[1] او زامان تِیمانلی اِلئفَز جاواب ورئب ددی:
[2] «مگر حئکمتلی بئر آدام هاوایی علمله جاواب وِرَر؟ مگر قارنینی شرق یِلی ائله دولدورار؟
[3] مگر فایداسیز صؤحبتله، دَیَرسئز سؤزلرله موباحئثه اِدَر؟
[4] آمّا سن تاری قورخوسونو بله قیراغا قویورسان، و تارینین حوضوروندا دوشونمه‌یه مانع اولورسان.
[5] چونکی سنئن آغزین گوناهدان درس آلیر و حئیله‌گرلرئن دئلئنی سِچئرسن.
[6] سنی محکوم ادن من دیئلم، اؤز دئلئندئر؛ دوداقلارین سنئن ضئدّئنه شهادت ورئر.
[7] مگر ائلک دوغولان آدام سن ائدئن؟ یوخسا داغلاردان دا اوّل سن اولوبسان؟
[8] مگر تارینین گئزلی مشورتئنی اشئدئبسن؟ تَکجه اؤزونو مگر حئکمتلی ساییرسان؟
[9] سن نه‌یی بئلئرسن کی، بئز اونو بئلمئرئک؟ سن نه آنلاییرسان کی، بئز آنلامیریق؟
[10] آرامیزدا هم ساچی آغارمیش وار، هم ده یاشلی؛ سنئن آتاندان دا یاشلی.
[11] مگر سنه تارینین تسلّی‌لری، ددئیی خوش سؤزلر کئفایت دیئل؟
[12] نئیه قلبئن سنی بله آزدیریر؟ گؤزلرئندن شئمشک چاخیر؟
[13] اله کی، روحونو تارینین ضئدّئنه دؤندَ‌رئرسن، و آغزیندان بله سؤزلر چیخاردیرسان؟
[14] ائنسان نه‌دئر کی، طاهئر اولسون؟ آرواددان دوغولان کئمدئر کی، صالح اولسون؟
[15] باخ، او اؤز موقدّسلرئنه بله اعتئبار اتمئر، گؤیلر بله اونون گؤزونده طاهئر دیئل.
[16] حاقسیزلیغی سو کئمی ائچَن ائیرنج و کورلانمیش ائنسانا او، مگر اعتئبار اِدَر؟
[17] منه قولاق آس، سنه دِیئم؛ گؤردویومو سنه بیان اده‌جیم؛
[18] حئکمتلی آداملارین ددئکلرئنی، آتالاریندان آلیب گئزلَتمه‌دئیی شیلری.
[19] او آتالار کی، اؤلکه آنجاق اونلارا ورئلمئشدی، آرالارینا یاد اِللی گئرمه‌مئشدی.
[20] پئس آدام حیاتی بویو عذاب چکئر، قدّار آدام اوچون آنبار اولموش ائل‌لر ساییلی‌دیر.
[21] دهشتلر سَسی اونون قولاغیندادیر، هر شی یاخشی گؤرونَرکَن، محو ادن اونا هوجوم ادئر.
[22] قارانلیقدان قاچاجاغینا ائنانماز، اونو قیلینج گؤزلر.
[23] ”هارادادیر؟“ دیئب چؤرک اوچون آوارا گَزَر قارا گونلرئنئن یانیندا اولدوغونو بئلر.
[24] دارلیق و مشقت اونو قورخودار، هوجوم اتمیه حاضیرلانمیش بئر پادشاه کئمی اونا قالئب گلر.
[25] چونکی اَلئنی تارینین ضئدّئنه اوزادیب، و قادئری-موطلقله دئکباشلی رفتار ادئر.
[26] دئکباشلیقلا اونون اوستونه یوگورور؛ ائری قوبّه‌لی قالخانینی توتوب.
[27] اوزونو یاغلا اؤرتوب و قارنینی پئی باسیب،
[28] وئرانه شهرلرده، کئمسه‌سئز، یرله یکسان اولان وئرانه‌لرده، عاقئبتی داغیلماق اولان اِولرده ساکئن اولاجاق.
[29] بئر داها وارلی اولمایاجاق، ثروتی داوام گتئرمیه‌جک. مال‌لاری اؤلکه‌نی بورومیه‌جک.
[30] قارانلیقدان قاچمایاجاق، زوغلارینی اود آلووو قوروداجاق، و تارینین آغزینین نفسی ائله یوخ اولاجاق.
[31] قوی بوش شیه بِل باغلاماسین، اؤزونو آلداتماسین؛ چونکی عوضی بوشلوق اولاجاق.
[32] واختیندان قاباق ائشی باشا گله‌جک، بوداغی گؤیَرمیه‌جک.
[33] قوراسی تؤکولَن اوزوم آغاجی کئمی، چئچه‌یی تؤکولَن زیتون آغاجی کئمی اولاجاق.
[34] چونکی تارییا ائنانمایان جاماعات قیصیر اولار. روشوَتخورلارین چادیرینی اود یاندیریب یوخ اِدَر.
[35] بلایا حامئله اولوب شر دوغار، قارینلاری حئیله حاضیرلایار.»