<Kitaab al-Zabuur 113

[1] Al-hamdulillah ! Ahmudu, ya abiid Allah ! Ahmudu usum Allah !

[2] Khalli yimajjudu usum Allah min al-yoom wa ila l-abad.

[3] Khalli yahmudu usum Allah min bakaan taluuʼ al-harraay lahaddi bakaan waguuʼha.

[4] Allah gaadir foog kulla l-umam wa majdah aali min al-samaawaat.

[5] Yaatu al-yichaabih Allah Ilaahna ? Hu gaaʼid fi l-aali

[6] wa yichiif al-samaawaat foog wa l-ard tihit.

[7] Wa hu yigawwim al-miskiin // min al-turaab wa yarfaʼ al-fagri // min al-rumaad.

[8] Maʼa l-chuyuukh yigaʼʼidhum, yigaʼʼidhum maʼa chuyuukh chaʼabah.

[9] Wa yanti iyaal le l-aagre wa yigaʼʼidha fi usut iyaalha be farah. Al-hamdulillah !