[1] Жь дара дарщеwийе горигәһа дийарийа т'әвайишәwате чекьр, дьрежайийа wе пенщ зәнд, бәрайийа wе пенщ зәнд әw чар гошә бу, бьльндайийа wе жи се зәнд.
[2] Сәр һәр чар ә'нишкед wе стьру дәрхьстьн, ӧса кӧ стьруйед wе жь wе бун у әw сьфьр кьрьн.
[3] Һ'әму һащәтед горигәһе, аwа готи, т'әбахед wе, мәр'ькед wе, т'әштед wе, гоштгьр у сьнийед wе чекьрьн. Һ'әму һащәт жь сьфьр чекьрьн.
[4] Бона горигәһе һ'әта ниве wе бьне т'оqва жь сьфьр читәкә мина т'ор'е чекьр.
[5] Сәр һәр чар ә'нишкед чита сьфьр, чар хәлаq р'окьрьн кӧ дәсту тер'а бенә дәрбазкьрьне.
[6] Дәсту жь дара дарщеwийе чекьрьн у әw сьфьр кьрьн.
[7] Әw дәсту хәлаqед к'еләка горигәһер'а дәрбаз кьрьн, wәки бь wан бе һьлдане. Горигәһ вала пе т'әхта әw чекьр.
[8] Т'әшта сьфьр у бьнгәһа wейә сьфьр жь wан нәйнькед к'ӧлфәтед кӧ бәр дәре Коне Щьвине хӧламти дькьрьн чекьр.
[9] Һ'әwш жи чекьр. Дьрежайа п'әр'дед жь к'ьтане зьрав-бадайи кӧ дьк'әтьнә алийе башуре һ'әму бь һәвр'а сәд зәнд бу.
[10] Бист стунед wан бист бьнгәһава жь сьфьр бун. Чәнгәлед стуна у шишед wан жь зив бун.
[11] Дьрежайийа п'әр'дед алийе бакӧре һ'әму бь һәвр'а сәд зәнд бу, бист стунед wан бист бьнгәһава жь сьфьр бун. Чәнгәлед стуна у шишед wан жь зив бун.
[12] Дьрежайийа п'әр'дед алийе р'оавайе һ'әму бь һәвр'а пенщи зәнд бу, стунед wан дәһә у бьнгәһед wан жи дәһә бун. Чәнгәлед стуна у шишед wан жь зив бун.
[13] Дьрежайийа п'әр'дед алийе р'оһьлате һ'әму һәвр'а пенщи зәнд бу.
[14] П'әр'дед алики дәри һ'әму бь һәвр'а панздәһ зәнд бу, стунед wан сьсе у бьнгәһед wан жи сьсе бун.
[15] Бона алийе дьне, аwа готи п'әр'дед бәр дәре һ'әwше һьн ви али, һьн жи алийе дьне панздәһ зәнд, стунед wан сьсе у бьнгәһед wан сьсе бун.
[16] Һ'әму п'әр'дед дора һ'әwше жь к'ьтане зьрав-бадайи бун,
[17] бьнгәһед стуна жь сьфьр бун, ле чәнгәле стуна шишед wанва жь зив бун, сәред стуна зивкьри бун. Һ'әму стунед һ'әwше бь шишед зив гьредайи бун.
[18] П'әр'да бәр дәре һ'әwше, жь р'исе шин, ширк, соре гәвәз у жь к'ьтане зьрав-бадайи бь хәбата нәqьшандитийе бу. Дьрежайа wе бист зәнд, бәрайийа п'әр'де пенщ зәнд бу, wәкә п'әр'дед һ'әwше.
[19] Чар стунед wейә сәред wан зивкьри бун, чар бьнгәһед wейә сьфьр бун, чәнгәлед wе у шишед wе жь зив бун.
[20] Сьнгед бона Коне Шә'дәтийе у дора һ'әwше һ'әму жь сьфьр бун.
[21] Әв бун һ'әсабе Коне Шә'дәтийе, чаwа кӧ Муса т'әми дабу, wәки леwи бь сәрwерийа Ит'амаре кӧр'е к'аһин Һарун һ'әсаб кьрьн.
[22] Бьсалеле кӧр'е Урийе Һур, жь qәбила Щьһуда әв һ'әму тьшт кьр, чь кӧ Хӧдан т'әми дабу Муса.
[23] Т'әви wи Оһолиаб кӧр'е Аһисамахе жь qәбила Дан, кӧ һостә, һ'ӧнӧрмәнд у нәqьшандаре бь р'исе шин, ширк, соре гәвәз у к'ьтане зьрав бу.
[24] Һ'әму зер'ед кӧ бона шьхӧле чекьрьна пирозгәһе һатьбу хәбате, аwа готи зер'е кӧ чаwа дийари һатьбу дайине, бист нәһә тәлант у һ'әфсьд си шекьл бу, анәгори шекьле пирозгәһе.
[25] Зивед һ'әсабкьрьна щьвине сәд тәлант у һ'әзар һ'әфсьд һ'әфте пенщ шекьл бу анәгори шекьле пирозгәһе,
[26] сәре һәр мәрьве бист сали у жор кӧ дьһатә жьмаре нив шекьл бу, аwа готи шәсьд се һ'әзар пенсьд пенщи мәрьв.
[27] Бона р'окьрьна бьнгәһа пирозгәһе у бьнгәһа п'әр'да, сәд тәлант зив чу у бь wи сәд бьнгәһ һатьнә чекьрьне, тәлантәк бона һәр бьнгәһе.
[28] Бь һ'әзар һ'әфсьд һ'әфтепенщ шекьл зив чәнгәл у шишед стуна чекьрьн, сәре стуна зив кьрьн.
[29] Сьфьре кӧ чаwа дийари һатьбу дайине, һ'әфте тәлант у дӧ һ'әзар чарсьд шекьл бу.
[30] Бь wи бьнгәһед бәр дәре Коне Щьвине, горигәһа сьфьр чита wейә сьфьр у һ'әму һащәтед горигәһе,
[31] бьнгәһед дора һ'әwше, бьнгәһед бәр дәре һ'әwше, һ'әму сьнгед Коне Шә'дәтийе у һ'әму сьнгед дора һ'әwше чекьрьн.