ادئب کَلدانئلری بو شهره طرف گری قایتاراجاغام. اونلار هوجوم ادئب شهری اَله کچئردئب یاندیراجاقلار. یهودا شهرلرئنی هچ کسئن یاشامادیغی بئر وئرانه‌لئیه چِوئره‌جیم.“»