[1] Ya Bani Adam, sahiih ke ? Be l-sukuut tijiibu al-adaala walla ? Gaaʼidiin tahkumu be l-hagg ambeenaatku walla ?
[2] La ! Be niiyitku gaaʼidiin tisawwu jariime wa fi l-ard gaaʼidiin tikatturu al-unuf be iidku.
[3] Al-aasiyiin munaafikhiin min humman fi rihim ammahaathum wa l-kaddaabiin muwaddiriin min yoom marago // min butuun ammahaathum.
[4] Humman induhum samm misil samm al-daabi wa misil amchideegaat al-tarchaane al-saddat udneeha
[5] wa ma tidoor tasmaʼ hiss siidha wa la hiss al-saahir // al-ziyaada minnah.
[6] Ya Rabb, kassir sunuunhum // fi daakhal khuchuumhum ! Wa dammir fawaatir iyaal al-duud, ya Allah !
[7] Khalli yisiilu misil almi al-jaari wa nachaachiibhum al-yisawwubuuhum yukuunu ma induhum gudra.
[8] Wa misil duud al-karkuur al-yumuuʼ wakit yazhaf wa misil sakhiir al-rumaaye, abadan ma yichiifu al-harraay.
[9] Wa gubbaal buraamku ma yihissu be naar al-chook, khadab Allah yuguchchuhum // be riih chadiide.
[10] Wa l-saalih yafrah achaan hu chaaf cheeliin al-taar wa hu yikhassil rijileenah fi damm al-aasiyiin.
[11] Wa l-naas yuguulu : «Aywa, le l-saalih ajur ! Aywa, al-Rabb gaaʼid wa yahkim fi l-ard !»