[1] Yî-set-lie̍t-ngìn lì-khôi Âi-khi̍p yî-heu si-pak pat-sṳ̍p ngièn, Só-lò-mùn cho Yî-set-lie̍t-vòng thi-si ngièn ngi-ngie̍t, chhiu-he Sî-fut-ngie̍t, Só-lò-mùn khôi-kûng hí Song-chú ke sṳn-thien.
[2] Sṳn-thien nui-phu yû ngi-sṳ̍p chhit kûng-chhak chhòng, kiú kûng-chhak fat, sṳ̍p-sâm kûng-chhak pan kô.
[3] Ngi̍p mùn-héu ke mùn-lòng yû si kûng-chhak pan chhṳ̂m, kiú kûng-chhak fat, lâu sṳn-thien phiàng-fat.
[4] Sṳn-thien ke piak-hong yû chhûng-mùn; chhûng-mùn ngoi-poi se, tî-poi thai.
[5] Kho-tén ngoi-piak, chhai sṳn-thien ke lióng-phién sùn-thèu lâu heu-poi, hí sâm-chhèn lèu-fòng, tak-chhèn lióng kûng-chhak lióng kûng-chhun kô.
[6] Chui hâ-chhèn ke lèu-fòng tak-kiên yû lióng kûng-chhak lióng kûng-chhun fat; tûng-ông ke-chhèn ke lèu-fòng yû lióng kûng-chhak chhit kûng-chhun fat; táng-kô ke-chhèn ke lèu-fòng yû sâm kûng-chhak yit kûng-chhun fat. Tak-chhèn ke sṳn-thien ngoi-piak chhiòn-phu pí hâ-chhèn kha-pho̍k, liù yû kham; án-ngiòng, lèu-fòng cho-tet hí chhai kham-táng, m̀-sṳ́ chhai piak-hong chho̍k-khûng lòi piong vàng-liòng.
[7] Hí-thien yung ke sa̍k-thèu he chhai sâ-sa̍k-chhóng chho̍k-hó ke, só-yî hí sṳn-thien ke sṳ̀ thâng m̀-tó chhùi-è, pú-thèu lâu khì-thâ thiet-hi ke hióng-sâng.
[8] Lèu-fòng chui hâ-chhèn ke ngi̍p-héu, chhai sṳn-thien ke nàm-phién, yû lèu-thôi thûng-to thi-ngi chhèn lâu thi-sâm chhèn.
[9] Só-lò-mùn-vòng vàn-sṳ̀n sṳn-thien ke kien-chho. Kì yung hiông-pak-su cho liòng lâu thiên-fâ-pán.
[10] Ke sâm-chhèn lèu-fòng, tak-chhèn yû lióng kûng-chhak lióng kûng-chhun kô, he kho-tén sṳn-thien ke ngoi-piak hí ke, ya he yung hiông-pak-su ke liòng lâu ngoi-piak lièn khiung-ha.
[11] Song-chú tui Só-lò-mùn kóng:
[12] “Na-he ngì chûn-sú Ngài ke fap-li̍t kie-min, Ngài yit-thin voi sṳ̍t-hien Ngài hiong ngiâ-pâ Thai-ví só-kóng ke yin-hí.
[13] Ngài voi he̍t chhai ngì só-hí ke liá sṳn-thien, he̍t chhai Ngài ke chṳ́-mìn Yî-set-lie̍t tông-chûng, yún-yén m̀-voi lì-khôi kì-têu.”
[14] Án-ngiòng, Só-lò-mùn vàn-sṳ̀n hí sṳn-thien ke kûng-chok.
[15] Sṳn-thien nui-piak, tui thi-mien to thiên-fâ-pán, chhiòn-phu he yung hiông-pak-su ke piông-é chông-fòng ke; thi-nài-hâ he chhiùng-su ke piông-é phû-tén.
[16] Yû yit-kiên nui-thien, chhiu-he chṳ-sṳn-só, hí chhai sṳn-thien nui-tú ke heu-hiong, chhòng kiú kûng-chhak; tui thi-piông to thiên-fâ-pán chhiòn-phu yung hiông-pak-su ke piông-é kak-khôi.
[17] Nui-thien chhièn-hiong ke ngoi-thien, chhiu-he sṳn-só, chhòng sṳ̍p-pat kûng-chhak.
[18] Hiông-pak-su ke piông-é chhiòn-phu khat-tén fù-lù lâu fâ ke thù-hìn. Kûi-kiên sṳn-thien nui-phu lûng-chúng yung hiông-pak su-liau chông-fòng, khon m̀-tó piak-hong ke sa̍k-thèu.
[19] Kì chhai sṳn-thien nui-tú ke heu-hiong chún-phi nui-thien; Song-chú ke yok-khui oi ôn-piong chhai ke-vi.
[20] Nui-thien chhòng kiú kûng-chhak, fat kiú kûng-chhak, kô kiú kûng-chhak, nui-tú chhiòn-phu tap sùn-kîm. Hiông-thàn yung hiông-pak-su ke piông-é pâu-tén.
[21] Só-lò-mùn yung sùn-kîm tap sṳn-thien ke nui-phu, yu yung kîm lien-é koa chhai nui-thien ke ngi̍p-héu; nui-thien ya he tap kîm-é.
[22] Kûi-kiên sṳn-thien nui-phu chhiòn-phu tap-tén kîm-é, lâu chṳ-sṳn-só tî-poi ke hiông-thàn khiung-yong.
[23] Kì yung kám-lám-su cho lióng-ke kî-lu-pak piong chhai chṳ-sṳn-só, tak-ke yû si kûng-chhak si kûng-chhun kô.
[24] Lióng-ke kî-lu-pak phiàng-thai, khiung-yong hìn-chhong, chhiòn-phu yû lióng-chak yi̍t-kap; tak-chak yi̍t-kap lióng kûng-chhak lióng kûng-chhun chhòng. Só-yî, tui liá-chak yi̍t-kap mî to ke-chak yi̍t-kap mî he si kûng-chhak si kûng-chhun.
[27] Kì chiông lióng-ke kî-lu-pak pin-phài piong chhai chṳ-sṳn-só; án-ngiòng, kì-têu chhûn-khôi ke yi̍t-kap chhai nui-thien tûng-ông fu-siông chiap-tó, nang-ngoi lióng-chak yi̍t-kap tu̍t-tó lióng-phién ke piak.
[28] Liá lióng-ke kî-lu-pak chhiòn-phu he kîm-é pâu ke.
[29] Nui-thien lâu ngoi-thien ke piak-hong chhiòn-phu yû tiâu-khiet kî-lu-pak, chûng-su lâu fâ.
[30] Nui-thien lâu ngoi-thien ke thi-piông mien-táng ya yû tap kîm-é.
[31] Chṳ-sṳn-só ke ngi̍p-héu yû lióng-san kám-lám-su cho ke mùn. Mùn-mì he chiâm hìn ke,
[32] mùn-san yû tiâu-khiet kî-lu-pak, chûng-su lâu fâ; kî-lu-pak lâu chûng-su chhiòn-phu he yung kîm-é siông ke.
[33] Ngoi-thien ke ngi̍p-héu he kám-lám-su cho ke si-kok hìn ke mùn-khiông.
[34] Lióng-san mùn he chhiùng-su cho ke, tak-san cho-tet tui-chap hí-lòi.
[35] Mùn-san hong khat-tén kî-lu-pak, chûng-su lâu fâ; kì-têu chhiòn-phu he yung kîm-é siông ke.
[36] Kì yu yung sâm-chhèn sa̍k-thèu kak yit-chhèn hiông-pak-su ke liòng hí nui-yen.
[37] Sṳn-thien ke thi-kî he chhai Só-lò-mùn cho vòng ke thi-si ngièn ngi-ngie̍t, chhiu-he Sî-fut-ngie̍t tá-hó ke.
[38] Só-lò-mùn chhai-vi thi sṳ̍p-yit ngièn pat-ngie̍t, chhiu-he Pu-le̍t-ngie̍t, sṳn-thien vàn-chhiòn cheu só kie-va̍k ke yong-sṳt hí-hó. Só-lò-mùn yung-thet chhit-ngièn ke sṳ̀-kiên vàn-sṳ̀n hí sṳn-thien ke kûng-chhàng.