[1] Ya Allah, asmaʼ salaati wa khutt adaanak le chihidti. Rudd leyi be sidkhak wa adaaltak !
[2] Ma tiwaddiini ana abdak fi l-chariiʼa achaan ma fi makhluug hayy saalih giddaamak.
[3] Al-adu gaaʼid yitaaridni wa ramaani fi l-ard le yarhakni. Wa hu gaʼʼadni fi l-dalaam misil al-maato zamaan.
[4] Ruuhi bigat daʼiife wa galbi alhayyar.
[5] Ana azzakkart al-ayyaam al-faato wa fi nafsi, hajjeet be kulla amalak wa fakkart fi khidmit iideenak.
[6] Ana rafaʼt iideeni aleek wa giddaamak, ana misil // ard atchaane. Wagfa.
[7] Ya Allah, rudd leyi be surʼa ! Ruuhi diʼfat. Wajjih wijhak aleyi achaan ma nabga misil al-yanzulu fi l-khubuur.
[8] Wa be fajur, khabbirni be rahmatak achaan ana mutawakkil aleek. Wassifni al-tariig al-nichiilah achaan ana mutawajjih aleek.
[9] Ya Allah, najjiini min udwaani achaan ana jiit nillabbad jambak.
[10] Allimni le nisawwi niiytak achaan inta Ilaahi. Khalli Ruuhak al-adiil yiwaddiini fi ard mustawiye !
[11] Ya Allah, hayyiini fi chaan usmak wa be adaaltak, // amrugni min al-diige !
[12] Wa be rahmatak, inta taktul udwaani wa tidammir kulla l-yugummu diddi achaan ana abdak.