[1] او زامان اَیّوب جاواب ورئب ددی:
[2] «ضعئف آداما نه چوخ کؤمک اولدونوز! طاقتدن دوشَن قولا نجه ده خئلاص وردئنئز!
[3] حئکمتسئز آداما نجه مصلحت وردئنئز! اونا بصئرتی نه بول وردئنئز!
[4] بو سؤزلری کئمه دیئرسن؟ سنئن آغزیندان کئمئن نفسی دانیشیر؟
[5] اؤلولر تئتره‌یئرلر، سولارین آلتیندا اولانلار، بوتون اونلاردا یاشایانلار لرزه‌یه گلئرلر.
[6] تارینین حوضوروندا اؤلولر دئیاری چیلپاق‌دیر؛ هلاکت یرئنئن اؤرتوسو یوخدور.
[7] تاری بوش فضانین اوستونه شئمال گؤیلرئنی سالیر، یری هِچلئکدن آسیر.
[8] سولاری بولودلاریندا بوکور، اونلارین آغیرلیغیندان بولودلار ییرتیلمیر.
[9] بَدئرلَنمئش آیین اوزونو اؤرتور، بولودلارینی اونون اوستونه چکئر.
[10] سولارین اوستونه بئر سرحد چکئر، ائشیقلا قارانلیغی بؤلور.
[11] گؤیون سوتونلاری اسئرلر، اونون تأدئبئندن حیرته دوشورلر.
[12] دهنزی قودرتی ائله چالخالادی، حئکمتی ائله راحَبی تئکه-تئکه اتدی.
[13] اونون نفسی ائله گؤیلر آچیلیر؛ اَلی قاچان ائلانی پارچالاییب.
[14] باخ، بونلار آنجاق اتدئکلرئنئن بئر ذرّه‌سی‌دئر اوندان اشئتدئیئمئز ضعئف بئر پیچیلتی‌دیر! لاکئن قودرتئنئن گورولتوسونو کئم آنلایا بئلر؟»