[1] بونا دا اوره‌یئم چیرپینیر، یرئندن اویناییر.
[2] اشئدئن! گورولده‌ین سَسئنی، آغزیندان چیخان هارایی اشئدئن.
[3] شئمشه‌یئنی بوتون گؤیون آلتینا سالیر، یرئن هر طرفئنه گؤندَ‌رئر.
[4] دالیسیجا نعره چکئر؛ عظمتلی سَسی ائله گورولداییر. سَسی اشئدئلَنده ده شئمشه‌یئنئن قاباغینی آلمیر.
[5] تاری سَسی ائله عجئب بئر شکئلده گورولداییر؛ آنلایا بئلمه‌دئیئمئز بؤیوک ائشلر گؤرور.
[6] قارا دیئر: یره یاغ! یاغیشا و شئدّتلی یاغان یاغیشا دیئر: شئدّتلی تؤکول!
[7] هرکسئن اَلئنی ائشدن ساخلاییر، اله کی، یاراتدیغی بوتون ائنسانلار اونون ائشئنی بئلسئنلر.
[8] حیوانلار یووالارینا چکئلئرلر؛ اؤز یرلرئنده قالیرلار.
[9] اوتاغیندان فیرلانان یل گلئر، داغیلان یل‌لرئندن ده سویوق.
[10] تارینین نفسی سولاری دوندورور؛ گِنئش سولار بوز باغلاییرلار.
[11] بولودلاری نَمله یوکله‌یئر، شئمشه‌یئنی اونلارین ائچئندن یاییر.
[12] اونون رهبرلئیی ائله دؤنوب فیرلانیرلار، اله کی، یر اوزونده اونون امر اتدئکلرئنی یرئنه یتئرسئنلر.
[13] ائستر تنبه اوچون، ائستر دئیاری اوچون، ائستر سِوگئسی اوچون بونون باش ورمه‌سئنه باعئث اولور.
[14] بونو اشئت، اَیّوب: دایان و تارینین عجایئب ائشلرئنی بئر دوشون.
[15] آیا بئلئرسن کی، تاری بولودلارینا نجه نئظام قویور، شئمشَکدن نجه اود چیخاردیر؟
[16] آیا بولودلارین تارازلیغینی، معرئفتده کامئل اولانین عجایئب ائشلرئنی بئلئرسن؟
[17] جنوب یلی، دئیاری ساکئت ادن واخت، سن کی، ائستئدن پالتاریندا حالدان گدئرسن،
[18] آیا سن ده اونون کئمی گؤی قوبّه‌سئنی تؤکمه بورونج آیناسی کئمی سَره بئلئرسن؟
[19] دِه بئزه اونا نه دئیَک؛ چونکی قارانلیق سببئندن سؤزوموزو سیرایا دوزه بئلمئرئک.
[20] آیا منئم دانیشماق ائستمه‌یئم گرک اونا خبر ورئلسئن؟ مگر اولار کی، ائنسان اودولماغینی ائسته‌سئن؟
[21] کولَک قورتاراندا، گؤیو تمئزله‌یَنده، گؤیده پارلایان ائشیغا هچ کئم باخا بئلمز.
[22] شئمالدان قیزیل شؤوکتی ائله گلئر؛ تاری هیبتلی عظمتئنده گلئر.
[23] بئز قادئری-موطلقی تاپا بئلمه‌رئک؛ قودرت و عدالتده او، بؤیوکدور. صداقتئنئن چوخلوغوندا او، هچ حاقسیزلیق اتمز.
[24] اونا گؤره ده، ائنسانلار اوندان قورخورلار، او، اورَکلرئنده حئکمتلی اولانلارا دا باخماز.»