[1] Lî-phien lâu Kâ-tet lióng kî-chhu̍k yû tông-tô ngiù-yòng. Kì-têu khon-tó Ngâ-chhia lâu Kî-lie̍t thi-khî he hiuk thèu-sâng tông-hó ke só-chhai,
[2] chhiu hi kien Mô-sî, chi-sṳ̂ Yî-li-â-sat, lâu fi-chung ke liâng-chhiu, kóng:
[3] “Song-chú pông-chhu Yî-set-lie̍t-ngìn cham-liâng ke liá thi-khî — chhiu-he Â-thâ-liu̍k, Tí-pún, Ngâ-chhia, Nèn-lâ, Hî-sṳ̍t-pún, Yî-li-â-li, Sṳ-pân, Nì-pô lâu Pí-vún — he hiuk thèu-sâng tông-hó ke só-chhai. Ngì ke phu̍k-ngìn ya yû tông-tô ngiù-yòng;
[5] Ngì na ngin-vì ngài-têu khâm-tet, pai-thok chiông liá-phién thú-thi pûn ngì ke phu̍k-ngìn cho sán-ngia̍p, m̀-hó pûn ngài-têu ko Yok-tan-hò hi, he̍t chhai ke-phién.”
[6] Mô-sî en-kóng: “Kám-kóng ngì-têu oi liù chhai liá-vi, yù-chhai ngì-têu ke thùng-pâu Yî-set-lie̍t-ngìn hi siông-chhṳ̀ he-mò?
[7] Ngì-têu ngióng-pân cho-tet hoi Yî-set-lie̍t thùng-pâu sṳt-chṳ, m̀-ko Yok-tan-hò, m̀ chin-ngi̍p Song-chú só su-pûn kì-têu ke ke-phién thú-thi nè?
[8] Ngài phai ngì-têu ke chú-siên tui Kâ-tâi-sṳ̂-Pâ-nì-â hi tá-tham ke-thi ke sṳ̀, kì-têu me-he án-ngiòng.
[9] Kì-têu to-liáu Yî-sṳ̍t-kok sân-lak, khon-tó ke-phién thú-thi, chúng-he chón-lòi ke sṳ̀, kì-têu sṳ́ Yî-set-lie̍t-ngìn sṳt-chṳ, m̀-kám chin-ngi̍p Song-chú su-pûn kì-têu ke thú-thi.
[10] Ke-ngit, Song-chú fat-khién, fat-sṳ kóng:
[11] ‘Kì-têu tông-chûng ngi-sṳ̍p se yî-song, tui Âi-khi̍p chhut-lòi ke ngìn, mò yit-sà cho-tet chin-ngi̍p Ngài yin-hí pûn Â-pak-lâ-hón, Yî-sat, Ngâ-kok ke-te thú-thi, yîn-vi kì-têu tui Ngài mò chûng-sîm.’
[12] Liá-ke fa he chṳ́ tak-sà ngìn kóng ke, chṳ́-yû Kî-nì-sé chhu̍k-ngìn Yâ-fù-nì ke lai-é Kâ-le̍t lâu Nun ke lai-é Yok-sû-â mò son chhai-nui, yîn-vi kì-têu yit-chhṳ̍t tui Song-chú tông chûng-sîm.
[13] Song-chú hiong Yî-set-lie̍t-ngìn fat-khién, sṳ́ kì-têu chhai khóng-yâ liù-long si-sṳ̍p ngièn, chhṳ̍t-to ke-thoi chhai Kì mien-chhièn hàng sià-ok ke ngìn chhiòn-phu sí-thet.
[14] Liá-ha ngì-têu yu sióng-oi thèn ngì-têu ke chú-siên, sàng-cho sîn yit-thoi ke chhui-ngìn, oi chai yit-pái sṳ́ Song-chú hiong Yî-set-lie̍t-ngìn fat-khién.
[15] Na-he ngì-têu Lî-phien lâu Kâ-tet kî-chhu̍k ke ngìn m̀ ngien-yi thèn Kì, Kì voi chai yit-pái chiông Yî-set-lie̍t-ngìn fit chhai khóng-yâ, ngì-têu chhiu-oi tâm kì-têu me̍t-mòng ke chit-ngim.”
[16] Kì-têu hàng-khiûn Mô-sî mien-chhièn, kóng: “Khiù ngì chún ngài-têu chhai liá-vi siên vi yòng-khiùn vì yòng-khiên, vi pû-ngiòng chṳ́-ńg hí-sàng lòi pó-fu kì-têu,
[17] yèn-heu ngài-têu chang tai Yî-set-lie̍t thùng-pâu sông chan-chhòng, tai-thèu kûng-tá, chhṳ̍t-to kì-têu chhai su̍k kì-têu ke thú-thi ôn-thin hâ-lòi. Thùng-sṳ̀, ngài-têu ke pû-ngiòng chṳ́-ńg cho-tet ôn-chhiòn he̍t chhai liá pó-fu kì-têu ke sàng-nui, m̀ su liá-thi ngìn-mìn ke chhîm-fam.
[18] Ngài-têu oi tén-to Yî-set-lie̍t thùng-pâu cham-liâng ke fûn-phi pûn kì-têu ke thú-thi heu, chang voi chón-lòi chhṳ-kâ ke vuk-hâ.
[19] Ngài-têu m̀-voi lâu kì-têu pûn Yok-tan-hò sî-phién cham-liâng ke sán-ngia̍p, yîn-vi ngài-têu yí-kîn yû Yok-tan-hò tûng-phién ke sán-ngia̍p.”
[20] Mô-sî en-kóng: “Na-he ngì-têu chṳn-kîn oi án-ngiòng cho, chhiu chhai Song-chú mien-chhièn chún-phi hó-se hi chok-chan â!
[21] Ngì-têu ke chan-sṳ chhiòn-phu oi chún-phi hó-se, chhai Song-chú mien-chhièn ko Yok-tan-hò, hi kûng-tá thi̍t-ngìn, chhṳ̍t-to Song-chú tá-yàng kì-têu,
[22] cham-liâng ke thú-thi. Yèn-heu ngì-têu chhiu cho-tet chón-lòi, yîn-vi ngì-têu yí-kîn tui Song-chú lâu Yî-set-lie̍t thùng-pâu chhin ngi-vu. Song-chú voi chiông Yok-tan-hò tûng-phién ke liá-te thú-thi kûi-pûn ngì-têu cho sán-ngia̍p.
[23] Chúng-he, ngì-têu na m̀ sú yok-suk, chhiu-he tet-chhui Song-chú; ngì-têu yit-thin voi yîn-vi chhṳ-kâ ke chhui su chit-fa̍t, chhie̍t-tui chéu m̀-thet.
[24] Liá-ha ngì-têu hi vi pû-ngiòng chṳ́-ńg hí-sàng, vi yòng-khiùn vì yòng-khiên. Chúng-he m̀-hó m̀ ki-tet ngì-têu ke yok-suk!”
[25] Kâ-tet lâu Lî-phien kî-chhu̍k ke ngìn tui Mô-sî kóng: “Ngì ke phu̍k-ngìn yit-thin voi cheu thai-ngìn ke min-lin hi-cho.
[26] Ngài-têu ke pû-ngiòng chṳ́-ńg, ngiù-khiùn, yòng-khiùn chhiu liù chhai Kî-lie̍t liá-têu sàng-chṳ́n.
[27] Chúng-he ngì ke phu̍k-ngìn, tak-sà voi chún-phi hó-se, chhai Song-chú mien-chhièn ko Yok-tan-hò hi siông-chhṳ̀, cheu ngì só-kóng ke hi-cho.”
[28] Só-yî, Mô-sî fûn-fu chi-sṳ̂ Yî-li-â-sat, Nun ke lai-é Yok-sû-â, lâu Yî-set-lie̍t khì-thâ kî-chhu̍k ke chhu̍k-chóng, kóng:
[29] “Na-he Kâ-tet lâu Lî-phien kî-chhu̍k ke ngìn chhiòn-phu chún-phi hó-se, chhai Song-chú mien-chhièn thu-ko Yok-tan-hò hi siông-chhṳ̀, na-he ngì-têu yîn-vi kì-têu ke pông-chhu cham-liâng ke thú-thi, ngì-têu chhiu oi chiông Kî-lie̍t thi-khî pûn kì-têu cho sán-ngia̍p.
[30] Na-he kì-têu m̀-ko Yok-tan-hò lâu ngì-têu khiung-ha hi siông-chhṳ̀, kì-têu chhiu oi lâu ngì-têu khiung-yong, chhai Kâ-nàm-thi pûn-tó chhṳ-kâ ke sán-ngia̍p.”
[31] Kâ-tet lâu Lî-phien kî-chhu̍k ngìn en-kóng: “Ngì ke phu̍k-ngìn yit-thin oi cheu Song-chú ke min-lin hi-cho.
[32] Ngài-têu voi chún-phi hó-se, chhai Song-chú mien-chhièn ko-hò, ngi̍p Kâ-nàm-thi hi siông-chhṳ̀; án-ngiòng, ngài-têu chhiu voi tet-tó Yok-tan-hò tûng-phién ke thú-thi cho sán-ngia̍p.”
[33] Só-yî, Mô-sî chiông Â-mô-li-vòng Sî-fèn ke koet lâu Pâ-sân-vòng Ngo̍k ke koet, lièn ke thú-thi lâu chû-vì ke chhûn-chông fûn-phi pûn Kâ-tet, Lî-phien lióng kî-chhu̍k, lâu Yok-sit ke lai-é Mâ-nâ-sî pan kî-chhu̍k.
[34] Kâ-tet kî-chhu̍k chhùng-sîn hí Tí-pún, Â-thâ-liu̍k, Â-lò-ngí,
[35] Â-thâ-liu̍k-Sok-fán, Ngâ-chhia, Yok-pí-ha̍p,
[36] Pak-Nèn-lâ, Pak-Ha̍p-làn liá-têu kiên-ku ke sàng; kì-têu yu vì yòng-khiên.
[37] Lî-phien kî-chhu̍k chhùng-sîn hí Hî-sṳ̍t-pún, Yî-li-â-li, Kî-lie̍t-thìn,
[38] Nì-pô, Pâ-li̍t-Miên (liá-ke miàng he kói-ko ke), Sî-pí-mâ. Kì-têu vi chhùng-kien ke sàng-chṳ́n chhùng-sîn ôn-miàng.
[39] Mâ-nâ-sî ke lai-é Mâ-kit ke chûng-chhu̍k ke ngìn chhîm-ngi̍p Kî-lie̍t-thi, kiuk-chéu ke-vi ke Â-mô-li-ngìn, cham-liâng kì-têu ke thú-thi.
[40] Só-yî Mô-sî chiông Kî-lie̍t pûn Mâ-kit-chhu̍k; kì-têu chhiu he̍t chhai ke-vi.
[41] Mâ-nâ-sî kî-chhu̍k ke Ngài-ngí cham-liâng liá-têu chhûn-chông, chhiu ôn liá-têu chhûn-chông ke miàng cho “Ngài-ngí-chhûn”.
[42] Nò-pâ cham-liâng Kî-na̍p lâu chû-vì ke chhûn-chông, chhiu yung chhṳ-kâ ke miàng ham ke-têu chhûn-chông cho Nò-pâ.