[1] Hakilitigiya ye a ka so jɔ, ka a samasen wolonwula dɛsɛ.
[2] A ye a ka baganw faga, k’ a ka diwɛn kolonso ka a ka tabali labɛn.
[3] A ye a ka baarakɛ musow ci ka taa dugu kɔnɔ yɔrɔ kɔrɔtalenw na, ka pɛrɛn ko:
[4] «Kodɔnbali ka don yan.» A y'a fɔ hakilintanw ye ko:
[5] «A' ye ne ka dumuni kɛ, ka ne ka diwɛn kolonsolen min.
[6] Aw ka hakilintanya kow to yen ka ɲɛnamaya, ka taama faamuli sira fɛ.»
[7] Mɔgɔ min bɛ nparabɔla laadi, o bɛ nenili sɔrɔ, min bɛ mɔgɔ jugu kɔrɔfɔ, o bɛ maloya sɔrɔ.
[8] I kana nparabɔla kɔrɔfɔ walisa a kana i koniya, nka hakilitigi kɔrɔfɔ, a na i kanu.
[9] I ka hakilitigi kalan, a na kɛ hakilitigiba ye. I ka mɔgɔ tilennen kalan, o na a ka dɔnniya bonya.
[10] Matigi ɲɛsiran ye hakilitigiya daminɛ ye. Ala Senuma dɔnniya ye faamuli ye,
[11] k'a masɔrɔ i si tilew na caya ne barika la, i na si san caman sɔrɔ.
[12] Ni i ye hakilitigi ye, i ka hakilitigiya nafa bɛ i yɛrɛ kan, ni i ye nparabɔlikɛla ye, i kelenpe na o doni ta.
[13] Hakilintanya bɛ i ko muso malobali, sabu a tɛ foyi dɔn.
[14] A bɛ i sigi a ka so da la, a bɛ sigi sigilan kan dugu yɔrɔ kɔrɔtalen san fɛ.
[15] Mɔgɔ minw tilennen bɛ ka taa u yɛrɛw ka sira fɛ, a bɛ olu wele ko:
[16] «Mɔgɔ min tɛ ko dɔn, o ka na don yan.» A b'a fɔ hakilintanw ye ko:
[17] «Ji sonyalen ka di, den juguya dumuni ka timi.»
[18] O bɛɛ n'a ta, o mɔgɔ m'a dɔn ko a bɛ taa fara mɔgɔ salenw kan, ko o muso ka mɔgɔ welelenw bɛ taa don lahara dugu cɛmancɛ la.