[1] Yîn-vi Yok-pak kiên-chhṳ̀ chhṳ-kâ mò-chhui, liá sâm-ke ngìn chhiu mò chai en kì.
[2] Chúng-he yû yit-ke ngìn chhai sùn-thèu, kì ôn-to Yî-li-fu (Yî-li-fu he Pu-sî heu-thoi Làn-chhu̍k ngìn Pâ-lâ-kâ ke lai-é); yîn-vi Yok-pak ngin-vì chhṳ-kâ mò-chhui yu koai-yen Song-ti, kì ngiûn m̀-he̍t chhiu hiong Yok-pak fat-khién.
[3] Kì ya hiong Yok-pak ke sâm-ke phèn-yû fat-khién, ngin-vì kì-têu m̀-tî oi ngióng-pân fì-tap Yok-pak, ngang-kóng Yok-pak m̀-chho̍k.
[4] Yîn-vi Yî-li-fu pí kì-têu heu-sâng, m̀-kám chhióng-tén lâu Yok-pak kóng-fa;
[5] khon-tó kì-têu sâm-sà mò fa hó en Yok-pak, chhiu tông-at.
[6] Só-yî, Yî-li-fu chhiu kóng: Ngài chui heu-sâng, ngì-têu he chóng-pi; pún-lòi ngài m̀-kám kóng ngâ yi-kien.
[7] Ngài sióng, ngài yin-kôi oi ngiong chóng-pi kóng-fa, pûn ngièn-ló ke chhòn-su kì-têu ke chṳ-fi.
[8] Khì-sṳ̍t, chṳ́-yû chhiòn-nèn Song-ti ke Lìn chang nèn chiông chṳ-fi su-pûn sṳ-kiên ngìn.
[9] Ngièn-ki thai mò yit-thin chhiu kha yû chṳ-fi; kha tô-se ya mò yit-thin mìn-pha̍k sṳ-fî.
[10] Só-yî, ngài chhiáng ngì-têu thâng ngài kóng; ngài ya oi kóng ngài ke yi-kien.
[11] Ngì-têu ke thàm-lun ngài chhiòn-phu ngin-chṳ̂n thâng, kín tén ngì-têu voi kóng-chhut mìn-chṳ ke fa.
[12] Ngài chu-yi thâng ngì-têu ke fa, fat-hien ngì-têu chhiòn-phu sṳt-phai; lièn yit-sà tû au Yok-pak m̀-yàng.
[13] Ngì-têu ngióng-pân cho-tet kóng, yí-kîn chhìm-tó chṳ-fi nè? Song-ti chang yû phan-fap sot-fu̍k Yok-pak, ngìn cho m̀-tó.
[14] Yok-pak m̀-he hiong ngài chên-lun; ngài me m̀-voi chhiong ngì-têu án-ngiòng en kì.
[15] Yok-pak â, kì-têu tui ngì mò fa hó-en; kì-têu mò phan-fap pûn ngì má-ke tap-on.
[16] Kì-têu khî chhai ke-vi, yí-kîn mò má-ke fa hó-kóng lé; kì-têu tiâm-tiâm m̀ kóng-fa, ngài hàn-oi tén-tén hâ-hi mâ?
[17] Cho-m̀-tet, ngài liá-ha oi fì-tap ngì; ngài oi chiông ngài ke sióng-fap lâu ngì kóng.
[18] Ngài yû tông-tô fa yit-thin oi kóng, ngài ke sîm pet ngài oi kóng chhut-lòi.
[19] Na-he ngài m̀ chhìm kî-fi chiông fa kóng chhut-lòi, ngài voi chhiong chông-mân sîn-chiú ke phì-thoi pau-thet.
[20] Ngài ngiûn m̀-he̍t oi kóng-fa; ngài yit-thin oi piang chhut-lòi.
[21] Ngài chhai ngì-têu ke phien-lun chûng, m̀-voi phiên-sîm, pâ-kiet má-ngìn.
[22] Ngài m̀-tî oi ngióng-pân fung-sṳ̀n ngìn; na-he ngài án-ngiòng cho, Chhóng-chho Chú yit-thin voi ngiàm-sṳ̀ chit-fa̍t ngài.