[1] Ayiwa, masakɛ si tun tɛ Israɛl kun na o waati la. Levite dɔ taara i sigi Efrayim kulu jamana dan na. A ye jɔnmuso dɔ ta Juda ka dugu kɔnɔ Bɛtilɛhɛm.
[2] O muso ye kanntanya kɛ a la ka taa a fa ka so Juda ka dugu kɔnɔ Bɛtilɛhɛm ka kalo naani kɛ yen.
[3] O cɛ wulila ka taa a nɔ fɛ ko a bɛ o muso nɛgɛn ka na n'a ye ko kura. A ni a ka baaraden ni fali fila tun don. O muso ye u lajigin a fa ka du kɔnɔ. Denmuso fa ye cɛ ye tuma min na, o nali diyara a ye kosɛbɛ.
[4] O Levite birankɛ, a muso fa kɔni, o ye a senna minɛ a ka so ka tile saba kɛ yen. U tun bɛ dumuni kɛ ka minni kɛ ka si yen.
[5] A tile naaninan don u solila ka wuli, sabu Levite y'a latigɛ ko a bɛ taa. Muso fa y'a fɔ a birankɛ ye ko: «A' ye dumuni dɔɔnin kɛ walisa i ka i sɔn suma. O kɔ, i ka taa.»
[6] O tuma la o cɛ fila y'u sigi ka dumuni kɛ ka minni kɛɲɔgɔn fɛ. O muso fa y'a fɔ a birankɛ ye ko: «Aw ka su wɛrɛ kɛ walisa i dusu ka ɲagali.»
[7] O cɛ wulila ko a bɛ taa. A birankɛ y'a karaba, a sira yen tun.
[8] A tile duurunan don a solila ka wuli ko a bɛ taa. Muso fa y'a fɔ a ye ko: «Ne b'i deli ko i ka to yan dɔɔnin ka i sɔn suma fo ka tile jɛngɛ.» U ye dumuni kɛɲɔgɔn fɛ.
[9] O kɔ, o cɛ wulila ko a bɛ taa ni a ka jɔnmuso ni a ka baaraden ye. Nka muso fa, a birankɛ y'a fɔ a ye ko: «Tile bitɔ filɛ, su bɛ ɲini ka ko. Ne b'i deli i ka si yan, ɔwɔ, tile bira. I ka si yan walisa i ka i nisɔndiya. Sini sɔgɔma i na soli ka wuli ka sira minɛ. O tuma la i na i ka so sɔrɔ.»
[10] Nka muso cɛ tun t'a fɛ ka si yen. A wulila ka sira minɛ. A taara se fo Jebus kuntilenna la, o ye Jerusalɛm ye, a ni a ka fali tɛrɛfɛ tigi fila ni a ka jɔnmuso.
[11] Ka u to Jebus da fɛ, tile tun banna ka ban. Baaraden y'a fɔ a kuntigi ye ko: «An ka an yɛlɛma ka taa don Jebuskaw ka dugu kɔnɔ ka si yen.»
[12] A kuntigi y'a fɔ a ye ko: «An tɛ don jamana wɛrɛ dugu si kɔnɔ ni Israɛl bɔnsɔn dɔ tɛ yɔrɔ min na. An ka tɛmɛn ka taa Gibea.»
[13] A y'a fɔ a ka baaraden ye ko kura ko: «An ka taa Gibea wala Rama ka si o dɔ la.»
[14] U tɛmɛnna ka taa. Tile bira ka u to Gibea da fɛ, o tun ye Benjamɛn ka dugu dɔ ye.
[15] O tuma la u sinna Gibea la ko u bɛ si yen. U donna dugu kɔnɔ ka taa u sigi fɛrɛkɛnɛ la katuguni a tun ma jatigila sɔrɔ fɔlɔ.
[16] A filɛ, cɛkɔrɔba dɔ nana ka bɔ baara la a ka foro la wula fɛ. O tun ye Efrayim kulu jamana mɔgɔ dɔ ye. O sigilen tun bɛ Gibea. Yenkaw tun ye Benjamɛn bɔnsɔn ye.
[17] O cɛkɔrɔba y'a ɲɛ kɔrɔta ka o taamabaa ye dugu fɛrɛkɛnɛ la. A y'a fɔ o ye ko: «I bɛ taa min? I nana ka bɔ min?»
[18] O taamabaa y'a jaabi ko: «An tɛmɛntɔ don ka bɔ Bɛtilɛhɛm Juda ka jamana la ka taa Efrayim kulu jamana kɔ fɛ. Ne bangera yen, ne tun taara Bɛtilɛhɛm jamana la. Sisan ne bɛ kɔsegin ne ka so, nka ne ma jatigila sɔrɔ.
[19] O bɛɛ n'a ta, an ka faliw ka bin ni u ka dumuni bɛ an bolo. Dumuni min bɛ ne bolo, o bɛ ne ni ne muso ni ne ka baaraden kamalenw bɔ. O tɛ dɛsɛ an na.»
[20] O tuma la cɛkɔrɔba y'a fɔ a ye ko: «Hɛrɛ ka kɛ i ye. I mago na kɛ fɛn o fɛn na, ne na o bɛɛ di i ma. I kana si fɛrɛkɛnɛ la.»
[21] O tuma la a y'u lajigin a ka so ka dumuni di faliw ma. Taamabaaw ye u senw ko. O kɔ, u ye dumuni kɛ ka minni kɛ.
[22] U tilalen kɔ dumuni la ka u to baro la, dugu kɔnɔ mɔgɔw cɛ sɔnkolon dɔw nana o so lamini ka da gosigosi k'a fɔ o cɛkɔrɔba ye ko: «Sotigi, mɔgɔ min donna i ka so, i ka o labɔ yan walisa an ka a dɔn.»
[23] Sotigi bɔra ka taa u kɔrɔ k'a fɔ u ye ko: «Ayi ne balimaw, aw kana ko jugu kɛ, ne bɛ aw deli, k'a masɔrɔ o mɔgɔ donna ne ka so, aw kana nin maloya ko kɛ.
[24] Ne denmuso npogotigi ani o cɛ ka jɔnmuso filɛ ninw ye, ne na olu labɔ kɛnɛma aw ye. Aw ka olu tiɲɛn. Min ka di aw ye, aw ka o kɛ u la, nka aw kana nin maloya ko kɛ nin cɛ la.»
[25] Nka o mɔgɔw tun t'a fɛ ka a lamɛn. O tuma la o Levite y'a ka jɔnmuso labɔ kɛnɛma. U ye su bɛɛ kɛ ka da o muso fɛ k'a tɔɔrɔ fo ka dugu jɛ. O tuma la u y'a bila ka taa kɛnɛtigɛ da fɛ.
[26] Dugujɛ da fɛ, o muso nana ka i bi a cɛ sibon da la u jatigila la ka to yen fo ka dugu jɛ.
[27] Dugu jɛlen, a cɛ wulila ka so da yɛlɛ ko a bɛ sira minɛ ka taa, nka a muso kurulen filɛ so da la ka a bolow da kon kan.
[28] Cɛ y'a fɔ muso ye ko: «Wuli, an ka taa.» Nka muso ma jaabili si kɛ. Cɛ y'a ta k'a da a ka fali kan ka sira minɛ ka taa a ka so.
[29] O cɛ selen a ka so, a ye muru ta ka a ka jɔnmuso su minɛ k'a tigɛtigɛ k'a kɛ sara tan ni fila ye ka olu ci Israɛl bɔnsɔn bɛɛ ma.
[30] O yebaaw bɛɛ y'a fɔ ko: «An ma ninɲɔgɔn ye kabini Israɛl bɔnsɔn bɔra Misira jamana la fo ka na se bi ma. Aw ka miiri a la kaɲɔgɔn ye ka dɔ fɔ o ko la.»