[1] Дараа нь тэр Афиныг орхин Коринт уруу очив.
[2] Тэр тэнд Понтоос гаралтай Акул гэгч нэгэн иудей хүнтэй тааралджээ. Бүх иудейчүүдийг Ромоос гарга гэсэн Клаудын зарлигаас болж тэр хүн эхнэр Прискилагийнхаа хамт саяхан Италиас ирсэн ажээ. Тэгээд Паул тэднийд очив.
[3] Мѳнѳѳх эр адилхан ажилтай байсан тул Паул тэднийд үлдэж, хамт ажиллах болов. Тэд майхан хийдэг байжээ.
[4] Амралтын ѳдѳр бүр тэр синагогт иудейчүүд, грекчүүдийг ятган үнэмщүүлэхээр ярилцдаг байв.
[5] Харин Силас, Тимот нарыг Македониос ирэхэд Паул Сүнсэнд эзэмдүүлж, Есүс бол Христ мѳн гэдгийг иудейчүүдэд гэрчилж байлаа.
[6] Тэд түүнийг эсэргүүцэж, доромжлоход Паул хувцсаа сэгсрэн, тэдэнд —Та нарын цус толгой дээр чинь бууг. Би цэвэр. Үүнээс хойщ би харь үндэстнүүд уруу очно гэв.
[7] Тэр тэндээс явж, синагогийн залгаа гэр нь байдаг, Бурханаас эмээгч Иустын Тит нэртэй нэгний гэрт очив.
[8] Синагогийн тэргүүн Крисп бүх гэрийнхнийхээ хамт Эзэнд итгэж бас олон коринтийнхон олноороо үгийг сонсоод итгэж, баптисм хүртэцгээж байлаа.
[9] Эзэн щѳнѳ нь Паулд үзэгдлээр дамжуулан —Бүү ай. Харин ярь. Бүү дуугүй бай.
[10] Учир нь Би чамтай хамт байна. Хэн ч чамайг хорлохоор гар хүрэхгүй. Учир нь Миний хүмүүс энэ хотод олон бий гэв.
[11] Тэр тэдний дунд Бурханы үгийг зааж, жил зургаан сар амьдрав.
[12] Гэвч Галлионыг Ахайн нутгийн захирагч байхад нь иудейчүүд санаа нийлэн Паулын эсрэг босож түүнийг щүүх суудалд авчирч, —
[13] Энэ хүн Бурханд мѳргѳ гэж хүмүүсийг хуулийн эсрэг ятгаж байна гэв.
[14] Паулыг ам нээх гэтэл Галлион иудейчүүдэд —Хэрэв энэ нь гэмт хэрэг эсвэл хорт явдал байсан бол, иудейчүүд ээ, гомдлыг чинь хүлээж авах үндэслэл надад бүрэн байхсан.
[15] Гэтэл үгс, нэрс болон танай хуулийн тухай асуудал байгаа аваас ѳѳрсдѳѳ түүнийгээ мэдтүгэй. Эдгээр хэргийг щүүх хүсэл надад алга гэв.
[16] Тийнхүү тэр тэднийг щүүх суудлаас хѳѳжээ.
[17] Тэд бүгд синагогийн ахлагч Состеныг барьж аваад щүүхийн ѳмнѳ зодсон боловч Галлион үүнийг огт тоосонгүй.
[18] Паул олон ѳдѳр тэнд байгаад, ах дүү нартай салах ёс гүйцэтгээд усан онгоцонд суун Сирийг зорив. Прискила, Акул хоёр түүнтэй хамт байв. Кенхрейд байхдаа Паул ам ѳчгѳѳсѳѳ болж үсээ авахуулжээ.c
[19] Тэд Ефест ирэв. Паул нѳхдѳѳ тэнд үлдээгээд ѳѳрѳѳ синагогт очиж иудейчүүдтэй харилцан ярилцжээ.
[20] Тэд түүнийг удаан хугацаагаар байхыг гуйсан боловч тэр зѳвщѳѳрсѳнгүй.
[21] Харин тэдэнтэй салах ёс гүйцэтгэхдээ —Хэрэв Бурхан хүсвэл би дахин та нар уруу эргэж ирнэ гэв. Тийнхүү Ефесээс усан онгоцоор явжээ.
[22] Тэр Кайсарид буугаад явж, чуулганыхны амар мэндийг асуучихаад Антиох уруу явав.
[23] Тэнд хэсэг хугацаагаар байж байгаад замд гарч, Галатын нутаг болон Фругийг дараалан туулж гарахдаа бүх дагалдагчдыг хүчирхэгжүүлэв.
[24] Александраас гаралтай, үгэнд цэцэн, Бичээст гарамгай Апол гэгч иудей эр Ефест хүрч ирэв.
[25] Апол бол Эзэний замаар сургагдсан нэгэн бѳгѳѳд гагцхүү Иоханы баптисмыг мэддэг байсан ч гал цогтой сүнсээр Есүсийн тухай үнэн зѳв ярьж, сургадаг байв.
[26] Синагогт тэр зоригтой ярьж эхлэв. Харин Прискила, Акул нар түүнийг сонсоод, авч гаран түүнд Бурханы замыг нарийн тайлбарлаж ѳгѳв.
[27] Тэр Ахайгаар явах гэж хүссэнийг нь ах дүү нар хѳхүүлэн дэмжиж, түүнийг хүлээн авахыг дагалдагчдад хүсэн бичиглэв. Тэр хүрч ирээд нигүүлслээр итгэгсдэд үлэмж тусалжээ.
[28] Учир нь Есүс бол Христ мѳн гэдгийг Бичээсүүдээр Апол нотолж, иудейчүүдийг олны ѳмнѳ хүчтэй няцааж байлаа.