[1] Өченче кѳнне Гәлиләя ѳлкәсенењ Кәна шәћәрендә туй булды. Туйга Гайсәнењ анасы да килде.
[2] Гайсә дә Үзенењ шәкертләре белән шул туйга чакырылган иде.
[3] Шәраб җитмәгәч, Гайсәнењ анасы Ања: – Аларныњ шәраблары беткән, – диде.
[4] – Син ни ѳчен моны Миња әйтәсењ? Минем әле вакытым килеп җитмәде, – диде Гайсә ања.
[5] Анасы хезмәтчеләргә: – Ул сезгә нәрсә әйтсә, шуны эшләгез, – диде.
[6] Анда, яћүдләрнењ йоласы буенча, пакьләнү ѳчен куелган ике яки ѳч үлчәү су сыйдырышлы алты таш чүлмәк бар иде.
[7] Гайсә хезмәтчеләргә: – Чүлмәкләрне су белән тутырыгыз, – дип әйткәч, алар чүлмәкләрне мѳлдерәмә итеп тутырдылар.
[8] Шуннан соњ Гайсә аларга: – Инде чумырып алыгыз да туй башлыгына илтеп бирегез, – диде. Алар илтеп бирделәр.
[9] Туй башлыгы шәрабныњ кайдан икәнен белми иде. Бу турыда суны чумырып алган хезмәтчеләр генә белә иде. Туй башлыгы, шәрабка әйләнгән суны татып карагач, кияүне үз янына чакырып алып:
[10] – Башта ћәркем яхшы шәраб бирә, ә инде җитәрлек эчелгәч, начаррагын китерә; ә син яхшы шәрабны ињ соњга калдыргансыњ, – диде.
[11] Шулай итеп, Гәлиләянењ Кәна шәћәрендә могҗизалы галәмәтләрен башлап җибәреп, Гайсә Үзенењ данын күрсәтте, ћәм шәкертләре Ања иман китерделәр.
[12] Шуннан соњ Ул, анасы, энеләре ћәм шәкертләре белән бергә Кәпәрнаум шәћәренә килеп, берничә кѳнгә анда калды.
[13] Яћүдләрнењ Коткарылу бәйрәме якынлашкач, Гайсә Иерусалимга килде.
[14] Ул андагы Аллаћы Йортында үгез, сарык, күгәрчен сатучыларны ћәм акча алмаштырып утыручыларны күргәч,
[15] баудан чыбыркы үреп, барысын да – сарыкларны да, үгезләрне дә – Аллаћы Йортыннан куып чыгарды. Акча алмаштыручыларныњ ѳстәлләрен аударып ташлап, акчаларын чәчеп җибәрде.
[16] Күгәрчен сатучыларга: – Боларны моннан алып китегез! Минем Атамныњ йортын базарга әйләндермәгез! – диде.
[17] Аныњ шәкертләре: «Мине Синењ йортыња булган мәхәббәт газаплый», – дип язылган сүзләрне исләренә тѳшерделәр.
[18] Шуннан, яћүдләр Гайсәдән: – Болай эшләргә хокукыњ барлыгын безгә нинди галәмәт белән исбат итә аласыњ? – дип сорадылар.
[19] Гайсә аларга: – Бу Аллаћы Йортын җимереп ташлагыз, Мин аны ѳч кѳндә яњадан торгызачакмын, – диде.
[20] Яћүдләр Ања әйттеләр: – Бу Аллаћы Йорты кырык алты ел тѳзелде, ә Син аны ѳч кѳндә генә торгыза алырсыњмы?
[21] Әмма Гайсә, Аллаћы Йорты дип, Үзенењ тәне хакында әйткән иде.
[22] Гайсә үледән терелтелгәч, шәкертләре Аныњ бу турыда әйткәнен исләренә тѳшерделәр ћәм, Изге язмага да, Гайсә әйткән сүзләргә дә ышандылар.
[23] Коткарылу бәйрәме кѳннәрендә Аныњ Иерусалимда күрсәткән могҗизалы галәмәтләрен күреп, күпләр Гайсәгә иман китерделәр.
[24] Әмма бѳтен кешеләрне Үзе белгәнгә, алар турында кемнењ дә булса сѳйләп бирүенә Гайсәнењ ихтыяҗы юк иде, чѳнки кешеләрнењ күњелләрендә нәрсә барын Ул белде ћәм шуња күрә аларга ышаныч багламады.