[1] Al-Rabb maʼruuf fi Yahuuza wa usmah kabiir fi Israaʼiil.
[2] Wa kheemtah fi Uruchaliim wa maskanah fi Sahyuun.
[3] Wa hinaak, hu kassar al-nachaachiib wa l-nubbaal wa l-darag wa l-seef wa l-silaah. Wagfa.
[4] Ya Allah, inta nuur aziim wa ziyaada min al-jibaal al-daaymiin.
[5] Al-askar al-fahaliin // chaaloohum misil khaniime wa naamo noom al-moot. Wa kulla l-rujaal al-fahaliin dool ma gidro yidaafuʼu le nufuushum.
[6] Ya Ilaah Yaakhuub ! Be sabab tahdiidak, siyaad al-kheel wa kheelhum ma alharrako.
[7] Inta al-tikhawwif, yaatu al-yagdar yagiif giddaamak fi wakit khadabak ?
[8] Min al-samaawaat, // inta kharrart al-ikhaab wa min al-khoof, // al-ard gaaʼide saakit
[9] wakit al-Rabb yugumm le l-chariiʼa le yinajji masaakiin al-ard. Wagfa.
[10] Hatta zaʼal al-insaan yiwassif majdak wa l-ma yikhallu zaʼalhum // yagoodu haznaaniin.
[11] Sawwu nazir le Allah Ilaahku wa timmuuh. Aywa, jiibu hadaayaaku // le l-Ilaah al-bikhawwif, intu al-muhawwigiinah.
[12] Achaan hu yimaskin al-kubaaraat wa yikhawwif muluuk al-ard.