<Kitaab al-Zabuur 126

[1] Wakit Allah gabbalaahum fi Sahyuun le naasna al-waddoohum abiid, da bigi leena misil hilim.

[2] Wa dihikna ziyaada wa ragragna wa zakhratna min al-farah lahaddi al-umam gaalo : «Allah sawwa le l-naas dool // cheyy katiir.»

[3] Aywa, Allah sawwa leena cheyy katiir wa aniina farhaaniin !

[4] Ya Allah, gabbil naasna al-waddoohum abiid wa jiibhum misil almi al-seel // fi saharat Nagab.

[5] Al-yiteerubu be dumuuʼ al-taʼab, yagtaʼo be farah.

[6] Al-yamchi be baki, // chaayil teeraabah, hu yigabbil be farah, // chaayil ganaadiilah.