[1] Yok-pak en-kóng:
[2] Kîm-pû-ngit ngài hàn-he tông m̀ kâm-ngien, koai-yen Song-ti; Kì ke chit-fa̍t sṳ̍t-chhai thet-chhûng, hoi ngài chhên-to voi sí.
[3] Ngài tông hî-mong tî oi hi nai-vi chhìm Kì, tî oi ngióng-pân to Kì só-he̍t ke thi-fông.
[4] Ngài oi hiong Kì sṳ̂n-su on-chhìn, vi ngài chhṳ-kâ phien-kié.
[5] Ngài oi khon Kì ngióng-pân fì-tap ngài; ngài oi thâng Kì lâu ngài kóng má-ke.
[6] Song-ti voi yung Kì ke thai khièn-nèn ap ngài mò? Chhie̍t-tui m̀-voi! Kì yit-thin voi thâng ngài phien-kié.
[7] Ngài cho-ngìn chṳn-chhṳ̍t, Kì voi pûn ngài lâu Kì lî-lun; to-mî Kì voi cho chhài-kiet, Kì voi phan ngài mò-chhui.
[8] Chúng-he, ngài hiong-tûng chhìm, Song-ti mò chhai ke-vi; ngài hiong-sî chhìm, ya chhìm m̀-tó Kì.
[9] Song-ti chhai nàm-phién kûng-chok, ngài khon m̀-tó Kì; Kì chhai pet-phién cho-se, ngài ya kien m̀-tó Kì.
[10] Sûi-yèn án-ngiòng, Kì chhîn-chhú tî ngài só-hàng ke tak-phu lu; Kì kháu-ngiam ngài yî-heu, chhiu voi tî ngài chhiong vòng-kîm án-sùn.
[11] Ngài kín thèn-tén Kì ke kiok-phu; ngài chûn-sú Kì ke tho-lu, m̀-kám phiên-lì.
[12] Ngài sṳ̀-sṳ̀ khiet-khiet chûn-sú Kì ke min-lin; ngài chûn-sú Kì ke chṳ́-yi, mò chhiùng chhṳ-kâ ke yu̍k-mong.
[13] Kì yún-yén mò-pien, mò-ngìn nèn tí-khong Kì; Kì sîm só ngien ke, chhiu hàng chhut-lòi.
[14] Kì oi vàn-sṳ̀n tui ngài só kie-va̍k ke; Kì hàn-yû chhin-tô án-ngiòng ke kie-va̍k.
[15] Ngài chhai Kì mien-chhièn kiâng-to pi̍t-pi̍t-chhat, ngài yit sióng-tó Kì chhiu kiâng-to voi sí.
[16] Song-ti sṳ́ ngài ke tám hak-to lan-thet; Chhiòn-nèn-chá sṳ́ ngài kiâng-to pi̍t-pi̍t-chhat.
[17] Chhiu-son vû-am pûn ngài ke muk-chû khon m̀-tó, sṳ́ ngài chho̍k-kiâng ke m̀-he vû-am, he Song-ti.