[1] Ni i y'i sigi faama fɛ dumuni la, fɛn minw bɛ i ɲɛ kɔrɔ, i ka i yɛrɛ kɔlɔsi olu la.
[2] Ni i kɛra mɔgɔ nuguma ye, i ka muru da i kan na.
[3] A ka dumuni ɲuman nege kana kɛ i la k'a masɔrɔ o dumuni bɛ mɔgɔ lafili.
[4] I kana i yɛrɛ sɛgɛn fɛntigiya ɲinili la, i kana i jigi da o kan.
[5] I ɲɛ bɛ bɔ o fɛ wa? A tɛ ye tun k'a masɔrɔ a bɛ kamanfuraw bɔ ka taa, i ko bɔn bɛ pan san fɛ cogo min na.
[6] I kana tɛgɛma gɛlɛn ka dumuni kɛ, a ka fɛn ɲumanw nege kana i minɛ,
[7] katuguni a da bɛ min fɔ, o tɛ a miirili ye. A b'a fɔ i ye ko: «A dumu, a dumu, a min, a min,» nka a dusukun tɛ i fɛ.
[8] I ye lɔgɔma min dun, i na o fɔɔnɔ, i ka tanuli kuma na kɛ fuu ye.
[9] I kana i ka kuma fɔ hakilintan ɲɛ na, k'a masɔrɔ a na i ka hakilitigiya kuma lagosi.
[10] I kana dugukolo dan kɔrɔw yɛlɛma, i kana don falatɔw ka foro la,
[11] k'a masɔrɔ u hakɛbɔbaa barika ka bon, a na u lafasa i la.
[12] I ka i dusu sin kalan ma, ka i tulo majɔ dɔnniya kumaw la.
[13] I kana siga denmisɛn kololi la, hali ni i ye a gosi ni bere ye, a tɛna sa.
[14] Ni i y'a gosi ni bere ye, i na a ni kisi saya ma.
[15] Ne denkɛ, ni i dusukun ye hakiliman ye, ne yɛrɛ dusukun na nisɔndiya.
[16] Ni i dawolo ye kuma tilennenw fɔ, ne dusukun na ɲagali.
[17] Jurumukɛlaw keleya kana kɛ i dusukun na, nka Matigi ɲɛsiran ka kɛ a la tuma bɛɛ,
[18] k'a masɔrɔ siga t'a la sini na se, i jigi tɛna i maloya.
[19] Ne denkɛ, i ka lamɛnni kɛ ka hakili sɔrɔ, ka i dusukun tilen sira ɲuman kan.
[20] I ni dɔlɔtɔw kana jɛ, wala mɔgɔ nuguma minw tɛ fa dumuni dumanw la,
[21] k'a masɔrɔ kɔli na dɔlɔtɔw ni nugumaw sɔrɔ, kolonya bɛ fɛɛrɛ bila mɔgɔ la.
[22] I ka i fa ka kuma lamɛn, ale de ye i bange, hali ni i ba kɔrɔla, i kana a dɔgɔya.
[23] I ka tiɲɛ san, i kana a feere, ka hakilitigiya ni kalan ani faamuli fana san.
[24] Mɔgɔ tilennen fa bɛ ɲagali kosɛbɛ. Mɔgɔ min ye den hakilitigi bange, o na ɲagali a den kosɔn.
[25] I fa ni i ba ka ɲagali, i bangeba ka nisɔndiya.
[26] Ne denkɛ, i ka i dusukun di ne ma, ka i ɲɛ to ne ka siraw la,
[27] k'a masɔrɔ jatɔmuso ye dingɛ dunba ye, dunanmuso ye kɔlɔn da misɛnin ye.
[28] O muso bɛ i dogo i ko binkannikɛla, a bɛ mɔgɔ caman kɛ kanntanw ye.
[29] Jɔn bɛ kulo ko: «Ne ta tiɲɛnna?» Jɔn b'a fɔ ko: «Wonba?» Jɔn bɛ kɛlɛ kɛ? Dusukasi bɛ jɔn kan? Jɔn joginnen don ni kun t'a la? Jɔn ɲɛ bilennen don?
[30] Minw bɛ mɛn dɔlɔ kan k'a min, minw bɛ minni fɛn farinma sifa caman kolonso u yɛrɛw kɔnɔ, o don.
[31] Ni diwɛn ɲɛ bilennen bɛ kanga jifilen kɔnɔ, ni a bɛ furufuru tuma min na, i kana a filɛ.
[32] A laban na, a bɛ mɔgɔ cin i ko sa, ka sɔgɔli kɛ i ko sa jugu.
[33] I ɲɛ na fɛn kunntanw ye, i hakilila kow na ɲaami.
[34] I na kɛ i ko mɔgɔ min dalen bɛ kɔgɔji cɛmancɛ la, i ko min dalen bɛ kurun kunna birifini san fɛ jiri kan.
[35] A ko: «U ye ne gosi, o ma ne dimin. U ye ne gosi, ne ma bɔ o seere ma, ni ne kununna, ne na taa dɔ min ko kura.»