[1] Шуннан соњ мин күктә бѳек ћәм искиткеч башка галәмәт билгесен – соњгы җиде бәла-казаны тотып торган җиде фәрештәне күрдем. Ул бәла-казалар соњгылары иде, чѳнки Аллаћыныњ ачуы шулар белән тәмамлана.
[2] Һәм мин ут белән пыяла катнашкан дињгез сыман нәрсәне күрдем. Пыяла дињгез ѳстендә җанварны, аныњ сынын ћәм аныњ исем санын җињеп чыкканнар кулларына Аллаћыныњ арфаларын тотып торалар иде.
[3] Алар Аллаћы колы Мусаныњ җырын ћәм Бәрәннењ җырын җырлыйлар иде: «Чиксез кодрәт Иясе Раббы Аллаћы! Синењ эшләрењ бѳек ћәм искиткеч. Халыкларныњ Патшасы, Синењ юлларыњ гадел ћәм хакыйкый.
[4] Раббы! Синнән кем курыкмас, Исемењне кем данламас? Чѳнки тик бер Син генә изге. Бѳтен халыклар килеп, Синењ алдыњда сәҗдә кылачаклар, Чѳнки Синењ гадел эшләрењ ачылды».
[5] Моннан соњ мин күрдем: менә күктә шаћитлек чатырындагы изге урын ачылды.
[6] Изге урыннан җиде бәла-казасы булган җиде фәрештә чыкты. Алар чиста ћәм ялтырап торган җитен кием кигәннәр ћәм күкрәкләрен алтын пута белән буганнар иде.
[7] Дүрт җан иясенењ берсе җиде фәрештәгә мәњге яшәүче Аллаћыныњ ачуы белән тулы җиде алтын касә бирде.
[8] Изге урын Аллаћы даныннан ћәм кодрәтеннән тѳтен белән тулды, ћәм җиде фәрештәнењ җиде бәла-казасы тәмамланмыйча, анда ћичкем керә алмады.