[1] Yû yit-ke ngìn miàng ôn-to Mí-kâ, he̍t chhai Yî-fap-lièn sân-khî.
[2] Kì tui â-mê kóng: “Yû-ngìn thêu ngì yit-chhiên yit-pak chak ngiùn-pi, ngài thâng-tó ngì chu-chú ke chhe̍t-é. Ngì khon, ngiùn-pi chhai ngài liá-vi, he ngài nâ-hi ke.” Kiâ-mê kóng: “Lai-é â, ngien Song-chú su-fuk pûn ngì!”
[3] Mí-kâ chhiu chiông yit-chhiên yit-pak chak ngiùn-pi vàn-pûn â-mê. Kiâ-mê kóng: “Vi-tó sû-chón lai-é yin-kôi su ke chu-chú, ngài sṳ̀n-sîm chiông ngiùn-pi hien-pûn Song-chú, lòi tiâu-khiet yit-chak ngiéu-siong, nang-ngoi chu-chho yit-chak ngiéu-siong. Liá-ha ngài chiông liá-têu ngiùn-pi kâu-pûn ngì.”
[4] Mí-kâ chiông ngiùn-pi vàn-pûn â-mê, â-mê nâ lióng-pak chak ngiùn-pi pûn yit-ke ngiùn-siong, ham kì tiâu-khiet yit-chak ngiéu-siong yu chu-chho yit-chak ngiéu-siong. Liá-têu ngiéu-siong chhiu piong chhai Mí-kâ ke vuk-hâ.
[5] Liá-ngìn Mí-kâ yû chhṳ-kâ ke sṳ̀n-meu; kì hàn chho yit-têu kâ-chûng ke sṳ̀n-siong lâu yit-liâng yî-fut-tet, yu chṳ́-thin kì yit-ke lai-é cho chi-sṳ̂.
[6] Ke-sṳ̀, Yî-set-lie̍t hàn-màng yû kiûn-vòng, tak-sà cheu chhṳ-kâ só fôn-hí ke hi-cho.
[7] Thùng-sṳ̀, Yù-thai ke Pak-li-hèn-sàng yû yit-ke heu-sâng ke Li-vi-ngìn;
[8] kì lì-khôi Pak-li-hèn, sióng chhìm phe̍t ke thi-fông he̍t. Chhai lu-thù chûng, kì hàng-to Yî-fap-lièn sân-khî, to Mí-kâ ke vuk-hâ.
[9] Mí-kâ mun kì: “Ngì tui nai-vi lòi?” Kì en-kóng: “Ngài he Li-vi-ngìn, tui Yù-thai ke Pak-li-hèn lòi; ngài oi chhìm vi-só he̍t.”
[10] Mí-kâ kóng: “Ngì chhiu he̍t chhai ngài liá-vi â! Ngì cho ngài ke ku-mun lâu chi-sṳ̂; ngài tak-ngièn pûn ngì sṳ̍p chak ngiùn-pi, ya pûn ngì kí-sṳ̂n sâm-fu lâu sṳ̍t-vu̍t.”
[11] Liá heu-sâng Li-vi-ngìn tap-yin liù chhai Mí-kâ vuk-hâ, Mí-kâ khoán-thai kì chhiong chhṳ-kâ ke lai-é.
[12] Mí-kâ phai kì cho chi-sṳ̂, kì chhiu he̍t chhai Mí-kâ vuk-hâ.
[13] Mí-kâ kóng: “Liá-ha ngài yû yit-ke Li-vi-ngìn cho ngài ke chi-sṳ̂ lé, Song-chú yit-thin voi su-fuk pûn ngài!”