[1] Kelenna mɔgɔ bɛ a yɛrɛ negela kow kɛ, a bɛ hakilitigiya bɛɛ kɛlɛ.
[2] Dɔnniya ko man di hakilintan ye, nka a yɛrɛ kɔnɔna kow jirali kɛnɛkan, o de ka di a ye.
[3] Ni mɔgɔ jugu nana, dɔgɔyali fana bɛ na. Maloya bɛ na ni mafiɲɛyali ye.
[4] Mɔgɔ dala kumaw bɛ i ko ji dunba. Hakilitigiya bɛ woyo i ko kɔji.
[5] Ka jo di mɔgɔ jugu ma, o man ɲi, ka mɔgɔ tilennen jalaki kiri la, o fana man ɲi,
[6] Hakilintan da bɛ kɛlɛ lawuli, a da bɛ bugɔli wele.
[7] Hakilintan da bɛ a yɛrɛ halaki, a dabara bɛ jan da a ni ɲɛ.
[8] Naafigi ka kumaw bɛ i ko lɔgɔma timimanw, u bɛ don mɔgɔ nugu la.
[9] Mɔgɔ min timinan man di a ka baara la, o ye tiɲɛnnikɛla balima ye.
[10] Matigi tɔgɔ ye kɛlɛ kunbɛn so ye, mɔgɔ tilennen bɛ i dogo yen ka kisi.
[11] Nafolobatigi bolo fɛnw ye a ka dugu barikama de ye, u bɛ i ko kɛlɛ kunbɛn kogo jan a ɲɛ na.
[12] Mɔgɔ min dusukun falen bɛ kuncɛbaya la, o bɛ halakili makɔnɔ, nka mɔgɔ majiginlen na nɔɔrɔ sɔrɔ ciyɛn ye.
[13] Mɔgɔ min bɛ jaabili kɛ sani a ka lamɛnni kɛ, o ye hakilintan ye, a na maloya lase a yɛrɛ ma.
[14] Mɔgɔ ni b'a mara bana waati la, nka jɔni bɛ se ka jigi tigɛlen ja gɛlɛya?
[15] Hakilitigi dusukun bɛ dɔnniya sɔrɔ. Mɔgɔ hakiliman tulo bɛ dɔnniya ɲini.
[16] Mɔgɔ ka bonyali fɛn bɛ dayɛlɛ a ye, k'a ladon mɔgɔbaw ɲɛ kɔrɔ.
[17] Mɔgɔ min fɔlɔ bɛ a ka kiri ko lakali, i b'a fɔ ko jo bɛ o fɛ, nka ni a kiriɲɔgɔn kumana, i bɛ o ko sɛgɛsɛgɛ ka se a dan na.
[18] Kala dali bɛ sɔsɔli ban, ka setigiw ni ɲɔgɔn cɛ ko latigɛ.
[19] Balima tɔɲɔlen diminnen yafa ka gɛlɛn ka tɛmɛn dugu barikama minɛli kan, kɛlɛ kow ka gɛlɛn i ko masaya so kon balabalaw.
[20] Mɔgɔ bɛ fa a yɛrɛ dala kuma mɔ la, a na wasa a dawolo tɔnɔ la.
[21] Nɛnkun bɛ se ka kɛ ɲɛnamaya wala saya sababu ye, kuma ka di mɔgɔ min ye, i ka i sigi ka a kunkanko makɔnɔ.
[22] Mɔgɔ min bɛ muso sɔrɔ, o bɛ fɛn ɲuman sɔrɔ, o tigi kunnadiyara Matigi fɛ.
[23] Faantan bɛ kuma ni yɛrɛ majiginlenya ye, nka nafolotigi bɛ kuma gɛlɛn fɔ.
[24] Teri caman bɛ mɔgɔ min fɛ, o ye a ka bɔnɛ de ye, nka teri dɔ bɛ yen, o bɛ nɔrɔ i la ka tɛmɛn i balima kan.