[1] Ngài voi sí lé, voi thôn-hi lé; fùn-mu yí-kîn vi ngài chún-phi hó lé.
[2] Tak só-chhai yû-ngìn sâu-nat ngài; ngài kûi-ngit pûn kì-têu met-sa.
[3] Song-ti â, khiù Ngì lòi cho ngài ke pó-chṳn ngìn; Ngì yî-ngoi, mò phe̍t-ngìn hén chṳn-mìn ngài ke fa.
[4] Ngì sṳ́ kì-têu ke lî-sin mò-thet hi; khiù Ngì m̀-hó pûn kì-têu yàng-ko ngài.
[5] Kú-ngìn kóng: Vi kîm-chhièn chhut-mai phèn-yû ke ngìn, kì ke chṳ́-sûn voi su-tó lièn-lui.
[6] Liá-ha kì-têu nâ liá-ki fa lòi kûng-kit ngài; kì-têu phi héu-lân chhai ngài ke mien-hong.
[7] Pî-sông hiám-hiám hoi ngài pien-cho mô-muk; ngài ke sṳ̂n-thí chheu-to chhiong yit-kî kut.
[8] Láu-tó chhṳ-kâ chṳn-chhṳ̍t ke ngìn chhiòn-phu kiâng-tó; kì-têu chit-phi ngài mò kin-khièn.
[9] Láu-tó chhṳ-kâ kô-song ke ngìn ye̍t-yû sin-sîm; láu-tó chhṳ-kâ chhîn-pha̍k ke ngìn ye̍t-yû yúng-hi.
[10] Chúng-he pûn kì-têu chhiòn-phu lòi khî chhai ngài mien-chhièn; ngài yit-thin chhìm m̀-chhut yû yit-ke hièn-mìn ke ngìn.
[11] Ngài ke ngit-è ko-hi, kie-va̍k sṳt-phai; ngài ke hî-mong ya yí-kîn mò-thet hi.
[12] Ngài ke-têu phèn-yû chiông am-pû-thèu khon-cho ngit-sṳ̀-thèu; kì-têu kóng kông-mìn khiûn lé, khì-sṳ̍t hàn-he vû-am.
[13] Ngài vì-yit ke phan-mong he lo̍k yîm-kiên, chhai ke-vi ke vû-am chûng soi chhòng-kau.
[14] Ngài oi ham fùn-mu cho â-pâ, ham sṳ̂-chhùng cho â-mê, ya-he chí-moi.
[15] Ngài ke hî-mong chhai nai-vi nè? Má-ngìn khon-chhut ngài yû hî-mong?
[16] Ngài lo̍k yîm-kiên ke sṳ̀-chiet, “hî-mong” voi khiung-ha hi mò?