[1] Kana booddee hoolichi sumuda torban keeysaa tokko odoo banuutiin arke; uumama lubbuu qaban afran keeysaa tokko sagalee akka mandiisuu tiin, “Koottu!” jechuu isaa tiin dhagaye.
[2] Ani achi ilaallaan, kunoo ammaas farda adii tokkoon arke; kan farda irra taa'ees goobo harkaa qaba ture; gonfoon takkaas isaafi kannamte. Inni niis moohaa, ammaas moohuu dhaafiisi bahe.
[3] Hogguu hoolichi sumuda lamadaa bane, uumamni lubbuu qabu inni lamadaa, “Koottu!” jechuu isaa tiin dhagaye.
[4] Fardi biraa diimaan bilchoon tokkoos ni bahe; kan farda san irra taa'eef nagaya lafa irraa balleeysuun, namoonni niis akka wal qaqqalan godhuuniis amrii ni kannamteefi; ammaas habaleen guddoon takka isaaf ni kannamte.
[5] Hogguu hoolichi sumuda sadeeysaa bane ammaas, uumamni lubbuu qabu inni sadeeysaan, “Koottu!” jechuu isaa tiin dhagaye. Aniis achi ilaallaan farda gurraacha tokkoon arke; kan farda irra taa'ees mizaana if harkaa qaba ture. muka inabaa ammoo hin miidhin!” kan jedhuun dhagaye.
[6] Hogguus ani waan sagalee fakkaattu, tan uumama lubbuu qaban afran jidduu dhaa, “Qamadii ribuu xiqqoo takka gatii mo'oya guyyaa tokkoo, garbuu ribuu xiqqoo sadihiis gatii mo'oya guyyaa tokkoo godhii ol kaasi! Muka ejersaa tii fi.
[7] Hogguu hoolichi sumuda afreeysaa bane ammoo, sagaleen uumama lubbuu qabu afreeysaan, “Koottu!” jechuu isii tiin dhagaye.
[8] Hogguus ani achi ilaallaan farda boora tokkoon arke. Inni farda irra taa'ees maqaan isaa “Du'a” jedhama, azaabni niis isa duuka deeme. Lafa tana irra ummata jiran keeysaa, harka afur keeysaa harka tokko habalee dhaan, abaariin, musiibaa balaa tiin, bineensa bosonaa tiin akka ajjeesaniif amriin isaaniif kannamte.
[9] Hogguu hoolichi sumuda shaneeysaa bane ammoo, ani bakka aarsaa jalatti, lubbuu warra Qoowlii Rabbii tiif jecha, ammaas ragummaa bahanitti jabaachuu isaanii tiif jecha qalamaniitiin arke.
[10] Isaan sagalee guddoo dhaan iyyaa, “Yaa Gooytaa guddaa, qulqulluu fi Abbaa dhugaa! Warra lafa irra jiraatan irratti firdii itti nuuf gootee, hanga dhiiga keenyaaf haluu irraa nuuf baatutti hangam tura?” jedhan.
[11] Hogguus adduma addaan uffanni adaadiin isaaniif ni kanname, obboleeyyan isaanii, hojii Rabbii keeysatti golli isaanii, warri akkuma isaanii ajjeefamuuf deeman hanga lakkooysi isaanii guutamutti, wayta gabaabduuf amma illee akkuma haara baafatani isaanitti himame.
[12] Kana booddee hoolichi sumuda jaheeysaa banuu isaa tiin arke. Sossooha lafaa guddaatu tahe; aduuniis akka ciletti gurraachomte, jiini guutumatti akka dhiigaatti diimate.
[13] Akka firii habruu tan bubbeen jabduun rooraaftee harcaaftutti, urjiileen samii keeysaa lafatti gadi harca'an.
[14] Samiin akka itillee maramtutti maramtee ti dhabamte; gaarrinii fi, biiyti bishaan keeysaa hundi niis bakka isaanii tii ni kaafaman.
[15] Kana booddee, mootoonni lafa tana irraa, namoonni beekamoon, abbootiin duulaa, taajiroonni, jajjaboonni, gabroonninii fi namni bilisni hundinuu holqa keeysatti, dhaga-tuulii jidduttiis ni dhokatan.
[16] Gaarranii fi dhagaa siibaas yaamanii ti, “Nu irratti jigaa tii, fuula isa arshii irra taa'u duraa, lola hoolichaa duraahiis nu dhooysaa!
[17] Guyyaan guddaan kan isaan kun itti lolaman dhufee ti jira; eegaa, eenyuutu dura dhaabbachuu dandaya ree?” jedhan.