[1] Vi-tó oi tui Thai-ví-sàng — chhiu-he Siak-ôn chiông Song-chú ke yok-khui chhiáng-ngi̍p sṳn-thien, Só-lò-mùn-vòng seu-si̍p Yî-set-lie̍t ke-têu chóng-ló lâu tak chûng-chhu̍k, tak kî-chhu̍k ke-têu chhu̍k-chóng to Yâ-lu-sat-lâng.
[2] Kì-têu chhiu chhai Yî-thâ-ngiam-ngie̍t, chhiu-he thi-chhit ngie̍t, Tap Liàu-è Chiet ke sṳ̀ chhi-si̍p to Só-lò-mùn-vòng ke-vi.
[3] Tông só-yû ke Yî-set-lie̍t chóng-ló lòi-to ke sṳ̀, ke-têu chi-sṳ̂ chhiu chiông yok-khui kông hí-lòi,
[4] Li-vi-ngìn lâu chi-sṳ̂ ya chiông Song-chú ke yok-khui, sṳn-chong-phùng pin só-yû ke sṳn yung-phín pân-to sṳn-thien chhièn.
[5] Só-lò-mùn-vòng lâu chhiòn-phu Yî-set-lie̍t ngìn-mìn chhi-si̍p chhai yok-khui thèu-chhièn, hien ngiù-yòng cho sên-ngì, su-muk tô-to mò fap-thu son.
[6] Ke-têu chi-sṳ̂ chhiu chiông Song-chú ke yok-khui kông-ngi̍p sṳn-thien, piong chhai chṳ-sṳn-só lióng-chak kî-lu-pak ke yi̍t-kap hâ.
[7] Kî-lu-pak tá-khôi ke yi̍t-kap châ-tén yok-khui lâu kông yok-khui ke kong-é.
[8] Kong-é tông chhòng, khî chhai chṳ-sṳn-só thèu-chhièn ke ngìn chang cho-tet khon-tó kong-é ke lióng-thèu, tui khì-thâ fông-hiong chhiu khon m̀-tó. (Liá-têu kong-é kîm-pû-ngit hàn chhai ke-vi.)
[9] Yok-khui tú chṳ́-yû piong-tén lióng-te sa̍k-pán, mò khì-thâ tûng-sî; liá lióng-te sa̍k-pán he Yî-set-lie̍t ngìn-mìn tui Âi-khi̍p chhut-lòi, Song-chú lâu kì-têu li̍p-yok ke sṳ̀, Mô-sî chhai Sî-nai-sân chiông kì-têu piong chhai yok-khui tú ke.
[10] Ke-têu chi-sṳ̂ lì-khôi sṳn-thien ke sṳ̀, fut-yèn-kiên yû yùn chhûng-mân sṳn-thien,
[11] fat-chhut Song-chú ke yùng-kông, sṳ́ chi-sṳ̂ mò phan-fap ki-siu̍k chhai sṳn-thien tî-poi fu̍k-sṳ.
[12] Ke-sṳ̀, Só-lò-mùn khì-tó kóng: “Song-chú â, Ngì kiet-thin oi he̍t chhai phûn-phûn ke vû-yùn tú.
[13] Ngài yí-kîn vi Ngì hí yit-chho ví-thai ke thien, cho Ngì yún-yén he̍t ke só-chhai.”
[14] Yî-set-lie̍t fi-chung chhiòn-phu khî chhai ke-vi. Só-lò-mùn-vòng chón-ko sṳ̂n lòi, mien-tui fi-chung, vi kì-têu hiong Song-ti khiù-fuk.
[15] Kì kóng: “Chan-mî Song-chú — Yî-set-lie̍t ke Song-ti! Kì chhîn-chhṳ vàn-sṳ̀n Kì hiong ngâ-pâ Thai-ví só yin-hí ke; Kì sṳt chhîn-choi lâu Thai-ví kóng:
[16] ‘Chhṳ-chhiùng Ngài chiông Ngài ke chṳ́-mìn tai-chhut Âi-khi̍p yî-lòi, Ngài mò sién Yî-set-lie̍t nai-chho sàng lòi-hí kin-pai Ngài ke sṳn-thien; chúng-he Ngài sién ngì — Thai-ví lòi thúng-chhṳ Ngài ke chṳ́-mìn.’ ”
[17] Só-lò-mùn ki-siu̍k kóng: “Ngâ-pâ Thai-ví kie-va̍k hí sṳn-thien, cho kin-pai Song-chú — Yî-set-lie̍t Song-ti ke só-chhai.
[18] M̀-ko Song-chú tui kì kóng: ‘Ngì sióng-oi vi Ngài hí sṳn-thien, liá sîm-yi tông-hó;
[19] chúng-he ngì cho-m̀-tet khôi-kûng, chṳ́-yû ngì ke lai-é — ngì chhîn-sên ke lai-é chang cho-tet hí Ngài ke sṳn-thien.’
[20] “Liá-ha Song-chú yí-kîn sṳ̍t-hien Kì ke yin-hí. Ngài sṳ̀n-chiap ngâ-pâ Thai-ví cho Yî-set-lie̍t ke vòng, yu yí-kîn hí-hó kin-pai Song-chú — Yî-set-lie̍t Song-ti ke sṳn-thien.
[21] Ngài ya chhai sṳn-thien tî-poi yi-phi hó piong yok-khui ke thi-fông. Yok-khui tî-poi piong-tén li̍p-yok ke sa̍k-pán; liá chhiu-he Song-chú thu ngài-têu ke chú-siên chhut Âi-khi̍p sṳ̀ lâu kì-têu li̍p ke yok.”
[22] Chiap-tén, Só-lò-mùn chhai Yî-set-lie̍t fi-chung mien-chhièn khî-chhai Song-chú ke chi-thàn chhièn, hiong thiên khià-hí sûng-sú khì-tó kóng:
[23] “Song-chú — Yî-set-lie̍t ke Song-ti â, thiên-táng thi-song mò phe̍t ke sṳ̀n cho-tet lâu Ngì pí! Ngì sin-sú Ngì lâu Ngì phu̍k-ngìn só-li̍p ke yok: Ke-têu yit-sîm yit-yi sun-fu̍k Ngì ke, Ngì chhiu oi hiong kì-têu hién-chhut chhṳ̀-oi.
[24] Ngì chhîn-chhṳ vàn-sṳ̀n Ngì hiong Ngì ke phu̍k-ngìn — ngâ-pâ Thai-ví ke yin-hí, to kîm-pû-ngit, tak-chak sṳ, tak-ki fa chhiòn-phu sṳ̍t-hien lé.
[25] Song-chú — Yî-set-lie̍t ke Song-ti â, liá-ha ngài khiù Ngì ya sṳ̍t-hien Ngì hiong ngâ-pâ só-kóng ke khì-thâ ke yin-hí: Ngì sṳt lâu kì kóng, na-he kì ke heu-thoi chhiong kì khiung-yong ngin-chṳ̂n chûn-hàng Ngì ke fap-li̍t, kì ke heu-thoi chhiu voi yún-yén yû-ngìn cho Yî-set-lie̍t ke vòng.
[26] Só-yî, Yî-set-lie̍t ke Song-ti â, khiù Ngì sṳ̍t-hien hiong Ngì ke phu̍k-ngìn — ngâ-pâ Thai-ví só yin-hí ke fa.
[27] “Song-ti â, Ngì ton-chṳ̂n voi he̍t chhai thi-song mâ? Chhiu-son thiên lâu thiên-táng ke thiên ya m̀-la Ngì he̍t, ngài só-hí ke liá sṳn-thien son má-ke nè?
[28] Song-chú — ngài ke Song-ti â, ngài he Ngì ke phu̍k-ngìn; khiù Ngì thâng ngài ke khì-tó, thâng ngài kîm-pû-ngit chhai Ngì mien-chhièn ke khiù-ham.
[29] Khiù Ngì ngit-ya khon-ku liá sṳn-thien; liá he Ngì sién-cho kin-pai Ngì ke só-chhai. Ngì ke phu̍k-ngìn mien-tui liá sṳn-thien khì-tó ke sṳ̀, khiù Ngì thâng ngài ke khì-khiù.
[30] Ngì ke phu̍k-ngìn lâu Ngì ke chṳ́-mìn Yî-set-lie̍t mien-tui liá só-chhai khì-tó ke sṳ̀, khiù Ngì tui thiên-táng Ngì he̍t ke só-chhai thâng ngài-têu ke khì-khiù, sa-miên ngài-têu.
[31] “Na-he yû-ngìn tet-chhui thùng-pâu pûn-ngìn ko, pûn-ngìn tai-to liá sṳn-thien — Ngì ke chi-thàn chhièn, fat-sṳ kóng kì he mò-chhui ke,
[32] Song-chú â, khiù Ngì tui thiên-táng thâng, lòi sṳ́m-phan Ngì ke phu̍k-ngìn: Yû-chhui ke, chhiu cheu kì kôi-tet ke chit-fa̍t kì; mò-chhui ke, chhiu phan kì mò-chhui, vàn kì chhîn-pha̍k.
[33] “Na-he Ngì ke chṳ́-mìn Yî-set-lie̍t yîn-vi tet-chhui Ngì, pûn thi̍t-ngìn tá-yàng, heu-lòi yu fí-kói kûi-hiong Ngì, chûn Ngì ke miàng cho-thai, to liá sṳn-thien lòi, khiâm-pî khì-khiù Ngì ke sa-miên,
[34] khiù Ngì tui thiên-táng thâng kì-têu ke khì-khiù, sa-miên Ngì chṳ́-mìn ke chhui, thu kì-têu chón-to Ngì su-pûn kì-têu chú-siên ke liá-te thú-thi.
[35] “Na-he yû Ngì ke chṳ́-mìn tet-chhui Ngì, Ngì sṳ́ thiên mò lo̍k-yí, heu-lòi kì-têu fí-kói, chûn Ngì ke miàng cho-thai, mien-tui liá sṳn-thien, khiâm-pî hiong Ngì khì-tó,
[36] khiù Ngì tui thiên-táng thâng kì-têu ke khì-khiù. Khiù Ngì sa-miên Ngì ke phu̍k-ngìn — Yî-set-lie̍t ngìn-mìn ke chhui, kâu kì-têu hàng chṳn-chhṳ̍t ke lu. Ke-sṳ̀, Song-chú â, khiù Ngì lo̍k-súi chhai Ngì ke thú-thi song, chhiu-he Ngì su-pûn Ngì chṳ́-mìn cho sán-ngia̍p ke thú-thi.
[37] “Na-he koet-nui yû kî-fông, pot-vûn, sêu-fûng, sâng-kû, chhó-máng, vò-hà, ya-he Ngì ke chṳ́-mìn pûn sù-thi̍t vì-khun, ya-he tù-tó khì-thâ châi-fo phiang-thung,
[38] khiù Ngì thâng kì-têu ke khì-tó. Na-he Ngì ke chṳ́-mìn Yî-set-lie̍t chûng yû-ngìn kám-kok yû-chhui, nui-sîm yù-sông, chhûn-chhut sûng-sú hiong liá sṳn-thien khì-tó,
[39] khiù Ngì tui thiên-táng Ngì he̍t ke só-chhai thâng kì-têu ke khì-khiù, sa-miên kì-têu, yu pông-chhu kì-têu. Chṳ́-yû Ngì chhṳ̂m-tî ngìn-sîm. Khiù Ngì cheu tak-sà só-cho ke khoán-thai kì-têu,
[40] sṳ́ Ngì ke chṳ́-mìn yún-yén chhai Ngì su-pûn ngài-têu chú-siên ke thú-thi song kin-vi Ngì.
[41] “Na-he yû yit-ke he̍t chhai yén-fông ke ngoi-chhu̍k ngìn thâng-tó Ngì ke thai-miàng lâu thai-yû nèn-li̍t, sùi-sṳ̀ pông-chhu ngìn ke sú, chhiu lòi hiong liá sṳn-thien khì-tó,
[43] khiù Ngì tui thiên-táng Ngì he̍t ke só-chhai thâng kì ke khì-khiù, cheu kì só-khiù ke tap-yin kì, sṳ́ chhiòn sṳ-kie ke ngìn chhiòn-phu chhiong Ngì ke chṳ́-mìn Yî-set-lie̍t khiung-yong ngin-sṳt Ngì, kin-vi Ngì, tî ngài só-hí ke liá sṳn-thien chhiu-he kin-pai Ngì ke só-chhai.
[44] “Na-he Ngì ke chṳ́-mìn cheu Ngì ke min-lin sông chan-chhòng lâu thi̍t-ngìn siông-chhṳ̀, mò-lun kì-têu chhai má-ke thi-fông, mien-tui Ngì só-sién ke liá-sàng lâu ngài vi Ngì hí ke liá sṳn-thien khì-tó,
[45] khiù Ngì thâng kì-têu. Khiù Ngì tui thiên-táng thâng kì-têu ke khì-tó, sṳ́ kì-têu tet-sṳn.
[46] “Na-he Ngì ke chṳ́-mìn tet-chhui Ngì (sṳ-song mò-ngìn he mò fam-chhui ke), Ngì fat-khién ke sṳ̀ chún thi̍t-ngìn tá-yàng kì-têu, chiông kì-têu chok-hi phe̍t ke thi-fông, mò-lun he yén ya-he khiûn,
[47] ya khiù Ngì thâng Ngì chṳ́-mìn ke khì-tó. Na-he kì-têu chhai ke-vi fí-kói, hiong Ngì khì-khiù, sṳ̀n-ngin kì-têu fam-chhui, hàng-sṳ sià-ok, Song-chú â, khiù Ngì thâng kì-têu ke khì-tó.
[48] Na-he kì-têu chhai ke thi-fông sṳ̀n-sîm sṳ̀n-yi fí-kói, mien-tui Ngì su-pûn ngài-têu chú-siên ke liá-te thú-thi hiong Ngì khì-tó, mien-tui Ngì só-sién ke liá-sàng lâu ngài vi Ngì hí ke liá sṳn-thien khì-tó,
[49] khiù Ngì thâng kì-têu. Khiù Ngì tui thiên-táng Ngì he̍t ke só-chhai thâng kì-têu ke khì-khiù, lìn-mén kì-têu.
[50] Khiù Ngì sa-miên Ngì ke chṳ́-mìn, chhiu-he ke-têu tet-chhui Ngì ke ngìn, khiù Ngì sa-miên kì-têu só-yû ke ko-fam, pûn sù-thi̍t ya voi lìn-mén kì-têu.
[51] Kì-têu he Ngì ke chṳ́-mìn, he Ngì ke sán-ngia̍p, he Ngì tui Âi-khi̍p ke yùng-thiet ke fó-lù tú thu chhut-lòi ke.
[52] “Chṳ-kô ke Song-chú â, ngien Ngì ke muk-chû yún-yén khon-ku Ngì ke phu̍k-ngìn lâu Ngì ke chṳ́-mìn Yî-set-lie̍t, tak-pái kì-têu hiong Ngì khì-khiù, khiù Ngì thâng kì-têu ke khì-tó. Chhiu-chhiong Ngì thu ngài-têu ke chú-siên chhut Âi-khi̍p ke sṳ̀, thûng-ko Ngì phu̍k-ngìn Mô-sî só yin-hí ke, Ngì tui van-mìn chûng kién-sién kì-têu cho Ngì ke sán-ngia̍p.”
[54] Só-lò-mùn yit-chhṳ̍t khúi chhai chi-thàn chhièn, khià-hí sûng-sú khì-tó; kì hiong Song-chú khì-tó so̍t, chhiu khî hí-lòi.
[55] Kì thai-sâng khì-khiù Song-chú su-fuk pûn Yî-set-lie̍t chhiòn fi-chung; kì kóng:
[56] “Siung-chan Song-chú! Kì sṳ̍t-hien Kì ke yin-hí, su phìn-ôn pûn Kì ke chṳ́-mìn, thûng-ko Kì ke phu̍k-ngìn Mô-sî só-kóng ke fa, yit-ki ya mò lo̍k-khûng.
[57] Ngien Song-chú — ngài-têu ke Song-ti lâu ngài-têu thùng-chhai, chhiu-chhiong Kì lâu ngài-têu ke chú-siên khiung-ha yit-yong. Ngien Kì yún-yén m̀-voi lì-khôi ngài-têu, m̀-voi fit-thet ngài-têu.
[58] Ngien Kì sṳ́ ngài-têu ke sîm kûi-hiong Kì, sṳ́ ngài-têu nèn tui-thèu to-mî cheu Kì ke chṳ́-yi sên-fa̍t, chûn-sú Kì fûn-fu ngài-têu chú-siên ke fap-li̍t kie-min.
[59] Ngài chhai Song-chú mien-chhièn khì-khiù ke liá-têu fa, ngien Song-chú — ngài-têu ke Song-ti ngit-ya ki-ngiam; ngien Kì cheu Kì ke phu̍k-ngìn lâu Kì ke chṳ́-mìn Yî-set-lie̍t tak-ngit ke sî-yeu lìn-mén ngài-têu.
[60] Án-ngiòng, sṳ-song ke van-mìn chhiòn-phu chang voi tî, chṳ́-yû Song-chú he Song-ti, mò phe̍t ke Song-ti.
[61] Ngien ngì-têu thai-kâ, chhiu-he Song-ti ke chṳ́-mìn, yún-yén tui Song-chú — ngài-têu ke Song-ti chûng-sṳ̀n, chûn-hàng Kì só-yû ke fap-li̍t lâu kie-min, chhiong kîm-pû-ngit án-ngiòng.”
[62] Yèn-heu, Só-lò-mùn-vòng lâu chhiòn Yî-set-lie̍t ngìn-mìn hien sên-ngì pûn Song-chú.
[63] Só-lò-mùn hien lióng-van lióng-chhiên chak ngiù lâu sṳ̍p-ngi van chak yòng cho phìn-ôn-chi. Án-ngiòng, vòng lâu só-yû ke ngìn-mìn vi Song-chú ke sṳn-thien kí-hàng fung-hien-lî.
[64] Ke-ngit, vòng ya chiông sṳn-thien thèu-chhièn thìn-yen chûng ke kóng-chhòng fûn-phe̍t vì-sṳn, chhai ke-vi hien sêu-fa-chi, su-chi lâu phìn-ôn-chi só-yung thèu-sâng ke yù. Só-lò-mùn án-ngiòng cho he yîn-vi sṳn-thien thèu-chhièn ke thùng chi-thàn thet-se, mò phan-fap piong án-tô ke chi-vu̍t.
[65] Só-lò-mùn lâu só-yû ke Yî-set-lie̍t ngìn-mìn chhai sṳn-thien sú Tap Liàu-è Chiet chhit-ngit, yu kâ chhit-ngit, chúng-khiung sṳ̍p-si ngit. Mìn-chung yén-yén tui pet-fông Ha̍p-mâ ai-héu lâu nàm-fông ke Âi-khi̍p piên-kin tak só-chhai chhièn-lòi chhâm-kâ thai-fi.
[66] Chiet-khì chui-heu yit-ngit, Só-lò-mùn ham mìn-chung hó chón lé; kì-têu chhiòn-phu vi vòng chuk-fuk, fôn-fôn hí-hí chón vuk-hâ hi, yîn-vi Song-chú sóng-su yit-chhiet ke ên-fi pûn Kì ke phu̍k-ngìn Thai-ví lâu Kì ke chṳ́-mìn Yî-set-lie̍t.