[1] سونرا رب اَیّوبا ددی:
[2] «مگر تنبهه لایئق اولان آدام قادئری-موطلقله موباحئثه اده بئلر؟ قوی بونا تارینی مذمّت ادن جاواب ورسئن.»
[3] او زامان اَیّوب ربّه جاواب ورئب ددی:
[4] «باخ، من ذلئل بئر آدامام، سنه نه جاواب ورئم؟ آغزیمی اَلئمله توتموشام.
[5] بئر دفه دانیشدیم، داها جاوابیم یوخدور، آرتیق ائکئنجی دفه نه دانیشیم.»
[6] او زامان رب فیرلانان یِلئن ائچئندن اَیّوبا جاواب ورئب ددی:
[7] «ائندی کئشی کئمی بِلئنی باغلا؛ سندن سوروشاجاغام، سن ده منه جاواب وره‌جکسن.
[8] آیا عدالتئمی هچ سایاجاقسان؟ منی محکوم اده جکسن کی، اؤزونو حاقلی چیخارداسان؟
[9] آیا تارینین قولو کئمی قولون وار؟ آیا اونون سَسی کئمی سن ده گورولدایا بئلرسن؟
[10] اگر بله‌دئر، شؤوکت و حئشمته بورون، حؤرمت و عظمته گِیئن.
[11] قوی قضبئنئن آلووو ساچسین، بوتون مغرور آداملارا باخ و اونلاری آلچالت.
[12] بوتون مغرور آداملارا باخیب، اونلاری آشاغی اِندئر. پئس آداملاری اولدوقلاری یرده تَپئیئنئن آلتینا سال.
[13] هامیسینی بئرلئکده تورپاق آلتیندا باسدیر؛ اوزلرئنی گئزلی یرده کَفَنه بورو.
[14] او زامان من اؤزوم ده قبول اده‌رم کی، سنئن صاغ اَلئن سنه نئجات وِرَر.
[15] سنئنله بئرلئکده یاراتدیغیم بِهِموتا بئر باخ، اؤکوز کئمی اوت یِیئر.
[16] گؤر بِلئنده نه قدر گوج وار! قارین عَضَله‌لری نجه مؤحکمدئر!
[17] قویروغونو سئدر آغاجی کئمی دئکَر، بودلارینین وَتَرلری بئربئرئنه هؤرولوب.
[18] سوموکلری بورونج لوله‌لری کئمی‌دئر، قابیرغالاری، اله بئل، دمئر تئرلردئر.
[19] تارینین بؤیوک عمللرئنئن باش اثری اودور، آنجاق اونو یارادان‌دیر کی، قیلینجلا اونا یاخینلاشا بئلر.
[20] تپه‌لر محصوللارینی اونا ورئرلر، چؤلون بوتون حیوانلاری یانیندا اویناشیرلار.
[21] سو زانباقلارینین آلتیندا، قامیشلیقلارلا اؤرتولو باتاقلیقلاردا یاتار.
[22] سو زانباقلاری اوستونه کؤلگه سالار، دره‌نئن سؤیودلری اونو دؤوره‌له‌یر.
[23] چایلار قایناشسادا، او قورخماز؛ اوردون چایی بوغازینا چاتسا دا، آرخایین‌دیر.
[24] گؤزلری آچیق ائکَن کئم اونو توتا بئلر؟! کئم اونو تله‌یه سالیب بورنونو دِشه بئلر؟!