[1] Masakɛ dusukun bɛ Matigi bolo i ko ji woyo, yɔrɔ o yɔrɔ ka di a ye, a b'a yɛlɛma ka taa yen.
[2] Mɔgɔ ka sira bɛɛ tilennen don a yɛrɛ ɲɛ na, nka dusukun sɛgɛsɛgɛbaa ye Matigi de ye.
[3] Ka ko bɛnnenw ni ko tilennenw kɛ, o de ka di Matigi ye ka tɛmɛn sarakaw kan.
[4] Ɲɛmalobali ni dusukun kuncɛba, olu bɛ mɔgɔ jugu ka jurumu jira.
[5] Min timinan ka di baara la, o ka ko latigɛlenw bɛ a kɛ fɛntigi ye, nka mɔgɔ minw bɛɛ bɛ kɔrɔtɔ ka ko kɛ, kɔli na olu sɔrɔ.
[6] Nanbarala nafolo sɔrɔlen bɛ i ko fiɲɛ tɛmɛnta, saya tugulen bɛ a kɔ.
[7] Mɔgɔ juguw ka fariya kow na u gɛn ka bɔ yen, k'a masɔrɔ u tɛ sɔn ka ko tilennenw kɛ.
[8] Mɔgɔ juguw ka siraw dulen don, nka mɔgɔ jɛlenw ka baara tilennen don.
[9] Ka sigi so kun na dɔgɔdɔgɔni la, o ka fisa ni muso dala ko caman fɛ sigili ye soba kɔnɔ.
[10] Mɔgɔ jugu bɛ ko jugu kanu, a sigiɲɔgɔn tɛ hɛrɛ sɔrɔ a fɛ.
[11] Ni i ye nparabɔla ɲɛgwan, nalonma bɛ hakili sɔrɔ, ni i ye hakilitigi kalan, a na dɔnniya sɔrɔ.
[12] Tilennenyatigi b'a ɲɛ jɔ mɔgɔ jugu ka so la, Matigi bɛ mɔgɔ jugu halaki joona.
[13] Mɔgɔ min bɛ a tulo tugu faantan kulokan na, o yɛrɛ fana na kulo, nka a tɛna jaabi.
[14] Nili fɛn bɛ dimiya mada, surɔ fɛn min dira dogo la, o bɛ dusubɔ ko mada.
[15] Tilennenya ko kɛ ye mɔgɔ tilennen nisɔndiya ko ye, nka o ye tilenbaliya kɛbaaw siran ko ye.
[16] Mɔgɔ min filila ka hakilitigiya sira bila, o tigi na sigi suw cɛma.
[17] Ɲɛnajɛ ko ka di mɔgɔ min ye, o na kɔli, diwɛn ni tulu ko ka di min ye, o tigi tɛna fɛntigiya.
[18] Mɔgɔ jugu na kɛ mɔgɔ tilennen kunmabɔli sara ye, nkalontigɛla na kɛ mɔgɔ jalakibali ta ye.
[19] Ka sigi kungokolon kɔnɔ, o ka fisa ni muso dala ko caman dusuba fɛ sigili ye.
[20] Nafolo yɛrɛwolo ni tulu bɛ sɔrɔ hakilitigi ka so kɔnɔ, nka hakilintan bɛ a taw bɛɛ dun ka u ban.
[21] Mɔgɔ min bɛ tilennenya ni ɲumaya ɲini, o tigi na ɲɛnamaya ni tilennenya ni bonyaba sɔrɔ.
[22] Hakilitigi bɛ don mɔgɔ barikamaw ka dugu kɔnɔ, u jigi bɛ fanga min kan, a bɛ o tiɲɛn.
[23] Mɔgɔ min bɛ a da ni a nɛnkun kɔlɔsi, o bɛ a ni kisi tɔɔrɔ ma.
[24] Min bɛ yɛrɛ jiranciya sira taama, o bɛ wele ko nparabɔla kuncɛba.
[25] Salabaatɔ nege b'a faga, k'a masɔrɔ a bolo tɛ sɔn ka baara kɛ.
[26] A bɛ tile ka ɲɛ bɔ fɛnw fɛ, a tɛ wasa, nka mɔgɔ tilennen bɛ nili kɛ, a tɛ a tɛgɛ gɛlɛya.
[27] Mɔgɔ jugu ka saraka haramulen don, janko ni a y'a bɔ ni miirili jugu ye.
[28] Seere nkalontigɛla na halaki, nka mɔgɔ min bɛ ko lakali a cogo la, o bɛ se ka kuma tuma bɛɛ.
[29] Mɔgɔ jugu bɛ a ɲɛkolo gɛlɛya, nka mɔgɔ tilennen ka siraw na sabati.
[30] Hakilitigiya wo, dɔnniya wo, laadili ɲuman wo, olu si tɛ se ka Matigi sago bali.
[31] Yɛlɛnkan so bɛ labɛn kɛlɛ don kama, nka se sɔrɔli bɛ Matigi bolo.