[1] Chiap-tén, Sû-â-ngìn Pí-le̍t-tha̍t en Yok-pak kóng:
[2] Ngì séu kóng-têu fa hó-mò? Ngì ôn-chhin hâ-lòi sióng, ngài-têu chang yû phan-fap lâu ngì kóng-fa.
[3] Ngì láu-tó ngài-têu chhiong thèu-sâng-é? Ngài-têu chhiong khìm-chhu án ngong he-mò?
[4] Ngì ke fat-khién sông-hoi ngì chhṳ-kâ thin-thin; kám-kóng yîn-vi ngì fat-khién thi voi fông-thet? Song-ti yin-tông yì-sân lòi mân-chiuk ngì mâ?
[5] Fái-ngìn ke kông yit-thin voi vû-thet; kì ke fó chhie̍t-tui m̀-voi chai chho̍k.
[6] Kì chong-phùng tú ke tên thin-chho̍k pien-am; koa chhai táng-kô ke tên ya voi vû-thet.
[7] Kì vún-thin ke kiok-phu khôi-sṳ́ yèu-yèu pái-pái; kì pûn chhṳ-kâ ke kúi-kie pan-tó.
[8] Kì chhṳ-kâ ham-ngi̍p lò-mióng tú; kì ke kiok pûn mióng-è chhàn-tén.
[9] Lò-mióng thak-tó kì ke kiok-châng; kî-koân chiông kì kia̍p-to hèn-hèn.
[10] Yû ham-chiáng mài chhai thi-nài-hâ; kì hàng ke lu phû-tén lò-mióng.
[11] Khiúng-pu tui chû-vì kûng-kit kì, phu-phu pet-tén kì ke kiok-châng.
[12] Kì yî-chhièn hó-ngiak, liá-ha khiòng-khiòng voi ngo-tó; châi-fo yit-chhṳ̍t chhai kì ke sṳ̂n-piên tén-tén kì.
[13] Chṳ-miang ke phiang-thung chhàn-sṳ̂n; kì ke sú-kiok mièn-mièn lok-lok.
[14] Kì tui ôn-kî ke chong-phùng tú pûn-ngìn thô chhut-lòi, yèn-heu pûn-ngìn tai-to yîm-kiên ke vòng ke-vi hi.
[15] Kì ke chong-phùng yung liù-vòng sêu-thu̍k, yèn-heu chhiu kâu-pûn phe̍t-ngìn hi he̍t.
[16] Kì hâ-poi ke su-kîn khû-châu; kì táng-kô ke kî-ya̍p châu-thet.
[17] Thi-song mò ngìn voi ki-tet kì; thùng-pâu m̀ ki-tet kì ke miàng.
[18] Kì oi tui sṳ-kiên phî kiuk chhut-hi, tui kông-mìn chûng phî kiuk-ngi̍p vû-am.
[19] Kì chhai pún-chhu̍k chûng mò chṳ́ mò sûn; kì he̍t ke só-chhai mò liù pan-sà.
[20] Sî-fông ke ngìn thâng-tó kì ke miang-yun kám-kok chho̍k-kiâng; tûng-fông ke ngìn tî kì só tù-tó ke chhiu hak-tó.
[21] Liá chhiu-he fái-ngìn ke kiet-khiu̍k; m̀ kin-vi Song-ti ke ngìn chui-mî chhiu-he án-ngiòng.