[1] Chui-heu, Yok-pak khôi-choi chu-chú chhṳ-kâ ke sâng-ngit.
[2] Ngien ngài chhut-se ke-ngit, lâu ngài sàng-cho nàm-thôi ke am-pû mò thet-hi.
[4] Ngien ke-ngit pien-cho vû-am; ngien Song-ti mo̍k ki-ngiam ke-ngit, mo̍k pûn kông cheu kì.
[5] Ngien kì sàng-cho vû-am sí-yîm ke yit-ngit. Ngien vû-yùn châ-koi kì, ngien thiên-kiéu sṳ̍t-ngit lòi-hak kì.
[6] Ngien ke am-pû pûn vû-am chok-chéu, mò son chhai ngièn-tú ke ngit-è lâu ngie̍t-fun chûng.
[7] Ngien ke am-pû mò sên-yuk ke sṳ, ya mò fôn-hí khoai-lo̍k ke sâng.
[8] Ngien ke-têu voi hêm-siáng hói-koai ke ngìn, ke-têu pien sià-su̍t ke ngìn chhut-lòi chu-chú ke am-pû.
[9] Ngien ke am-pû ke thiên-kông-sên pien-am; ya khon m̀-tó thiên-kông ngit-chhut.
[10] Yîn-vi ke am-pû mò chiông fài ngài ke chṳ́-kiûng mùn koân-thet, sa hoi ngài tù-tó án-tô khú-nan.
[11] Cho-má-ke ngài m̀ yit chhut-se chhiu thôn-hi? Ya-he màng chhut mû-thôi chhiu sí-thet?
[12] Cho-má-ke ngâ-mê chiông ngài nám chhai chhit-thèu táng? Cho-má-ke kì yû nen pûn ngài sṳ̍t?
[13] Na-he ngài ke-sṳ̀ sí-thet, liá-ha chó chhiu ôn-sit,
[14] lâu sṳ-kiên vi chhṳ-kâ chhùng-hí vòng-kiûng ke kiûn-vòng, kôn-yèn khiung-ha soi,
[15] lâu kûi-vuk chông-mân kîm-ngiùn ke vòng-chṳ́ khiung-ha ôn-sit,
[16] lâu lau-thôi, màng kien kông ke ô-nga-é khiung-yong.
[17] Chhai fùn-mu tú, fái-ngìn thìn-chṳ́ chok-ok, chhâu-lò ke ngìn tet-tó ôn-sit.
[18] Lièn pûn-ngìn chok-hi ke ngìn ya hióng-su chhṳ-yù, m̀-voi chai thâng-tó kam-kûng hot-hot tot-tot;
[19] mò fûn kui-chhien thai-se, chhiòn-phu chhai ke-vi, lièn nù-chhòi ya tet-tó chhṳ-yù.
[20] Cho-má-ke pûn kiên-khú ke ngìn hàn-yû ngit-kông? Cho-má-ke pûn yù-sông ke ngìn hàn-yû sâng-miang?
[21] Ke-têu ngìn sióng-oi sí, phiên-phiên m̀-voi sí; kì-têu sióng chhìm sí, yàng-ko chhìm chhòi-pó.
[22] Kì-têu ngi̍p-to fùn-mu, chang yû chṳn-kîn ke hí-lo̍k.
[23] Chhièn-thù mòng-mòng ke ngìn, si-mien pûn Song-ti vì-khun tén, cho-má-ke yû kông su-pûn kì?
[24] Ngài théu thai-hi chún-fan sṳ̍t; ngài kín-chhên chhiong súi liù m̀-voi thôn.
[25] Ngài chui kiâng ke sṳ chhiòn-phu chhut-hien; só-kiâng ke sṳ phiên-phiên lìm-to ngài.
[26] Ngài mò phìn-ôn, tet m̀-tó ôn-sit; chúng-he, chhâu-fàn m̀-sṳt thìn-ko.