[1] آمّا ائندی یاشجا مندن کئچئکلر منه لاغ ادئرلر؛ او آداملار کی، آتالارینی هچ حساب ادئب سورومون ائتلری ائله قویماغا بله راضی اولمازدیم.
[2] اونلارین اَللرئنئن قووّتئندن منه نه فایدا اولاردی؟ گوج اونلاردان آرتیق گتمئشدی.
[3] یوخسوللوقدان، آجلیقدان آریقدیرلار گجه قارانلیغیندا چؤل-بئیاباندا بئتکی کؤکو گَمئرئرلر.
[4] کوللوقلاردان دوزلو بئتکئلر ییغیرلار، و یئیه‌جکلری سوپورگه کوللارینین کؤکودور.
[5] خالق آراسیندان قووولورلار، اونلارین اوستونه اِله قیشقیریرلار کی، دئیه‌سن اوغرودورلار.
[6] دهشتلی وادئلرده، یرئن دلئکلرئنده، قایالار آراسیندا یاشاییرلار.
[7] کوللارین آراسیندان آنقیریرلار؛ قارا تئکانین آلتیندا دالدالانیرلار.
[8] آخماقلارین، آدسیزلارین اؤولادلاری‌دیرلار، اؤلکه‌دن قووولموشدورلار.
[9] ائندی من دئللرئنئن نغمه‌سی اولموشام؛ آغیزلاریندا مثل اولموشام.
[10] مندن ائکراه ادئرلر، مندن اوزاق دورورلار، اوزومه توپورمکدن ده چکئنمئرلر.
[11] ائندی کی، تاری کامانیمین ائپئنی بوشلاییب و منی ذلئل ادئب، اونلار دا گؤزومون قاباغیندا جئلوولارینی آرتیق آتیبلار.
[12] صاغیمدا زئل-زئبئل آداملار قالخیرلار؛ آیاغیمی جایدیریرلار، هلاک ادن یوللارینی منه طرف دوزَ‌لدئرلر.
[13] یولومو وئران ادئرلر، اونلارا کؤمک ادن بئری اولماسا دا، هلاکیما چالیشیرلار.
[14] اله بئل کی، گِنئش بئر دلئکدن گلئرلر؛ وئرانه‌لئکدن اوستومه یووارلانیرلار.
[15] دهشتلر اوستومه تؤکولور؛ شرفئمی یل کئمی سووورور، خوشبختلئیئم بولود کئمی کچئب گدئب.
[16] ائندی جانیم ائچئمده اَرئیئر؛ ذلئللئک گونلری مندن بَرک یاپیشیب.
[17] گجه‌لر سوموکلرئمی ائچئمده دِشئر، جانیمی گَمئرَن آغریلار هچ دایانمیر.
[18] تاری زورلا پالتاریمی اَینئمدن چیخاردیر؛ مندن جوبّه‌مئن یاخاسی کئمی یاپیشیر.
[19] منی پالچیغا باتیریر، توزا دؤنموشَم، کوله دؤنموشَم.
[20] کؤمک اوچون سنه باغیریرام، جاواب ورمئرسن. آیاغا قالخیرام، منه بئر نظر ده سالمیرسان.
[21] منئم ضئدّئمه رحمسئزسن اَلئنئن گوجو ائله منی اَزئرسن.
[22] منی قالدیریب یل اوستونه مئندئرئرسن، طوفان ائچئنه سالیب دارماداغین ادئرسن.
[23] بئلئرم کی، منی اؤلومه آپاراجاقسان؛ بوتون یاشایانلارا تعیئن اولونموش یره آپاراجاقسان.
[24] ییخیلانین دوستو اولماز، موصئبتئنده کؤمک اوچون مگر باغیرمیر؟
[25] مگر من دارلیغا دوشَنلر اوچون آغلامازدیم؟! مگر اوره‌یئم فاغیر اوچون یانمازدی؟!
[26] یاخشیلیق گؤزله‌دئم، یامانلیق گلدی، ائشیق گؤزله‌دئم، قارانلیق گلدی.
[27] اوره‌یئم چیرپینیر، راحاتلیغی یوخدور، ذلئللئک گونلری یولومو کَسئب.
[28] یوخدور بئر ائشیق اوجو، قارالا-قارالا گَزئرم، جاماعات آراسیندا دوروب کؤمک اوچون باغیریرام.
[29] چاقّاللارا قارداش اولموشام، بایقوشلارا یولداش اولموشام.
[30] دَرئم قارالیب اوستومدن تؤکولور؛ سوموکلرئم قیزدیرمادان یانیر.
[31] طنبوروم یاس توتوب ناله چکئر، نِیئم زار-زار نیقّیلداییر.