[1] او زامان اَیّوب جاواب ورئب ددی:
[2] «نه واختاجاق منی ائنجئده‌جکسئنئز، سؤزلرله منی اَزه‌جکسئنئز؟
[3] اون دفه‌دئر کی، منی تحقئر ادئرسئنئز، منه یاوا رفتار اتمه‌یئنئزدن ده اوتانمیرسینیز.
[4] اگر دوغرودان آزمیش دا اولسام، بو آنجاق اؤز تقصئرئمدئر.
[5] اگر اؤزونوزو حقئقتن مندن اوستون توتورسونوز، عِیبئمی اوزومه وورورسونوز،
[6] بئلئن کی، تاری منه حاقسیزلیق ادئب، هر طرفدن منی تورونا سالیب.
[7] باخین، «ظولمدور» دیئب باغیریرام، لاکئن جاواب آلمیرام. کؤمک اوچون فریاد ادئرم، آمّا عدالت یوخدور.
[8] یولوما دووآر چکئب کی، کچه بئلمه‌یئم؛ یوللاریمی قارانلیغا سالیب.
[9] شرفئمی اَینئمدن سویوندوروب، باشیمدان تاجی گؤتوروب.
[10] هر یاندان منی ییخیر، اَلدن گدئرم؛ اومئدئمی آغاج کئمی کؤکوندن چیخاردیب.
[11] قضبئنی ضئدّئمه توتوشدوروب، منی اؤزونه دوشمن ساییب.
[12] قوشونلاری اوستومه بئرلئکده گلئرلر، ضئدّئمه یوللارینی ساهمانلاییرلار، چادیریمین اطرافیندا یِرله‌شئرلر.
[13] قارداشلاریمی مندن اوزاقلاشدیریب، تانیشلاریم منه کامئل یاد اولوبلار.
[14] قوحوملاریم مندن اَل چکئبلر، یاخین دوستلاریم منی اونودوبلار.
[15] اِوئمده یاشایانلار و کنئزلرئم منی اؤزگه ساییرلار، اونلارین گؤزلرئنده قرئب اولموشام.
[16] قولومو چاغیریرام، آغیز آچیب یالوارسام بله، جاواب ورمئر.
[17] نفسئمدن آروادیمین دا زَهله‌سی گدئر، اؤز قارداشلاریم دا مندن ائیره‌نئر.
[18] کئچئک اوشاقلار بله منه حقارت ادئرلر، آیاغا قالخدیغیم زامان ضئدّئمه دانیشیرلار.
[19] بوتون صمئمی دوستلاریم مندن ائکراه ادئرلر، سِودئکلرئم ده ضئدّئمه دوروبلار.
[20] سوموکلرئم دَرئمه، اَتئمه یاپیشیب، دئشئمئن دَرئسی ائله آنجاق قاچمیشام.
[21] منه یازیغینیز گلسئن، یازیغینیز گلسئن، سئز، ای دوستلاریم، چونکی تارینین اَلی منی ووروب.
[22] نه اوچون سئز ده منه تاری کئمی ائشکنجه ورئرسئنئز، نئیه اَتئمدن دویمورسونوز؟
[23] کاشکی سؤزلرئم یازیلسایدی! کاشکی کئتابدا قید اولسایدی!
[24] دمئر قلم و قورغوشونلا همئشه‌لئک قایادا حَکّ اولسایدی!
[25] لاکئن من، بئلئرم کی، قورتاریجیم دئری‌دئر، آخیردا او، یر اوستونده دایاناجاق.
[26] دَرئم یوخ اولاندان سونرا، اَتئم اولمادان دا تارینی گؤره‌جیم.
[27] اؤزوم، اؤز گؤزلرئمله اونو گؤره‌جیم، اؤزوم، اؤزگه‌سی یوخ! نجه اوره‌یئم باغریمدا اوزولور!
[28] اگر دئیه‌سئنئز؛ ”ائشئن کؤکو اوندادیر، نجه اونا ائشکنجه وِرَک؟“
[29] اوندا اؤزونوز ده قیلینجدان قورخون؛ چونکی قضب قیلینج جزاسی گتئرَر، اِله کی، موکافاتین وار اولدوغونو بئله‌سئنئز.»