[1] آیا داغ کچی‌لرئنئن نه واخت دوغدوغونو بئلئرسن؟ ماراللارین بالالارینی دوغدوغونا باخیبسان؟
[2] آیا اونلارین بویلو اولان آیلارینی سایا بئلئرسن؟ دوغاجاق واختلارینی دا بئلئرسن؟
[3] دئزه دوشوب بالالارینی دوغارلار؛ آغری‌لاردان قورتارارلار.
[4] بالالاری چؤلده بؤیویوب گوج آلار، گِدَر، گری قاییتماز.
[5] چؤل اِششه‌یئنی کئم آزاد بوراخدی؟ وحشی اِششه‌یئن باغلارینی کئم آچدی؟
[6] اونا چؤللری مسکن من وردئم، شور چؤللری اونا یورد اتدئم.
[7] شهرئن قالابالیغینا گولر، ناخیرچینین دا های-کویونو اشئتمَز.
[8] گَزدئیی تپه‌لر اونون اوتلاغی‌دیر. هر جور یاشیل گؤیَرتئنی آختارار.
[9] آیا چؤل اؤکوزو راضی اولار کی، سنه ائشله‌سئن؟ آیا گجه‌نی سنئن آخوروندا قالار؟
[10] آیا جوت سورمک اوچون اونو جوته قوشا بئلرسن؟ آیا سنئن دالینجا دره‌لرده شیریم آچا بئلر؟
[11] آیا اونون حدسئز گوجونه بِل باغلایا بئلرسن؟ اونا آغیر ائش گؤردوره بئلرسن؟
[12] آیا اونا اعتئبار اده بئلرسن کی، اَکئنئنئن محصولونو داشیسین، اونو خرمنه ییغسین؟
[13] دَوه قوشو قانادلارینی شادلیقلا چیرپار، لاکئن اونو لِیله‌یئن قانادی و پرلری ائله موقایئسه اتمک اولماز.
[14] یرده یومورتالاییر، اونلاری توز-تورپاق اوستونده قیزدیریر.
[15] یادیندان چیخاردیر کی، بئر آیاق اونلاری اَزه بئلر، چؤل حیوانلارینین آیاغی آلتیندا قالار.
[16] بالالاری ائله قَسوَتله رفتار اِدَر، اِله بئل کی، اؤزونونکو دیئل‌لر. چکدئیی زحمتئن بوشا چیخماسیندان قورخماز.
[17] چونکی تاری اونا حئکمت ورمه‌یئب، آنلاقدان دا اونا پای ورمه‌یئب.
[18] آمّا گئنه ده قاچماق اوچون قاناد آچاندا هم آتا، هم ده آتلی‌یا گولر.
[19] آیا آتا، گوجو سن ورئرسن؟ بوینونا دا یالی قویان سنسن؟
[20] آیا اونو چَیئرتکه کئمی سیچرادان سنسن؟ اونون شؤوکتلی کئشنَمه‌سی سَهملی‌دئر.
[21] آیاغینین دیرناغینی دره‌ده یره چیرپار، قووّتئندن کِف اِدَر، سئلاحلی‌لارین قاباغینا چیخار.
[22] قورخویا گولر، هچ بئر شیدن قورخماز، قیلینج قاباغیندان دا دؤنمَز.
[23] اونون اوستوندن اوخ، پاریلدایان نئزه و مئزراق شئمشَک کئمی کِچَر.
[24] هیجان و قضبله یری-یوردو قاپار؛ کَره‌نایین سَسی گلدئکده یرئندن دئک آتیلار.
[25] کَره‌نای چالینان واخت «هئیّا» دیئب کئشنه‌یَر، موحارئبه‌نئن ائیسئنی، سرکرده‌لرئن قیشقیرتیسینی، دؤیوشون نعره‌سئنی اوزاقدان حئسّ اِدَر.
[26] مگر قیرغی سنئن حئکمتئنله اوچور، قانادلارینی جنوب طرفئنه آچیر؟
[27] مگر قارتال سنئن امرلرئنله گؤیه قالخیر، یوواسینی اوجالاردا قورور؟
[28] قایادا یاشایار، قایانین اوجوندا، قایانین چاتلاقلاریندا مسکن توتار.
[29] شئکارینی اورادان آختارار، گؤزلری اونو اوزاقدان گؤرَر.
[30] بالالاری قان سومورَر؛ لِشلر هارادا اولسا، او دا اورادادیر.