[1] Solomani ye a ka masaya so fana jɔ. A ye san tan ni saba kɛ a jɔli la.
[2] A ye Liban tu kɔnɔ so fana jɔ. O janya tun ye nɔnkɔnɲɛ kɛmɛ ye. A bonya tun ye nɔnkɔnɲɛ biduuru ye, a jɔ kundama tun ye nɔnkɔnɲɛ bisaba ye. O so sigira sedere jiri samasen sira naani kan. Sedere jiri fɛrɛnw dara samasenw kan ka kɛ cɛtigɛ jiriw ye.
[3] So doni tun bɛ samasen minw kan, olu tun ye samasen binaani ni duuru ye. O sira bɛɛ kelen-kelen tun ye samasen tan ni duuru ye. O so bili jiri tun ye sedere jiri fɛrɛnw ye.
[4] Soden saba tun bɛɲɔgɔn san fɛ, u finɛtiriw tun bɛɲɔgɔn kuntilenna la.
[5] Kon ni kondon jiriw bɛɛ dilara ni jiri seleke naanimaw ye. U finɛtiriw tun bɛɲɔgɔn kuntilenna la, olu kɛra sira saba ye.
[6] A ye bonba samasenma jɔ. O janya tun ye nɔnkɔnɲɛ biduuru ye, a bonya tun ye nɔnkɔnɲɛ bisaba ye ka waranda kɛ a la ka o bili.
[7] Solomani ye so wɛrɛ fana jɔ k'a kɛ masasigilan yɔrɔ ye. A tun bɛ kiri tigɛ yen ka kiri kow ɲɛnabɔ. A ye o yɔrɔ bɛɛ datugu ni sedere jiri ye, ka bɔ duguma fo ka se a bili ma.
[8] Solomani yɛrɛ sigi so tun bɛ du filanan kɔnɔ kiri tigɛ bon kɔ fɛ. O jɔ cogo ni so tɔw ta tun ye kelen ye. A ye Faraon denmuso min furu, a ye so min jɔ o ye, o tun bɛ i ko masakɛ ka so.
[9] O sow bɛɛ jɔra ni kabakurunɲɛnatɔmɔlen dɛsɛnenw ye. U tun dɛsɛra ka kɛɲɛ ni u suma hakɛ ye, u fan fila silen tun don ni silan ye. K'a daminɛ sow duguma la fo ka se u bili ma, o bɛɛ jɔra ni o kabakurunw ye ani dukɛnɛba lamini kogo fana.
[10] O sow jusigilanw fana kɛra kabakurunw belebelebaɲɛnatɔmɔlen dɛsɛnenw ye. O kabakurun dɔw janya tun ye nɔnkɔnɲɛ tan ye, dɔw tun ye nɔnkɔnɲɛ segin ye.
[11] Kabakurun minw dara o jusigilan kan, olu fana tun ye kabakurunɲɛnatɔmɔlen dɛsɛnenw ye. Sedere jiriw dara o jusigilan kan.
[12] Du lamini kogo jɔra ni kabakurun dɛsɛnen sira saba ani sedere jiri fɛrɛn sira kelen ye, i ko Matigi ka so dukɛnɛ lamini kogo ani soɲɛfɛla dilara cogo min na.
[13] Masakɛ Solomani ye Hiram wele ka bɔ Tir ka na.
[14] O ka baara tun ye nsiranɛgɛ dilali ye. Muso cɛ salen dɔ tun bɛ Nefitali jamana la, o denkɛ don. A fa tun ye Tirka ye. Hakilitigi ko dɔnna tun don. A tun bɛ se maɲɛrɛ baara caman na ni nsiranɛgɛ ye. O taara masakɛ Solomani kɔrɔ ka o baara bɛɛ kɛ.
[15] Hiram ye nsiranɛgɛ samasen fila dila, o fɔlɔ jɔ kundama tun ye nɔnkɔnɲɛ tan ni segin ye. A cɛmancɛ suma juru tun ye nɔnkɔnɲɛ tan ni fila ye. A filanan fana tun bɛ ten.
[16] A ye nsiranɛgɛ kunna sigilan fila dila ka olu biri o samasenw kan. O kunna birilan jɔ kundama tun ye nɔnkɔnɲɛ duuru ye. A tɔ kelen ta fana tun ye nɔnkɔnɲɛ duuru ye.
[17] A ye jɔ dila ni nsiranɛgɛ juru ye ka jɔlɔkɔ dila k'a don o kunna birilanw na, o wolonwula tun bɛ samasen bɛɛ kelen-kelen na.
[18] Hiram ye gerenatiden bisigi sira fila kɛ o kunna birilanw bɛɛ kelen-kelen na ka o kɛ masafugula ye o samasenw kun na.
[19] O kunna birilanw kɛra i ko baga feere bisigi. U jɔ kundama tun ye nɔnkɔnɲɛ naani ye.
[20] O kunna birilan fila tun birila o samasen fila kun na. O gerenatiden bisigi kɛmɛ fila kɛra ka o kunna birilanw lamini u jukɔrɔ.
[21] Hiram ye o samasen fila jɔ Alabatosoba donda la. A ye samasen dɔ jɔ kinin yanfan fɛ ka o tɔgɔ da ko Jaken, ka samasen dɔ jɔ numan yanfan fɛ ka o tɔgɔ da ko Boaz.
[22] O kunna birilanw kɛra i ko baga feere bisigi. Ayiwa samasenw dilara ka ban.
[23] Hiram ye nsiranɛgɛ faa belebeleba dila. O bonya tun ye nɔnkɔnɲɛ tan ye, a koolilen tun don. A jɔ kundama tun ye nɔnkɔnɲɛ duuru ye. A cɛmancɛ lamini jurukisɛ tun ye nɔnkɔnɲɛ bisaba ye.
[24] A da lamininen tun don ni galamaden bisigi ye, nɔnkɔnɲɛ kelen, galamaden bisigi tan. O kɛra ka faa dawolo lamini. Galamaden bisigi sira fila tun b'a la k'a lamini. O bɛɛ dilaraɲɔgɔn na ni nsiranɛgɛ yeelenen ye.
[25] O faaba sigira nturaba bisigi tan ni fila kan. O ntura sabaɲɛ sinnen tun bɛ saheli ma, sabaɲɛ sinnen tun bɛ tilebi ma, sabaɲɛ sinnen tun bɛ worodugu ma, sabaɲɛ sinnen tun bɛ kɔrɔn ma. U bɛɛ kɔ sinnen tun bɛɲɔgɔn ma. O faaba sigilen tun bɛ u kan cɛmancɛ la.
[26] O faaba dawolo firin giriya tun ye tɛgɛfura da yɔrɔ kelen ye. A dawolo tun bɛ i ko jifilen baga feerema bisigi. O faabaɲɛ kelen ji tun bɛ litiri waa bisegin bɔ.
[27] O kɔ, Hiram ye nsiranɛgɛ wotoro misɛn tan dila. Wotoro kelen janya tun ye nɔnkɔnɲɛ naani ye, a bonya tun ye nɔnkɔnɲɛ naani ye, a jɔ kundama tun ye nɔnkɔnɲɛ saba ye.
[28] O wotoro misɛn dila cogo filɛ nin ye. A fan naani bɛɛ tun ye jiri fɛrɛn kelen-kelen ye. A seleke naani tun minɛnaɲɔgɔn na ni jiri fɛrɛn misɛnw ye.
[29] Waraba ni misi ani serubɛn jaw bisigi tun dilara o fan naani jiri fɛrɛnw la. O jaw tun bɛ a minɛ jiri fɛrɛn misɛnw bɛɛ la. A kɛra ten a sanfɛla jiriw la fana, warabaw ni misiw jukɔrɔ, a kɛra i ko fɛn dɛfɛlen dulonnen.
[30] O wotoro misɛn senw ni senw don nɛgɛ dilara ni nsiranɛgɛ ye. Talan dilara a seleke naani bɛɛ la walisa ka koli minan ta ani k'a lajigin. Jaw dilara o talanw fana la.
[31] Jusigilan tun bɛ o wotoro cɛmancɛ la. O jɔ kundama tun ye nɔnkɔnɲɛ kelen ye wotoro san fɛ. O jusigilan da tun ye nɔnkɔnɲɛ kelen ni tila ye. O jaw bisigiw fana tun bɛ o jusigilanw la. O jusigilanw tun ye seleke naani ye, u tun ma kooli.
[32] A sen naani tun bɛ o jiriw jukɔrɔ. Wotoro ni sen don nɛgɛw dilaraɲɔgɔn na. Wotoro senw jɔ kundama tun ye nɔnkɔnɲɛ kelen ni tila ye.
[33] A senw dilara i ko wotoroba sen dila cogo. Sen don nɛgɛw ni nɛgɛ koolilenw ni nɛgɛjuru misɛn minw bɛ don o sen koolilenw kɔnɔ ani senw cɛmancɛ nɛgɛw, olu bɛɛ tun dilaraɲɔgɔn na.
[34] Jusigilan naani tun bɛ wotoro jukɔrɔ.
[35] Fɛn koolilen dɔ kɛra ka jusigilan lamini, o jɔ kundama tun ye sibiriɲɛ kelen ye. O ni wotoro bɛɛ dilaraɲɔgɔn na.
[36] Hiram ye serubɛn ni waraba ani ntamaro sun jaw ni masiri fɛn bisigiw dila wotoro misɛnw fan naani la ka fɛn dɛfɛlen jaw kɛ ka o lamini a yɔrɔ lankolon bɛɛ la.
[37] Ayiwa, a ye o wotoro misɛn tan dila ni nɛgɛ yeelenen ye, u suma hakɛ ni u dila cogo bɛɛ tun ka kan.
[38] Hiram ye koli minan tan dila ni nsiranɛgɛ ye. Litiri waa kelen ni kɛmɛ wɔɔrɔ ji tun bɛ kɛ o koli minanw bɛɛ kelen-kelen kɔnɔ. O koli minan bɛɛ kelen-kelen bonya tun ye nɔnkɔnɲɛ naani ye. U bɛɛ kelen-kelen sigira jusigilan kelen-kelen kan.
[39] A ye o wotoro misɛn duuru sigi Alabatosoba kinin yanfan fɛ ka duuru sigi a numan yanfan fɛ. A ye faaba koolilen sigi Alabatosoba kinin yanfan fɛ, worodugu ni kɔrɔn cɛ seleke la.
[40] Hiram ye bugurijɛ cɛlanw ni bɔgɔ mugu cɛlanw ani tasaw fana dila. Hiram tun ka kan ka minan minw dila masakɛ Solomani ye Alabatosoba kama, a tilara olu la. O minan filɛ ninw ye,
[41] samasen fila ani u kunna birilan fila minw bɛ sigi samasenw kun na ani jɔ fila minw bɛ sigi o kunna birilanw kun na,
[42] ani gerenatiden bisigi kɛmɛ naani minw bɛ kɛ o kunna birilanw la ka u lamini samasen kun na,
[43] ani wotoro misɛn tan ani koli minan tan minw bɛ olu kɔnɔ
[44] ani faaba kelen min dilara ani a bɛ sigi misi tan ni fila minw kan,
[45] ani bugurijɛ cɛlanw ni bɔgɔ mugu cɛlanw ani tasaw. Solomani ye Hiram wele ka na Matigi ka so kɔnɔ minan minw dila, olu bɛɛ dilara ni nsiranɛgɛ yɛrɛwolo ye.
[46] Masakɛ ye u bɛɛ dila Sukɔt ni Zartan cɛ, Jurdɛn jɛkɛnɛ la.
[47] Solomani ma o minan si pese sabu u tun ka ca, a tun tɛ se ka o nsiranɛgɛ bɛɛ jate minɛ.
[48] Solomani ye minan wɛrɛw fana dila ni sanu ye Matigi ka so kɔnɔ, olu filɛ ninw ye, saraka bɔlan sanuma ani tabali sanuma, Ala ka buuru tun bɛ bila min kan,
[49] ani fitinɛ sanumaw ka u bila yɔrɔ senumaɲɛ fɛ, ka duuru bila kinin yanfan fɛ ka duuru bila numan yanfan fɛ ani jiri feere bisigiw ni u lanpaw ani u balan sanumaw.
[50] Jifilenw ni fitinɛ da bɔlanw ni tasaw ani bɛɛlɛw ni takami minanw, olu dilara ni sanu yɛrɛwolo ye. Kon sanniyɛrɛ minw bɛ don yɔrɔ senuma senuma kɔnɔ kon na ani Alabatosoba donda la kon na, olu bɛɛ dilara ni sanu ye.
[51] Masakɛ Solomani tun ye fɛn minw ko fɔ ka kɛ Matigi ka so la, olu bɛɛ dilara ka ban. O kɔ, Solomani fa Dawuda tun ye fɛn minw di Ala ma, warijɛ ni sanu ni minanw, a taara ni olu ye ka u bila Matigi ka nafolo mara yɔrɔw la.