[1] Chhit-ngie̍t chhû-yit, ngì-têu oi chhi-si̍p kin-pai, ngit-sòng yit-chhiet ke kûng-chok tû m̀-hó cho. Ke-ngit, oi phùn yòng-kok,
[2] yu hien Song-chú só fôn-hí ke chhîn-hiông sêu-fa-chi: Yit-chak se ngiù-kú, yit-chak mièn-yòng-kú, chhit-chak yit-se thai ke se-yòng-kú, chhiòn-phu oi mò khiet-tiám ke.
[3] Ya oi hien yu-mien-fún kiâu kám-lám-yù ke su-chi: Ke-chak ngiù-kú oi phi sâm kûng-kîn yu-mien-fún; ke-chak mièn-yòng-kú phi lióng kûng-kîn yu-mien-fún;
[4] tak-chak se-yòng-kú phi yit kûng-kîn yu-mien-fún.
[5] Yu oi hien yit-chak sân-yòng-kú cho su̍k-chhui-chi, vi ngìn-mìn hàng kiet-chhiang-lî.
[6] Chhù-liáu liá-têu yî-ngoi, tak-chak ngie̍t chhû-yit yin-kôi hien ke sêu-fa-chi lâu su-chi, pin phìn-sòng oi hien ke sêu-fa-chi, su-chi lâu chi-chiú cheu-sòng oi-lòi hien. Liá-têu he Song-chú só fôn-hí ke chhîn-hiông fó-chi.
[7] Chhit-ngie̍t chhû-sṳ̍p, ngì-têu oi chhi-si̍p kin-pai; oi kim-sṳ̍t, khiet-khú chhṳ-kâ, ngit-sòng yit-chhiet ke kûng-chok tû m̀-hó cho.
[8] Ngì-têu oi hiong Song-chú hien chhîn-hiông ke sêu-fa-chi: Yit-chak se ngiù-kú, yit-chak mièn-yòng-kú, chhit-chak yit-se thai ke se-yòng-kú, chhiòn-phu oi mò khiet-tiám ke.
[9] Ya oi hien yu-mien-fún kiâu kám-lám-yù ke su-chi: Ke-chak ngiù-kú oi phi sâm kûng-kîn yu-mien-fún; ke-chak mièn-yòng-kú phi lióng kûng-kîn yu-mien-fún;
[10] tak-chak se-yòng-kú phi yit kûng-kîn yu-mien-fún.
[11] Chhù-liáu vi ngìn-mìn hàng kiet-chhiang-lî só-hien ke sân-yòng-kú lâu phìn-sòng oi hien ke sêu-fa-chi, su-chi lâu chi-chiú yî-ngoi, hàn-oi hien yit-chak sân-yòng-kú cho su̍k-chhui-chi.
[12] Chhit-ngie̍t sṳ̍p-ńg, ngì-têu oi chhi-si̍p kin-pai, khin-chuk chiet-khì chhit-ngit lòi ki-ngiam Song-chú, ngit-sòng yit-chhiet ke kûng-chok tû m̀-hó cho.
[13] Chhai chiet-khì ke thi-yit ngit, ngì-têu oi hien sêu-fa-chi, cho chhîn-hiông ke fó-chi, sṳ́ Song-chú fôn-hí. Oi hien sṳ̍p-sâm chak se ngiù-kú, lióng-chak mièn-yòng-kú, sṳ̍p-si chak yit-se thai ke se-yòng-kú, chhiòn-phu oi mò khiet-tiám ke.
[14] Ya oi hien yu-mien-fún kiâu kám-lám-yù ke su-chi: Tak-chak ngiù-kú phi sâm kûng-kîn yu-mien-fún; tak-chak mièn-yòng-kú phi lióng kûng-kîn yu-mien-fún;
[15] tak-chak se-yòng-kú phi yit kûng-kîn yu-mien-fún.
[16] Chhù-liáu phìn-sòng oi hien ke sêu-fa-chi, su-chi lâu chi-chiú yî-ngoi, hàn-oi hien yit-chak sân-yòng-kú cho su̍k-chhui-chi.
[17] Chiet-khì ke thi-ngi ngit, ngì-têu oi hien sṳ̍p-ngi chak se ngiù-kú, lióng-chak mièn-yòng-kú, sṳ̍p-si chak yit-se thai ke se-yòng-kú, chhiòn-phu oi mò khiet-tiám ke.
[18] Ya oi cheu se ngiù-kú, mièn-yòng-kú lâu se-yòng-kú ke su-muk hien só phi-ha̍p ke su-chi lâu chi-chiú.
[19] Chhù-liáu phìn-sòng oi hien ke sêu-fa-chi, su-chi lâu chi-chiú yî-ngoi, hàn-oi hien yit-chak sân-yòng-kú cho su̍k-chhui-chi.
[20] Chiet-khì ke thi-sâm ngit, ngì-têu oi hien sṳ̍p-yit chak se ngiù-kú, lióng-chak mièn-yòng-kú, sṳ̍p-si chak yit-se thai ke se-yòng-kú, chhiòn-phu oi mò khiet-tiám ke.
[21] Ya oi cheu se ngiù-kú, mièn-yòng-kú lâu se-yòng-kú ke su-muk hien só phi-ha̍p ke su-chi lâu chi-chiú.
[22] Chhù-liáu phìn-sòng oi hien ke sêu-fa-chi, su-chi lâu chi-chiú yî-ngoi, hàn-oi hien yit-chak sân-yòng-kú cho su̍k-chhui-chi.
[23] Chiet-khì ke thi-si ngit, ngì-têu oi hien sṳ̍p-chak se ngiù-kú, lióng-chak mièn-yòng-kú, sṳ̍p-si chak yit-se thai ke se-yòng-kú, chhiòn-phu oi mò khiet-tiám ke.
[24] Ya oi cheu se ngiù-kú, mièn-yòng-kú lâu se-yòng-kú ke su-muk hien só phi-ha̍p ke su-chi lâu chi-chiú.
[25] Chhù-liáu phìn-sòng oi hien ke sêu-fa-chi, su-chi lâu chi-chiú yî-ngoi, hàn-oi hien yit-chak sân-yòng-kú cho su̍k-chhui-chi.
[26] Chiet-khì ke thi-ńg ngit, ngì-têu oi hien kiú-chak se ngiù-kú, lióng-chak mièn-yòng-kú, sṳ̍p-si chak yit-se thai ke se-yòng-kú, chhiòn-phu oi mò khiet-tiám ke.
[27] Ya oi cheu se ngiù-kú, mièn-yòng-kú lâu se-yòng-kú ke su-muk hien só phi-ha̍p ke su-chi lâu chi-chiú.
[28] Chhù-liáu phìn-sòng oi hien ke sêu-fa-chi, su-chi lâu chi-chiú yî-ngoi, hàn-oi hien yit-chak sân-yòng-kú cho su̍k-chhui-chi.
[29] Chiet-khì ke thi-liuk ngit, ngì-têu oi hien pat-chak se ngiù-kú, lióng-chak mièn-yòng-kú, sṳ̍p-si chak yit-se thai ke se-yòng-kú, chhiòn-phu oi mò khiet-tiám ke.
[30] Ya oi cheu se ngiù-kú, mièn-yòng-kú lâu se-yòng-kú ke su-muk hien só phi-ha̍p ke su-chi lâu chi-chiú.
[31] Chhù-liáu phìn-sòng oi hien ke sêu-fa-chi, su-chi lâu chi-chiú yî-ngoi, hàn-oi hien yit-chak sân-yòng-kú cho su̍k-chhui-chi.
[32] Chiet-khì ke thi-chhit ngit, ngì-têu oi hien chhit-chak se ngiù-kú, lióng-chak mièn-yòng-kú, sṳ̍p-si chak yit-se thai ke se-yòng-kú, chhiòn-phu oi mò khiet-tiám ke.
[33] Ya oi cheu se ngiù-kú, mièn-yòng-kú lâu se-yòng-kú ke su-muk hien só phi-ha̍p ke su-chi lâu chi-chiú.
[34] Chhù-liáu phìn-sòng oi hien ke sêu-fa-chi, su-chi lâu chi-chiú yî-ngoi, hàn-oi hien yit-chak sân-yòng-kú cho su̍k-chhui-chi.
[35] Chiet-khì ke thi-pat ngit, ngì-têu oi chhi-si̍p kin-pai, ngit-sòng yit-chhiet ke kûng-chok tû m̀-hó cho.
[36] Oi hien sêu-fa-chi cho chhîn-hiông ke fó-chi, sṳ́ Song-chú fôn-hí. Oi hien yit-chak se ngiù-kú, yit-chak mièn-yòng-kú, chhit-chak yit-se thai ke se-yòng-kú, chhiòn-phu oi mò khiet-tiám ke.
[37] Ya oi cheu se ngiù-kú, mièn-yòng-kú lâu se-yòng-kú ke su-muk hien só phi-ha̍p ke su-chi lâu chi-chiú.
[38] Chhù-liáu phìn-sòng oi hien ke sêu-fa-chi, su-chi lâu chi-chiú yî-ngoi, hàn-oi hien yit-chak sân-yòng-kú cho su̍k-chhui-chi.
[39] Liá-têu he yû-koân ngì-têu chhai kûi-thin ke chiet-khì yin-kôi hiong Song-chú hien sêu-fa-chi, su-chi, chi-chiú, lâu phìn-ôn-chi ke thiàu-li. Liá-têu he ngì-têu vàn-ngien lâu kâm-sîm hien ke chi yî-ngoi ku-thin oi hien ke.
[40] Mô-sî chhiu chiông Song-chú min-lin kì ke fa chhiòn-phu fûn-fu Yî-set-lie̍t-ngìn.