[1] او زامان تِیمانلی اِلئفَز جاواب ورئب ددی:
[2] «مگر ائنسان تارییا فایدالی اولا بئلر؟ حئکمتلی بئر آدام دا مگر اونا فایدا وِرَر؟
[3] سنئن صالح اولدوغوندان قادئری-موطلق نه لذّت آلیر؟ یوللارینین کامئل اولدوغونون اونا نه قازانجی وار؟
[4] سنی تنبه اتمه‌سی، سنئنله داعوالاشماسی مگر اونا گؤرستدئیئن حؤرمته گؤره‌دئر؟
[5] مگر پئسلئیئن بؤیوک دیئل؟ مگر تقصئرئن حدسئز دیئل؟
[6] سببسئز قارداشلاریندان گئروو آلدین، اونلاری پالتارلاریندان سویوب لوت بوراخدین.
[7] یورغونا بئر ائچئم سو ورمه‌دئن، آج آدامدان چؤره‌یی اسئرگه‌دئن.
[8] لاکئن یر قودرتلی آدامینکی‌دیر، حؤرمتلی آدام اوندا ساکئن اولور.
[9] دول آروادلاری اَلی-بوش یولا سالدین، یِتئملرئن قووّتئنی سیندیردین.
[10] بوندان اؤترودور کی، هر یانینی تله آلیب، قفئلدن گلن قورخو سنی دهشته سالیب.
[11] ظولمت سنی اله بورویوب کی، گؤره بئلمئرسن، سِل‌لرده بوغولورسان.
[12] مگر تاری گؤیلرئن اوجالاریندا دیئل؟ لاپ اوزاق اولدوزلارا بئر نظر سال، گؤر نه قدر اوجالاردادیرلار!
[13] آمّا سن دیئرسن: ”تاری نه بئلئر؟ مگر قالین قارانلیق ائچئندن موحاکئمه اده بئلر؟
[14] بولودلار اونا مانع اولور، اِله کی، گؤره بئلمئر. گؤی قوبّه‌سئنئن اوستونده گَزئر.“
[15] پئس آداملارین گتدئیی قدئم یولو مگر توتاجاقسان؟
[16] اونلار واختلاری چاتمامیش قاپیلدیلار، بونؤوره‌لرئنی سل باسدی.
[17] تارییا ددئلر: ”بئزدن اوزاق اول! قادئری-موطلق بئزه نه اده‌بئلر؟“
[18] آمّا گئنه ده تاری اِولرئنی نعمتلرله دولدوردو؛ اونا گؤره قوی پئس آداملارین مشورتی مندن اوزاق اولسون!
[19] صالح آداملار بونو گؤروب سِوئنئرلر، معصوم آداملار اونلاری لاغا قویورلار.
[20] دیئرلر: ”دوغرودان دا دوشمنلرئمئز هلاک اولورلار، و اونلاردان قالانی دا اود یِیئب اودور.“
[21] ائندی تارییا باش اَی، اونونلا باریش؛ بله‌جه یاخشیلیق سنه گلر.
[22] اونون آغزیندان چیخان تعلئمی قبول ات، اونون سؤزلرئنی اوره‌یئنده ساخلا.
[23] اگر قادئری-موطلقئن طرفئنه دؤنه‌سن، اوّلکی حالینا دؤنَرسن؛ اگر حاقسیزلیغی چادیریندان اوزاق اده‌سن،
[24] قیزیلینی تورپاغا قویاسان، اوفئرئن خالئص قیزیلینی چایلارین داشلاری اوستونه آتاسان.
[25] او زامان قادئری-موطلق سنئن قیزیلین اولار، خالئص گوموشون اولار.
[26] او زامان قادئری-موطلقدن خوشلانارسان، و اوزونو تارییا قالدیرارسان.
[27] اونا دوعا اِدَرسن، سنی اِشئدَر. اتدئیئن نذئرلری یرئنه یتئرَرسن.
[28] قرار وردئیئن هر شی یرئنه یتئرئلر، یوللارینین اوستونه نور سَپئلر.
[29] ائنسانلار سنی آلچالداندا، سن ”باش اوجالیغی‌دیر“ دئیَرسن، چونکی او باشی‌آشاغی آداملارا خئلاص وِرَر.
[30] او، گوناهسیز اولمایانی بله قورتارار، سنئن اَللرئنئن تمئزلئیئنه گؤره گوناهکار خئلاص اولار.»