[1] ມີໝາຍສຳຄັນອັນໃຫຍ່ປາກົດຂຶ້ນໃນສະຫວັນ ຄືຍິງຜູ້ໜຶ່ງ ມີດວງອາທິດປົກຄຸມຕົວເໝືອນນຸ່ງເສື້ອຜ້າ ມີດວງເດືອນຢູ່ໃຕ້ຕີນ ແລະມີດາວສິບສອງດວງເປັນມົງກຸດສວມຢູ່ເທິງຫົວ.
[2] ຍິງນັ້ນມີທ້ອງແລະຮ້ອງຄາງເຈັບປວດຢູ່ ກຳລັງຈະເກີດລູກ.
[3] ມີໝາຍສຳຄັນອີກຢ່າງໜຶ່ງປາກົດໃນສະຫວັນດັ່ງນີ້: ມີພະຍານາກໃຫຍ່ສີແດງໂຕໜຶ່ງ ມີເຈັດຫົວ ສິບເຂົາ ຢູ່ເທິງຫົວນັ້ນມີມົງກຸດເຈັດອັນ.
[4] ຫາງພະຍານາກ ໄດ້ຟາດດວງດາວໃນທ້ອງຟ້າ ໜຶ່ງ^ສ່ວນ^ສາມລົງໃສ່ແຜ່ນດິນ^ໂລກ ແລະພະຍານາກໂຕນັ້ນ ຢືນຢູ່ຕໍ່ໜ້າຜູ້ທີ່ກຳລັງຈະເກີດລູກ ເພື່ອຈະກິນລູກນັ້ນເມື່ອເກີດແລ້ວ.
[5] ແມ່ຍິງນັ້ນ ໄດ້ເກີດລູກຊາຍ ຜູ້ຊຶ່ງຈະປົກຄອງປະຊາຊາດທັງປວງດ້ວຍຄ້ອນເຫລັກ ແລະລູກນັ້ນໄດ້ຖືກຊົງຍົກຂຶ້ນເມືອເຖິງພຣະເຈົ້າ ແລະເຖິງພຣະ^ຣາຊບັນລັງຂອງ^ພຣະອົງ.
[6] ຝ່າຍແມ່ຍິງນັ້ນ ໄດ້ປົບໜີເຂົ້າໄປອາໄສຢູ່ໃນຖິ່ນ^ແຫ້ງແລ້ງ^ກັນດານ ມາຍັງບ່ອນທີ່ພຣະເຈົ້າໄດ້ຈັດຕຽມໄວ້ໃຫ້ນາງ ເພື່ອວ່ານາງຈະໄດ້ຮັບການລ້ຽງດູຢູ່ທີ່ນັ້ນ ໃນລະຫວ່າງພັນສອງຮ້ອຍ^ຫົກສິບວັນ.
[7] ຂະນະນັ້ນ ໄດ້ເກີດສົງຄາມຂຶ້ນໃນຟ້າສະຫວັນ ມີກາເອນແລະຝູງເທວະດາຝ່າຍຕົນ ໄດ້ຕໍ່ສູ້ກັບພະຍານາກ ຝ່າຍພະຍານາກແລະຝູງບໍລິວານຂອງ^ມັນກໍໄດ້ຕໍ່ສູ້ຄືນ,
[8] ແຕ່ພະຍານາກໄດ້ປະລາໄຊ. ສະນັ້ນ ມັນກັບຝູງບໍລິວານຂອງ^ມັນຈຶ່ງບໍ່ມີບ່ອນຢູ່ໃນສະຫວັນອີກຕໍ່ໄປ.
[9] ພະຍານາກໃຫຍ່ ຊຶ່ງເປັນງູແຕ່ດຶກດຳບັນທີ່ເຂົາເອີ້ນວ່າ ມານຮ້າຍ ແລະມານຊາຕານ ຜູ້ຫລອກລວງມະນຸດທັງໂລກ ກໍຖືກຊັດຖິ້ມລົງເສຍ ມັນກັບບໍລິວານຂອງ^ມັນ ກໍຖືກຊັດຖິ້ມລົງເທິງແຜ່ນດິນ^ໂລກ.
[10] ແລ້ວຂ້າພະເຈົ້າໄດ້ຍິນສຽງດັງມາຈາກສະຫວັນວ່າ, “ບັດນີ້ຄວາມ^ລອດພົ້ນ ຣິດເດດ ແລະຣາຊອານາຈັກແຫ່ງພຣະເຈົ້າຂອງ^ເຮົາ^ທັງຫລາຍ ກັບທັງຣິດອຳນາດພຣະຄຣິດຂອງ^ພຣະອົງໄດ້ມາເຖິງແລ້ວ ເພາະວ່າຜູ້ທີ່ກ່າວໂທດພວກພີ່ນ້ອງຂອງເຮົາ ຕໍ່ພຣະພັກພຣະເຈົ້າຂອງເຮົາ ທັງກາງເວັນແລະກາງຄືນນັ້ນ ກໍໄດ້ຖືກຖິ້ມລົງເສຍແລ້ວ.
[11] ເຂົາເຫລົ່ານັ້ນໄດ້ຊະນະພະຍານາກແລ້ວ ດ້ວຍພຣະ^ໂລຫິດຂອງ^ພຣະ^ເມສານ້ອຍ ແລະເພາະຄຳພະຍານຂອງ^ພວກເຂົາເອງ ເຖິງແມ່ນວ່າພວກເຂົາຈະຕາຍກໍບໍ່ເສຍດາຍຊີວິດຂອງຕົນ.
[12] ເພາະເຫດນັ້ນແຫລະ ສະຫວັນກັບບັນດາຜູ້ທີ່ຢູ່ໃນສະຫວັນ ຈົ່ງຊື່ນຊົມຍິນດີ ແຕ່ວິບັດຈະມີແກ່ແຜ່ນດິນ^ໂລກແລະນໍ້າທະເລ ເພາະວ່າມານຮ້າຍໄດ້ລົງມາຫາເຈົ້າດ້ວຍຄວາມ^ຄຽດແຄ້ນອັນ^ໃຫຍ່ ເພາະມັນຮູ້ວ່າເວລາຂອງ^ມັນມີໜ້ອຍ.”
[13] ເມື່ອພະຍານາກເຫັນວ່າ ຕົນໄດ້ຖືກຖິ້ມລົງມາຍັງແຜ່ນດິນ^ໂລກແລ້ວ ມັນກໍເລີ່ມຕາມຫາຍິງທີ່ໄດ້ເກີດລູກຊາຍນັ້ນ.
[14] ແຕ່ຍິງຜູ້ນີ້ໄດ້ຮັບປີກສອງອັນຂອງ^ນົກອິນຊີໃຫຍ່ ເພື່ອຈະໄດ້ບິນໜີໄປຍັງບ່ອນຂອງ^ນາງໃນຖິ່ນ^ແຫ້ງແລ້ງ^ກັນດານ ບ່ອນທີ່ນາງຈະໄດ້ຮັບການລ້ຽງດູຢູ່ສາມປີເຄິ່ງ ປອດໄພຈາກການໂຈມຕີຂອງ^ພະຍານາກ.
[15] ພະຍານາກນັ້ນ ໄດ້ພົ່ນນໍ້າອອກຈາກປາກເໝືອນແມ່ນໍ້າ ໄຫລຕາມຍິງນັ້ນ ເພື່ອຈະໃຫ້ພັດຍິງນັ້ນໄປ,
[16] ແຕ່ແຜ່ນດິນ^ໂລກໄດ້ຊ່ວຍນາງໄວ້ ດ້ວຍການຍະອອກກືນກິນນໍ້າ ທີ່ພະຍານາກໄດ້ໃຊ້ປາກພົ່ນອອກມານັ້ນ.
[17] ຝ່າຍພະຍານາກກໍຄຽດແຄ້ນຢ່າງໃຫຍ່ໃຫ້ຍິງນັ້ນ ແລະອອກໄປຕໍ່ສູ້ກັບເຊື້ອສາຍຂອງ^ນາງທີ່ເຫລືອຢູ່ ຄືທຸກຄົນທີ່ປະຕິບັດຕາມກົດບັນຍັດຂອງ^ພຣະເຈົ້າ ແລະຢຶດຖືຄຳພະຍານຝ່າຍພຣະເຢຊູເຈົ້າ.
[18] ຝ່າຍພະຍານາກກໍໄດ້ຢືນ ຢູ່ທີ່ຫາດຊາຍແຄມທະເລ.