[1] Горигәһа бона бьхур шәwьтандьне жь дара дарщеwийе чеки.
[2] Дьрежайийа wе зәндәк, бәрайийа wе зәндәк, бьра әw чар гошә бә, бьльндайийа wе дӧ зәнд бә, стьруйед wе жь wе бьн.
[3] Жора wе, дора wе у стьруйед wе бь зер'е хальс зер' ки у дора лева wе т'оqәки зер'ин бавежейи.
[4] Дӧ хәлаqед зер'ин бона wе чеки. Wана бавежи һәр дӧ алийа бьне т'оqва һәр дӧ к'еләкава, wәки гава wе һьлдьн щи һәбьн кӧ дәстуйа тер'а дәрбаз кьн.
[5] Дәстуйа жь дара дарщеwийе чеки у wан зер' ки.
[6] Wе дайни ль бәр wе п'әр'да кӧ бәр Сьндоqа Шә'дәтийе йә, пешбәри qалп'ахе бахшандьнейи сәр Шә'дәтийе, wе дәра кӧ әзе р'асти тә бем.
[7] У бьра Һарун ль сәр wе бьхура бинхwәш агьршәwати кә. Һәр сәре сьбәһе гава ч'ьра саз кә бьхуре агьршәwати кә.
[8] Гава Һарун бәре еваре ч'ьра вехә у дайнә сәр шәмдане, бьра бьхуре агьршәwати кә, wәки ль нава ньсьлед wәда һәр т'ьм ль бәр Хӧдан бьхур һәбә.
[9] Ль сәр wе, бьхура башqә, йан дийарийа т'әвайишәwате, йан дийарийа нанийә дьн нәдьн, нә жи дийарийа сәрдакьрьне сәр wеда кьн.
[10] Һарун сале щарәке ль сәр стьруйед горигәһе гӧнәк'әwандьне бькә. Пе хуна qӧрбана бона гӧнәк'әwандьне, сале щарәке ль сәр wе гӧнәк'әwандьне бькә. Бьра әв йәк нава ньсьлед wәда бенә кьрьне. Горигәһ йа һәрә пироз ә бона Хӧдан».
[11] Хӧдан т'әви Муса хәбәр да у готе:
[12] «Гава тӧ зар'ед Исраел бьжмьри у һ'әсабе wан заньби, бьра һьнге һәр йәк жь бәр нәфса хwәва һәq бьдә Хӧдан, wәки бәла нәйе сәре wан чахе кӧ тӧ wан бьжмьри.
[13] Әв ә кӧ гәрәке әwана бьдьн, к'ижане кӧ дәрбаз дьбә те жьмаре, анәгори шекьле пирозгәһе кӧft бист гер ә, нив шекьл зив бьра бьдә. Әва нив шекьле дийарийа Хӧдан ә.
[14] Һәр кәсе бист сали у жор кӧ дәрбаз бә бе жьмаре, бьра ве дийарийе бьдә Хӧдан.
[15] Гава һун бәр нәфса хwәва бона гӧнәк'әwандьне дийарийе бьдьнә Хӧдан, бьра нә йе дәwләти жь нив шекьли зедәтьр бьдә у нә жи йе к'әсиб кем бьдә.
[16] Зиве гӧнәк'әwандьне жь зар'ед Исраел һьлди у бьди бона хьзмәтк'арийа Коне Щьвине. Әве ль бәр Хӧдан бьбә биранина зар'ед Исраел, бона гӧнәк'әwандьна нәфсед wан.
[17] Хӧдан т'әв Муса хәбәрда у готе:
[18] «Ӧса жи жь сьфьр т'әштәке бона ава шуштьн-вәшуштьне чеки. Бьра бьнгәһа wе жи жь сьфьр бә, wе дайни ль навбәра Коне Щьвине у горигәһе, аве дагьри.
[19] Бьра Һарун у кӧр'ед хwәва дәст у п'ийед хwә жь wе бьшон.
[20] Гава әw бьк'әвьнә Коне Щьвине йан бона хьзмәтк'арийе незики горигәһе бьн, аwа готи дийарийа шәwате бьдьнә Хӧдан, бьра пе аве хwә бьшон кӧ нәмьрьн.
[21] Бь ви аwайи дәст у п'ийед хwә бьра бьшон wәки нәмьрьн. Бьра әв йәка бона wан бьбә qануна һ'әта-һ'әтайе, һьн бона wи, һьн жи бона зӧр'әта wи ль нав һ'әму ньсьлед wанда».
[22] Хӧдан т'әви Муса хәбәр да у готе:
[23] «Ле тӧ хwәр'а бьһарәтед һәрә р'ьнд һьлди,ft пенсьд шекьл зьмьре ну, qаси ниве wи, аwа готиft дӧсьд пенщи шекьл дарчина бинхwәш уft дӧсьд пенщи шекьл жи qамише бинхwәш,
[24] ft дӧсьд пенщи шекьл касийа анәгори шекьле пирозгәһе уft һинәк р'уне зәйт'уне.
[25] Жь ван бь пьспорти т'әвдайи р'унәки р'ункьрьнейи пироз чеки, әw бьбә р'уне р'ункьрьнейи пироз.
[26] Бь wи ван тьшта р'ун ки: Коне Щьвине, Сьндоqа Шә'дәтийе,
[27] т'әхт һ'әму дәрданед wева, шәмдан һащәтава, горигәһа бьхуре,
[28] горигәһа т'әвайишәwате һ'әму һащәтед wе, т'әшт у бьнгәһа wе.
[29] Wан пироз ки, кӧ бьбьнә йед һәрә пироз. Чь кӧ wан к'әвә wе пироз бә.
[30] Һарун у кӧр'ед wи р'ун ки у wан бӧһӧрти-жьбарә ки, wәки мьнр'а к'аһинтийе бькьн.
[31] Т'әви зар'ед Исраел хәбәрди у бежи: ‹Әве ль нава ньсьлед wәда мьнр'а бьбә р'уне пирози бона р'ункьрьне.
[32] Әw гәрәке ль сәр бәдәна һәр мәрьвида нәйе р'етьне у нә жи мина щур'е wе бе т'әвдайин, әв пироз ә, бьра wәр'а жи пироз бә.
[33] К'е кӧ бь щур'е wе т'әвдайнә, йан жи wе ль сәр нәк'аһинәкида кә, wе жь нава щьмә'та хwәда бе р'аqәтандьне›».
[34] Хӧдан готә Муса: «Хwәр'а бьһарәтед бинхwәш һьлди, аwа готи ширеза даре, qахькед бә'ре, тузька мәлһ'әме у бьхура ә'рәбийә хальс, бьра к'аше һ'әмуйа йәк бә.
[35] Вана бь пьспорти т'әвдайи бьхурәкә ледайийә хальс у пироз чеки.
[36] Жь ве һьнәки һьлди һур-һур бьк'ӧти у ль бәр Шә'дәтийе, Коне Щьвинеда дайни, wе дәра кӧ әзе р'асти тә бем. Әв бьхуре бона wә йа һәрә пироз бә.
[37] Әw бьхура кӧ те анәгори т'әвдайина wе чеки, мина wе хwәр'а ченәкьн, бьра әw бона тә пироз бә ль бәр Хӧдан.
[38] К'е кӧ бона бинһьлдане анәгори wе хwәр'а т'әвдайнә чекә, әw жь нав щьмә'та хwә бе р'аqәтандьне».