<Kitaab al-Zabuur 125

[1] Al-yitwakkalo ale Allah, humman misil jabal Sahyuun // al-ma yilharrak wa gaaʼid ila l-abad.

[2] Wa misil Madiinat al-Khudus muhawwaga be jibaal, Allah kula muhawwig chaʼabah min hassaʼ wa ila l-abad.

[3] Wa hu ma yisabbit muluk jaayir fi balad al-saalihiin wa be da, ma yimiddu iideehum le yisawwu jariime.

[4] Ya Allah, sawwi al-kheer le l-naas al-yisawwu al-kheer wa le l-naas al-guluubhum buyud.

[5] Wa laakin al-naas al-yichiilu // al-derib al-aʼwaj, atrudhum, ya Allah, maʼa l-naas al-yisawwu al-charr. Wa jiib al-salaam le Bani Israaʼiil !