[1] Yok-pak en-kóng:
[2] Ngì-têu khok-sṳ̍t he chui yû chṳ-fi ke ngìn ô! Ngì-têu yit sí, chṳ-fi chhiu voi khiung-ha me̍t-thet!
[3] Chúng-he ngài lâu ngì-têu khiung-yong yû chhûng-mìn, ngài ke chṳ-fi pin m̀-voi kha sû ngì-têu. Ngì-têu só-kóng ke, yû má-ngìn m̀-tî nè?
[4] Liá-ha lièn ngài ke phèn-yû ya sâu-nat ngài; ngài chṳn-chhṳ̍t chhîn-pha̍k, kì-têu hàn sâu-nat ngài; chúng-he Song-ti ya sṳt thâng ngài ke khì-tó.
[5] Mò châi-fo ke ngìn khon-khiâng tù-tó châi-fo ke ngìn; liá-chúng ngìn sòng-sòng tá-kit ke voi tiet-tó ke ngìn.
[6] Khiòng-tho ke chong-phùng fán-chón vún-ku, ngiâ Song-ti fat-khién ke ngìn fán-chón phìn-ôn; kì-têu chiông pún-sṳ chún-cho sṳ̀n-mìn.
[7] Ngì hi chhiáng-kau chéu-chhu, kì-têu voi kâu ngì; ngì hi mun khûng-chûng ke fî-niâu, kì-têu voi lâu ngì kóng.
[8] Chhiu-he lâu thai-thi kóng, kì ya voi kâu ngì, hói-tú ke ǹg-è ya voi lâu ngì sot-mìn.
[9] He Song-chú ke sú chhóng-chho kì-têu, kì-têu tông-chûng kám yû m̀-tî ke?
[10] Sâng-vu̍t ke miang chhiòn-phu chhai Song-ti ke sú-chûng; ngìn ke théu-hi ya chhai Kì ke chóng-kón chṳ̂-chûng.
[11] Ngí-kûng oi fûn-phe̍t fa-ngî ke nui-yùng, chhiu-chhiong sa̍t-mà chhṳ sṳ̍t-vu̍t ke chṳ̂-mi.
[12] Ló-ngièn ngìn yû chṳ-fi, chúng-he Song-ti yû chṳ-fi yu yû nèn-li̍t. Ló-ngìn-kâ yû kien-sṳt, chúng-he Song-ti yû kien-sṳt yu yû sṳ̍t-hàng ke nèn-li̍t.
[14] Song-ti chhak-thet ke, má-ngìn yû phan-fap chhùng-kien? Kì koân-kim ke ngìn, má-ngìn yû phan-fap sṳt-fong?
[15] Song-ti m̀ lo̍k-yí, chhiu voi yû thiên-hôn; Kì piong-khôi súi-ngièn, thi chhiu cho thai-súi.
[16] Song-ti yû khièn-nèn, chhiùng-thèu to-mî yàng-ko yit-chhiet; phien-ngìn ke lâu pûn-ngìn phien ke, chhiòn chhai Kì sú-chûng.
[17] Kì chhióng-chéu mèu-sṳ ke chṳ-fi, yu sṳ́ sṳ́m-phan-kôn chhiong ngong-é.
[18] Kì fi-thet kiûn-vòng ke khièn-piang, yu sṳ́ kì-têu sàng-cho fam-ngìn.
[19] Kì chhióng-chéu chi-sṳ̂ ke chṳt-vu; Kì thûi-fân kha̍k thai-khièn ke ngìn.
[20] Kì sṳ́ sin-yung ke ngìn mò-fa kóng; Kì chhióng-chéu ló-ngìn-kâ ke chṳ-fi.
[21] Kì sṳ́ chûn-kui ke ngìn kien-seu, sṳ́ yû khièn-sṳ ke ngìn sôi-phai.
[22] Kì sṳ́ o-meu tui vû-am chûng hién-mìn chhut-lòi; Kì sṳ́ vû-am hién-chhut kông-mìn.
[23] Kì sṳ́ lie̍t-koet khiòng-thai, hîn-vong, yèn-heu yu tá-kit kì-têu, sêu-me̍t kì-têu.
[24] Kì sṳ́ ngìn-mìn ke liâng-chhiu ngì-ngong, pûn kì-têu mì-sṳt chhai fun-lon chûng;
[25] kì-têu chhiong sṳ̍t chiú-chui ke ngìn, chhai vû-am chûng phiên-lòi phiên-hi.