[1] Ana nihibb Allah achaan hu yasmaʼ hissi wakit nachhadah.
[2] Nasʼalah kulla muddit hayaati achaan yigarrib leyi wa yasmaʼni.
[3] Guyuud al-moot karabooni wa diig al-khabur lihigni wa l-diige wa l-hizin wagaʼo foogi.
[4] Khalaas, ana naadeet be usum Allah wa gult : «Ya Rabb, najjiini !»
[5] Allah hanuun wa saadikh, Ilaahna hu rahiim.
[6] Allah yahfad al-juhhaal wa wakit ana daʼiif, hu najjaani.
[7] Ya nafsi ! Anjamme achaan Allah sawwa leeki al-kheer.
[8] Aywa, ya Rabb, inta najjeet nafsi min al-moot wa uyuuni min al-dumuuʼ wa rijileeni min al-tartaʼaan.
[9] Wa be da, namchi adiil giddaam Allah fi ust al-hayyiin.
[10] Ana aamant hatta wakit gult : «Ana taʼbaan ziyaada.»
[11] Wa fi barjalati, ana gult : «Kulla l-naas kaddaabiin.»
[12] Nagdar nurudd le Allah fi kulla l-zeen al-sawwaah leyi walla ? La !
[13] Narfaʼ leyah hadiiyat al-charaab wa ninaadi be usum Allah.
[14] Wa giddaam kulla chaʼabah, nihaggig nazri le Allah.
[15] Moot al-muʼminiin cheyy aziim giddaam Allah.
[16] Ya Allah ! Ana abdak, // ana abdak wileed khaadmak. Inta halleet minni al-janaaziir.
[17] Ana nadbah leek dahiiyat chukur wa ninaadi be usmak, ya Allah.
[18] Wa giddaam kulla chaʼabah, nihaggig nazri le Allah.
[19] Aywa, nihaggigah fi fadaayit beet Allah fi usutki, ya Madiinat al-Khudus ! Al-hamdulillah !