[1] Yû yit-ngit, Yâ-lu-Pâ-li̍t — chhiu-he Kî-thien — lâu só-yû thèn kì ke ngìn tá-chó hong-hí-lòi, chhai Ha̍p-li̍t chhièn-súi sùn ôn-yàng. Mí-thien-ngìn ke yàng-thi chhai sân-lak tú, chhai kì-têu pet-phién, vá-khiun Mô-li sân-kông.
[2] Song-chú tui Kî-thien kóng: “Lòi-thèn ngì ke ngìn thet-tô lé; na-he Ngài chiông Mí-thien-ngìn kâu chhai kì-têu sú-chûng, Yî-set-lie̍t-ngìn voi chhṳ-khoâ kóng, ke he kho kì-têu chhṳ-kâ ke li̍t-liong tá-yàng ke.
[3] Liá-ha ngì oi hiong ngìn-mìn kóng: ‘Mò-tám kiâng-sí ke ngìn, cho-tet chón-hi, lì-khôi Kî-lie̍t-sân.’ ” Kiet-kó yû lióng-van lióng-chhiên ngìn chón-hi, chúng-he hàn-yû yit-van ngìn liù hâ-lòi.
[4] Song-chú yu tui Kî-thien kóng: “Thèn ngì ke ngìn hàn-he thet-tô. Tai kì-têu to súi-piên hi; Ngài oi chhai ke-vi vi ngì chiông kì-têu fûn khôi-lòi. Na-he Ngài lâu ngì kóng liá-ke ngìn cho-tet lâu ngì hi, kì chhiu cho-tet hi; na-he Ngài kóng liá-ke ngìn mò yin-kôi hi, kì chhiu cho-m̀-tet hi.”
[5] Kî-thien chiông thèn kì ke ngìn tai-to súi-piên; Song-chú tui kì kóng: “Ngì oi chiông ke-têu chhiong kiéu án-ngiòng yung sa̍t-mà sê-súi ke lâu ke-têu khúi-hâ lîm-súi ke fûn khôi-lòi.”
[6] Yû sâm-pak ke ngìn yung sú púng súi lòi-sê, khì-thâ ke chhiòn-phu khúi-hâ phu̍k-tén lîm.
[7] Song-chú tui Kî-thien kóng: “Ngài oi yung liá sâm-pak ke yung sú púng súi sê ke ngìn kiu ngì-têu, chiông Mí-thien-ngìn kâu chhai ngì-têu sú-chûng; ham khì-thâ ke ngìn chhiòn-phu chón-to chhṳ-kâ ke só-chhai hi.”
[8] Só-yî Kî-thien liù-hâ sâm-pak ke ngìn pó-kón pú-kip-phín lâu ho-kok, ham khì-thâ ke Yî-set-lie̍t-ngìn kié-san chón-to chhṳ-kâ ke chong-phùng hi. Mí-thien-ngìn ke yàng-thi chhai kì-têu hâ-poi ke sân-lak tú.
[9] Ke-ngit am-pû, Song-chú min-lin Kî-thien: “Hong-hí-lòi! Hâ-hi kûng-tá Mí-thien-ngìn ke yàng-thi; Ngài yí-kîn chiông kì-têu kâu chhai ngì ke sú-chûng.
[10] Na-he ngì m̀-kám hi kûng-tá, ngì chhiu siên tai ngì ke phu̍k-ngìn Phù-lâ hâ-hi to Mí-thien-ngìn ke yàng ke-vi.
[11] Ngì thâng kì-têu ke kóng-fa, ngì chhiu voi yû yúng-hi hâ-hi kûng-tá lé.” Só-yî Kî-thien tai-tén kì ke phu̍k-ngìn hi-to thi̍t-ngìn yàng-thi ke piên-sùn.
[12] Mí-thien-ngìn, Â-mâ-li̍t-ngìn, lâu só-yû tûng-fông ke yù-mu̍k mìn-chhu̍k phiên-mân chhai sân-lak tú, chhiong yit-khiùn chhó-máng án-tô; kì-têu ke lo̍k-thò tô-to chhiong hói-sùn ke sâ-é.
[13] Kî-thien hi-to ke sṳ̀, thâng-tó yû-ngìn tui kì ke phèn-yû kóng-hí só-pot ke mung. Ke-ngìn kóng: “Ngài pot-mung khon-tó yit-te thai ma̍k-piáng lin-ngi̍p ngài-têu Mí-thien-ngìn ke yàng-thi, chhong-tó chong-phùng, chong-phùng chhiu vang-to pién chón-lòi.”
[14] Kì ke phèn-yû en-kóng: “Liá mò phe̍t ke yi-sṳ, yit-thin he Yî-set-lie̍t-ngìn Yok-â-sṳ̂ ke lai-é Kî-thien ke tô-é! Song-ti yí-kîn chiông Mí-thien-ngìn lâu ngài-têu ke kiûn-chhui chhiòn-phu kâu chhai kì ke sú-chûng.”
[15] Thâng-tó ke-sà ke mung lâu kié-sṳt yî-heu, Kî-thien chhiu khúi hâ-lòi kin-pai Song-ti. Kì chón-to Yî-set-lie̍t yàng-tú, tui kì-têu kóng: “Hong hí-lòi! Song-chú chiông Mí-thien ke kiûn-chhui kâu chhai ngì-têu sú-chûng lé!”
[16] Kî-thien chhiu chiông sâm-pak ke ngìn fûn-cho sâm-chhui, chiông yit-kî ho-kok lâu yit-chak tî-poi yû fó-pá ke âng-é kâu-pûn tak-sà ngìn.
[17] Kì lâu kì-têu kóng: “Ngài to thi̍t-ngìn yàng-thi piên-sùn ke sṳ̀, ngì-têu khon ngài án-ngiòng cho, ngì-têu chhiu thèn ngài cho.
[18] Tông ngài lâu thèn ngài ke ngìn phùn ho-kok ke sṳ̀, ngì-têu chhai yàng-thi si chû-vì ya chhiòn-phu oi phùn ho-kok, yèn-heu thai-sâng hêm: ‘Vi Song-chú! Vi Kî-thien!’ ”
[19] Kî-thien lâu kì tai-liâng ke yit-pak ngìn, chhai pan-ya yî-chhièn, ví-pîn von-pân yî-heu, lòi-to yàng-thi piên-sùn. Kì-têu phùn ho-kok, tá-lan sú-chûng ke âng-é;
[20] khì-thâ lióng-chhui ya cheu án-ngiòng cho. Kì-têu chó-sú khià fó-pá, yu-sú nâ ho-kok, thai-sâng hêm: “Vi Song-chú chhṳ̀ thi̍t-ngìn! Vi Kî-thien chhṳ̀ thi̍t-ngìn!”
[21] Kì-têu chhai yàng-thi si chû-vì khî chhai tak-sà ke vi-é chóng-tén; thi̍t-kiûn chhiu lon-chhong, thai-sâng hêm, thò-chéu.
[22] Sâm-pak ngìn phùn ho-kok ke sṳ̀, Song-chú sṳ́ thi̍t-kiûn chhṳ-kâ ngìn chhṳ̀ chhṳ-kâ ngìn. Kì-têu hiong Sî-li-lâ fông-hiong thò-chéu, yit-chhṳ̍t chéu-to Pak-Sṳ-thâ lâu Thâ-pâ fu-khiun ke Â-pak-Mí-hò-lâ.
[23] Nâ-fut-thâ-li, Â-sat lâu Mâ-nâ-sî chhiòn-thi ke Yî-set-lie̍t-ngìn chhi-si̍p, hi-kiuk Mí-thien-ngìn.
[24] Kî-thien phai-ngìn to Yî-fap-lièn sân-khî tak só-chhai, tui kì-têu kóng: “Hâ-lòi kûng-tá Mí-thien-ngìn! Chóng-tén Yok-tan-hò ke thu-sòn-thèu, chhṳ̍t-to Pak-Pâ-lâ, fòng-chṳ́ Mí-thien-ngìn ko-hò.” Yî-fap-lièn só-yû ke ngìn chhiu si̍p-ha̍p hí-lòi, chóng-tén Yok-tan-hò thu-sòn-thèu, yit-chhṳ̍t to Pak-Pâ-lâ.
[25] Kì-têu chok-tó Mí-thien-ngìn ke lióng-ke liâng-chhiu — Ngò-li̍p lâu Sî-yî-pak. Kì-têu chhai Ngò-li̍p-ngàm chhṳ̀-sí Ngò-li̍p, chhai Sî-yî-pak cha-chiú-chhṳ̀ chhṳ̀-sí Sî-yî-pak. Kì-têu ki-siu̍k tûi Mí-thien-ngìn, yu chiông Ngò-li̍p lâu Sî-yî-pak ke thèu-nà tai-to Yok-tan-hò tûng-phién pûn Kî-thien.