[1] Yî-set-lie̍t-ngìn chhai Sṳ̍p-thìn ôn-yàng ke sṳ̀, yû ngìn lâu ke-vi ke Mô-ap fu-ngìn-kâ hàng kiên-yìm.
[2] Ke-têu fu-ngìn-kâ chhiáng kì-têu chhâm-kâ Mô-ap-ngìn pai sṳ̀n-mìn ke chi-tién. Yî-set-lie̍t-ngìn sṳ̍t chi-vu̍t, ya pai Phî-ngí thi-fông ke sṳ̀n-mìn Pâ-li̍t; só-yî, Song-chú hiong kì-têu fat-khién.
[4] Song-chú fûn-fu Mô-sî kóng: “Ngì oi cheu Ngài ke fa, chhai ngit-thèu hâ chiông liá-têu Yî-set-lie̍t liâng-chhiu tiau-sí, Ngài chhiu m̀-voi ki-siu̍k hiong Yî-set-lie̍t-ngìn fat-khién.”
[5] Mô-sî tui Yî-set-lie̍t ke sṳ́m-phan-kôn kóng: “Ngì-têu tak-sà oi chiông ngì-têu kî-chhu̍k tông-chûng pai Pâ-li̍t ke-têu ngìn chhṳ̀-thet.”
[6] Yû yit-ke Yî-set-lie̍t-ngìn chhai Mô-sî lâu Yî-set-lie̍t chhiòn fi-chung mien-chhièn, chiông yit-ke Mí-thien fu-ngìn-kâ tai-ngi̍p kì ke chong-phùng; ke-sṳ̀, fi-chung tú-hó chhai sṳn-chong-phùng mùn-héu pî-sông ôi-kieu.
[7] Chi-sṳ̂ Â-lùn ke sûn-é, Yî-li-â-sat ke lai-é Fî-nì-ha̍p khon-tó, chhiu khî hí-lòi, lì-khôi fi-chung. Kì nâ yit-kî chhiông,
[8] thèn-tén ke Yî-set-lie̍t-ngìn lâu ke fu-ngìn-kâ ngi̍p-hi chong-phùng, yung chhiông chiông kì lióng-sà tui tú-sṳ́ chhiuk ko-hi sí-thet. Án-ngiòng, ke chhai Yî-set-lie̍t-ngìn tông-chûng liù-hàng ke vûn-é chhiu thìn-chṳ́;
[9] chúng-he yîn-vi pot-vûn sí-thet ke yí-kîn yû lióng-van si-chhiên ngìn.
[10] Song-chú tui Mô-sî kóng:
[11] “Yîn-vi chi-sṳ̂ Â-lùn ke sûn-é, Yî-li-â-sat ke lai-é Fî-nì-ha̍p só cho ke sṳ, Ngài chhiu m̀-voi ki-siu̍k hiong Yî-set-lie̍t-ngìn fat-khién. Kì tui Ngài chhin ngie̍t-sîm, chṳ́-yû chún ngìn pai Ngài, m̀ chún ngìn pai phe̍t ke sṳ̀n-mìn, Ngài chang mò thai fat-khién lòi fí-me̍t kì-têu.
[12] Ngì lâu kì kóng, Ngài oi lâu kì li̍p phìn-ôn ke yok.
[13] Kì lâu kì ke heu-thoi oi yún-yén cho chi-sṳ̂; yîn-vi kì tui Ngài chhin ngie̍t-sîm, ya vi Yî-set-lie̍t-ngìn su̍k-chhui.”
[14] Ke lâu Mí-thien fu-ngìn-kâ khiung-ha pûn-ngìn chhṳ̀-sí ke Yî-set-lie̍t-ngìn ôn-to Sîm-li, he Sat-lu ke lai-é, Sî-mién kî-chhu̍k yit-ke kâ-chhu̍k ke chhu̍k-chóng.
[15] Ke pûn-ngìn chhṳ̀-sí ke Mí-thien fu-ngìn-kâ ôn-to Kô-sṳ̂-pí; kì ke â-pâ Sû-ngí he Mí-thien yit-ke phu-lo̍k ke liâng-chhiu.
[16] Song-chú min-lin Mô-sî:
[17] “Ngì oi kûng-tá Mí-thien-ngìn, chiông kì-têu sêu-me̍t;
[18] yîn-vi kì-têu chhai Phî-ngí yung kúi-kie ham-hoi ngì-têu, ya he yîn-vi kì-têu ke chí-moi, ke Mí-thien liâng-chhiu ke moi-é Kô-sṳ̂-pí, chhai Phî-ngí pot-vûn tông li-hoi ke sṳ̀ pûn-ngìn chhiuk-sí.”