[1] Matigi kumana Musa fɛ ko:
[2] «I ka na ni Aron ni a denkɛw ye ani u ka finiw ni munli tulu ani jurumu yafa saraka ntura ni sagajigi fila, ka buuru fununbali fana ta cɛrɛ kɔnɔ.
[3] I ka jama bɛɛ lajɛɲɔgɔn fɛɲɔgɔn kunbɛn finiso da la.»
[4] Matigi ye min fɔ Musa ye, a ye o kɛ. Jama bɛɛ lajɛraɲɔgɔn kunbɛn finiso da la.
[5] Musa y'a fɔ jama ye ko: «Matigi ka ci fɔlen filɛ nin ye.»
[6] Musa ye Aron ni a denkɛw madon ka u ko ji la.
[7] A ye turuti don Aron kan na ka a cɛ siri ni o cɛ sirilan ye ka forokiya don a kan na. A ye efɔd kɛ a kan na ka a cɛ siri ni efɔd cɛ sirilan ye. A ye efɔd siri Aron na ni a cɛ sirilan ye.
[8] A ye disila fɛn don Aron kan na ka urim ni tumim don disila fɛn na.
[9] A ye jalamugu meleke a kun na ka sanu falafala siri jalamuguɲɛfɛla la, o ye jala senuma ye, i ko Matigi y'a fɔ Musa ye cogo min na.
[10] Musa ye munli tulu ta ka finiso ni a kɔnɔ fɛnw bɛɛ mun ka u saniya.
[11] A ye a dɔ seriseri saraka bɔlan kan siɲɛ wolonwula ka saraka bɔlan ni a minanw ni koli faa ni a jusigilan mun ka u saniya.
[12] A ye munli tulu dɔ kɛ Aron kun na ka a mun a saniyali kama.
[13] Musa ye Aron denkɛw fana madon. A ye turutiw don u kan na ka u cɛ siri ni cɛ sirilanw ye ka jalamuguw meleke u kun na, i ko Matigi y'a fɔ Musa ye cogo min na.
[14] O kɔ, Musa nana ni jurumu yafa saraka ntura ye. Aron ni a denkɛw ye u bolow da jurumu yafa saraka ntura kunkolo kan.
[15] Musa ye o kan tigɛ ka a joli ta ka a dɔ kɛ saraka bɔlan biɲɛkolow fan bɛɛ kan ni a bolonkɔni ye ka saraka bɔlan jɛya. O kɔ, a ye o joli seriseri saraka bɔlan ju kɛrɛ la k'a saniya, walisa a ka jurumu kafari o ye.
[16] Musa ye ntura nugula kɛn bɛɛ ni a biɲɛ ani a kɔla kuru fila ni u kɛn ta ka o jeni saraka bɔlan kan.
[17] Nka a ye ntura sogo tɔ tolen ni a wolo ni a sogo ani a bo jeni ni tasuma ye bugufyɛ kɔ fɛ, i ko Matigi y'a fɔ Musa ye cogo min na.
[18] O kɔ, a nana ni saraka jenita sagajigi ye. Aron ni a denkɛw ye u bolow da sagajigi kunkolo kan.
[19] Musa ye o kan tigɛ ka a joli seriseri saraka bɔlan fan bɛɛ kan.
[20] Musa ye sagajigi waraka ka a kunkolo ni a sogo warakalen ni a kɛn jeni.
[21] A ye a kɔnɔ fɛnw ni a senw ko ji la. O kɔ, Musa ye sagajigi bɛɛ jeni saraka bɔlan kan. O ye saraka jenita ye, o suma ka di. Tasuma la saraka don Matigi ye, i ko Matigi y'a fɔ Musa ye cogo min na.
[22] O kɔ, a nana ni sagajigi tɔ kelen ye, o ye Aron ni a denkɛw sigili sagajigi ye. Aron ni a denkɛw ye u bolow da o sagajigi kunkolo kan.
[23] Musa ye sagajigi kan tigɛ ka a joli dɔ ta k'a kɛ Aron kininfɛ tulo nunkun kan ani a kininfɛ bolonkɔni kunba kan ani a kininfɛ sennkɔni kunba kan.
[24] A ye Aron denkɛw madon ka o joli dɔ kɛ u kininfɛ tulo nunkun kan ani u kininfɛ bolonkɔni kunba kan ani u kininfɛ sennkɔni kunba kan. O kɔ, Musa ye o joli seriseri saraka bɔlan fan bɛɛ kan.
[25] A kɛn ni a kukala ni a nugula kɛn bɛɛ ni a biɲɛ ani a kɔla kuru fila ni u kɛn ani a kininfɛ woro, a ye olu bɛɛ ta.
[26] Buuru fununbali cɛrɛ min bilara Matigi ɲɛ kɔrɔ, a ye buuru fununbali kun kelen ni buuru misɛn ta ka tuluma kun kelen ani furufuru kelen bɔ o cɛrɛ kɔnɔ ka u da kɛn ni kininfɛ woro kan.
[27] Musa ye o bɛɛ da Aron ni a denkɛw tɛgɛw kɔnɔ ka u finifana Matigi ɲɛ kɔrɔ ka u kɛ saraka finifanata ye.
[28] O kɔ, Musa ye o fɛnw ta ka bɔ u tɛgɛw kɔnɔ ka olu jeni saraka bɔlan kan saraka jenita kan. O tun ye Aron ni a denkɛw sigili saraka ye, o suma ka di. Tasuma la saraka don Matigi ye.
[29] O kɔ, Musa ye saga disi ta ka a finifana Matigi ɲɛ kɔrɔ k'a kɛ saraka finifanata ye. O kɛra Musa niyɔrɔ ye ka bɔ sarakalasebaaw sigili sagajigi la, i ko Matigi y'a fɔ Musa ye cogo min na.
[30] Musa ye munli tulu dɔ ni saraka bɔlan kan joli dɔ ta ka u seriseri Aron ni a ka finiw kan ani a denkɛw ni u finiw kan. A ye Aron ni a ka finiw ani a denkɛw ni u ka finiw saniyaɲɔgɔn fɛ.
[31] Musa y'a fɔ Aron ni a denkɛw ye ko: «Aw ka o sogo balabalaɲɔgɔn kunbɛn finiso da la ka a ni aw sigili cɛrɛ kɔnɔ buuru dun o yɔrɔ la i ko ne y'a fɔ cogo min na ko Aron ni a denkɛw ka a dun.
[32] Aw ka o sogo ni o buuru tɔ tolen jeni ni tasuma ye.
[33] Aw kana bɔɲɔgɔn kunbɛn finiso da la fo tile wolonwula ka tɛmɛn, fo aw sigili donw ka dafa, katuguni tile wolonwula na kɛ aw sigili la.
[34] Ko min kɛra bi, Matigi ye o bɛɛ fɔ walisa aw ka jurumu kafari.
[35] Aw ka toɲɔgɔn kunbɛn finiso da la ka tile wolonwula ani su wolonwula kɛ ka Matigi ka ko fɔlen timɛ, walisa aw kana na sa, k'a masɔrɔ o ci fɔra ne ye.»
[36] Matigi ye ci minw don Musa da la, Aron ni a denkɛw ye olu bɛɛ kɛ.